Pwede ba mag-apply bago passport pag back out agency? Application new passport, visa paid by agency

Hindi ko masasagot ng payak ang tanong mo kasi, hindi ko alam kung may pinirmahan kang kasunduan sa agency na may karapatan silang i-hold ang iyong passport kung ikaw ay mag-back out matapos na ikaw ay maikuha na ng visa. Kasi, nasasa kasunduan ninyo ito.

Isa pa, depende sa stage na ng iyong deployment. Wari, may trabaho na para sa iyo, nailabas na mula sa POEA ang contrata, approved na, may visa ka na -- tapos na lahat ng trabaho ng agency. So, the agency has the right to be paid doon sa lahat ng pagod nila para sa iyo.

Hindi ko rin alam kung may placement fee kang binayaran. Hindi ko rin alam kung may kasunduan kayong ang placement fee ay salary deduction. marami akong hindi alam sa kaso mo. At itong mga facts na ito ay mahalaga upang makita kung may obligasyon kang bayaran ang agency mo at kung ang agency mo ay may karapatang i-withhold ang iyong mga documents.

Hindi ko rin alam kung ano ang dahilan na ikaw ay nag-back-out -- kung nagkasakit ka, kung hindi ka fit to work, kung namatayan ka, o kung ano pa mang dahilan.

The best is to ask a lawyer for advice. At kung halimbawa'y walang karapatan ang iyong agency na tanganan ang iyong pasaporte at ikaw ay tunay na ginigipit lamang nila para magbayad kahit na wala naman talagang trabaho silang nakuha para sa iyo o ang trabahong ibinigay nila sa iyo ay hindi iyong in-apply-an mo, mas mabuti sigurong mag-file ka na lamang ng affidavit of loss at kumuha ng bagong passport. Ask a lawyer.