What legal action against agency that took my passport and asked me to wait 7 months but no job order?

may pinirmahan po ako na contract from the KSA company po mismo na MAY 1 po ang start ng training ko sa saudi. after ko po maipasa ang mga papers ko pina medical na po nila ako at ang sabi po ng agency two weeks or within one month lang makakaalis na ko. may copy po ako ng kontrata na MAY 1 po ang start ko. then po ngayon, yung papasukan ko po palang clinic don sa KS hindi pa nag ooperate at ibang license po ng clinic ang nasa sponsor ng visa ko. at ang sabi po ng agency sakin 'hindi naman namin alam na magiging ganito katagal ang processing".. tama po ba na hindi nila alam? thanks po sa response.

Naku, mabuti at nagdagdag ka ng information.

Heto ang aking masasabi: kapag iba iyong pangalan ng employer sa kontrata na iyong pinirmahan at iba din ang employer/sponsor na nakalagay sa visa mo, naku, red flag iyan. kasi, ibig sabihin ay may mga iba't ibang kausap ka diyan. Baka iyong agency dito ay agency sa Pilipinas ng isa pang Agency din sa KSA at hindi mismo employer ang kausap nila sa KSA. kaya naman, iba't iba ang pangalan.

So, para ma-proteksiyunan mo ang sarili mo, tanawin mong nakabuti ang delay na ito. kasi, kung halimbawa, dito sa POEA, ibang pangalan ng employer ang naka-rehistro tapos pag dating mo doon, sa iba ka pala naman din ma-de-deploy at iba din naman ang terms ng iyong mga sahod at benepisyo -- mahirap namang andun ka na, nag-iisa at walang makakausap o masusulingan.

Dapat ka nang mag-reklamo. Ang delay ay hindi dahil sa walang trabaho kundi't dahil sa kawalan ng kasiguruhan kung sino nga ba talaga ang employer mo, ano ba talaga ang job mo o trabahong papasukan at ano ba talaga ang terms.

Tama ka, hindi puedeng sabihin ng agency dito na hindi nila alam na magtatagal ang ito. Dapat ay kung May 1 ka pa pumirma, May 1 pa ay naka-alis ka na't ikaw ay nagta-trabaho na't sumasahod na. So, malamang sa dapat ka nang magreklamo.

Dapat siguro'y mag-file ka ng money claims sa NLRC na pinaka-malapit sa inyong region. Kasi, kung ikaw ay naka-pirma na ng contrata, dapat ay may suweldo ka na. Dahil sa hindi ka pa sumusuweldo, dapat ay ibalik sa iyo ng agency sa Pinas ang iyong papeles at bayaran ang oras mo nang paghihintay dahil sa pinapirma ka na ang contract of employment. Wala namang bayad ang mag-file sa NLRC. Sabayan mo na rin ng file ng complaint sa POEA at sabayan mo na rin ng file ng illegal recruitment sa prosecutor's office.

Una, dapat ay seryusohin ng mga agency ang pagde-deploy ng mg OFW. Dapat ay turuan sila ng leksiyon na ang isang taong nais mag-trabaho at pinangakuan ng trabaho'y hindi nila dapat pahintay-hintayin ng walang kasiguruhan dahil sa nagugutom ang mga tao. So, dapat bayaran nila ang iyong paghihintay na hindi mo naman kasalanan.

Ito lamang ang nakikita kong solusyon para makuha mo ang iyong mga papeles, at makapag-apply sa ibang trabaho.

yun nga po mam.. and then sabi po sakin ng HR ng company sa KSA.. ang training daw is sa qatar kasi nga daw po hindi pa nag oopen ang branch nila sa KSA.. derma nurse po ako mam. pero ang nakalagay na location ng work sa Riyadh at hindi po sa Qatar. Ang pinirmahan kong kontrata mam SILKOR pero ang sponsor ng visa BEAUTY CLINIC.. kaya sa pag stamp ng visa sa saudi embassy nagkaroon ng problema, pero ngayon naayos na daw kasi may binago daw po. bakit po ganun mam. salamt po sa payo nyo.

Naku, Yanyan. Kapag tinignan ko yung mga papeles mo -- I am in fact, giving you a specific legal opinion para sa kaso mo. Hindi puede ito. Kung makikita mo, puro generic lang ang advice based sa kung ano ang sinasaad ng batas. Iyon, puede kong gawin. Puede kong sabihin kung ano ang batas at paano ito makaka-apekto sa mga buhay-buhay. Kung ano ang mga options ng mga tao sa ilalim ng batas at kung ano ang pinaka-magandang gawin para sa proteksiyon ng mga karapatan ng tao. Pero, kapag tinignan ko ang mga papeles mo, I am engaging in work as an attorney -- hindi puede iyan. Bawal sa mga abogado ang mag-solicit ng business.

Ganito na lang, pumunta ka na lang sa Office of Legal Aid ng University of the Philippines o kahit na ano'ng university na malapit sa inyo na mayroon College of Law. Puede kang humingi ng tulong sa kanila. Puede ka ring humingi ng tulong mula sa Integrated Bar of the Philippines -- nagbibigay din sila ng Legal Aid. Huwag sa akin. Hanggang advice lang ako kung ano ang nilalaman at sinasaad ng batas. Iyon ang limitasyon ng internet.

Good luck sa iyo at sana'y maka-alis ka na nga sa tamang panahon. Minsan kasi, naiinip tayo at napu-frustrate, dahil nga sa kailangan nating maghanap buhay talaga at ito lamang ang inaasahan. Pero, minsan, ang mga delay ay mabuti din -- nade-develop ang ating patience, ang ating faith (mas napapalapit tayo sa Diyos) at minsan, sa kalaunan, makikita nating, mas mabuti nga pala ang na-delay ka kasi, baka ikaw ay sadyang iniiwas ng Diyos sa mga bagay na makapagpapahamak sa iyo -- we never really know. So, sa akin, God makes things beautiful in His time. Iyan naman ay sa aking pananaw lang. Salamat sa iyong mga post.