Hello, Pablo. Let me see kung tama ang pag-intindi ko sa question mo: may OFW na nagtrabaho sa Korea gamit ang sariling pangalan pero, I suppose, tourist lang ang visa niya kaya noong nahuli siya, dineport siya mula sa Korea. Bumalik siya doon pero gamit ang ibang pangalan. Kinulong siya sa Korea. Matapos ang kanyang prison sentence, pabalik na siya sa 'Pinas. So, ang tanong mo, kung may kaso din bang sasalubong sa kanya?
1st passport, genuine; 2nd passport, fake. Tama?
First, ang passport ay isang public document. So, kung siya'y nakakuha ng pasaporte gamit ang pangalan ng ibang tao, ang kanyang nakuhang 2nd passport ay fraudulent -- it ay fake.
Second, dalawa ang mga partido na na-apektuhan at naging biktima ng kanyang fraudulent act: iyung taong nagma-may-ari ng pangalang na kanyang ginamit at in-assume; at ang bansang Pilipinas sapagkat ang selyo ng bansa sa pasaporteng ginamit niya ay inilagay doon kahit irregular ang issuance.
Third, ang passport ay isang primary document to prove one's identity and nationality. Ang identity o katauhan noong taong nagma-may-ari ng isang pasaporte ay ginagarantiyahan ng selyo ng Republika ng Pilipinas. So, kung fake pala iyon, nagamit ang selyo ng Pilipinas upang garantiyahan ang nationalidad at katauhan ng isang taong hindi naman nag-e-exist or di kaya'y taong iba ang katauhan.
Sa iyong tanong kung siya'y may kakaharaping kasong kriminal dito, ang sagot ay, depende. Kung ang ginamit niyang identity ay sa kapatid o kamag-anak niya (malamang sa hindi mag-demanda iyon kahit na nasira ang lahat ng oportunidad niyang maka-punta sa Korea dahil sa nagamit ang kanyang identity sa isang deportable act).
Ang hindi ko masasagot ay kung ide-demanda siya ng bansang Pilipinas. Malaking kasiraan sa Pilipinas ang isang fake na passport -- ibig sabihin ay hindi mapagkakatiwalaan ang sistema ng issuance ng passport sa Pilipinas -- lahat ng passport na inisyu ng Pilipinas ay suspect na, kahit hindi ito fake. Nasira ang dangal ng bansa.
Kung may public prosecutor na fanatic sa 'Daang matuwid' at may ambisyon siyang pulitikal, maaaring habulin niya ang lahat ng mga OFW na ma-deport dahil sa fake na credentials. Yun nga lang risky iyon kasi, maraming OFW at pamilya ng OFW na botante sa Pilipinas. He definitely will not get their vote kung mag-higpit siya at 'sample-an' ang OFW na ito. So, malamang sa hindi mag-reklamo ang bansang Pilipiinas. At kung magreklamo man, kadaling sabihin ng OFW na hindi siya ang gumawa ng pagpe-peke, kundi agency. So, magtuturuan lamang ang mga tao, at walang maipapa-kulong. Walang sindikato sa DFA o sa POEA na mai-expose. Walang Senate Blue-Ribbon Committee hearing. So, kung may alingasngas man, panandalian lang ito.
Sad, but true.
Hindi pa kasi batas sa Pilipinas ang identity-theft. Hindi katulad sa ibang bansa na may criminal act na identity-theft. So, dito, falsification of a public document lamang. Since wala sigurong 'victim' kundi ang prestige at honor ng bansa, patay na sina Rizal atbp. so wala nang mga bayaning magsasanggalang sa dangal ng bansa.
Sa tanong mo na makaka-alis pa ba siya ulit -- well, kung maka-kuha siya ng NBI clearance dahil sa walang naka-sampang kaso laban sa kanya, at kung makaka-kuha siya ng passport sa kanyang sariling pangalan, makakakuha siya ng panibagong (3rd) passport. Hindi na nga lang siya makakabalik sa Korea. Sa ibang bansa na lamang.
Sa tanong mo na puede ba siyang maghabla laban sa mga nameke, puede, bakit hindi -- does that OFW feel like being a hero? Kailangan ng bansang ito ng selfless heroes na magtataguyod ng justice. Bakit hindi?
Sana'y nasagot ko ang iyong mga katanungan.
