Diagnosed with hypertension and diabetes but normal after medication. Can medical certificate say "unfit for sea service"?

Palagay ko'y ikaw din iyong nagtanong kamakailan patungkol din dito. O baka pareho lang kayo ng kaso noong isa pa ring sea farer na ganiyan din ang hinaing. Marahil ay laganap itong practice sa Pilipinas.

Sa totoo lang, ang tanging makapag-sasabi na ikaw ay 'fit for sea service' ay ang isang medical doctor. Ang kanyang opinion ay base sa kanyang personal knowledge sa iyong kondisyon at kalagayan noong ikaw ay kanyang tinignang. Iyong ay kanyang personal opinion na ikaw ay fit for sea service kahit na ikaw ay may hypertension at diabetes mellitus. Ang mga sakit na ito ay laganap ngunit kung ang kondisyong ito ay controlled sa pamamagitan ng medication at lifestyle change (diet at exercise), maaaring makapamuhay at makapag-trabaho ng normal ang isang tao.

Gayun pa man, ang desisyon na ikaw ay tanggapin as 'fit for sea service' ay nasa manning agency pa rin. Nasa sa manning agency kung tatanggapin nila ang findings at recommendation ng accredited doctor nila na ikaw nga ay fit for sea service. Dahil sa ayaw ka nang tanggapin ng manning agency, walang magagawa ang clinic kundi ilagay na 'unfit for sea service' ka, Bale, ang medical certificate na sana'y proof mo na ikaw ay maaaring i-deploy sa barko ay naging ebidensiya na sumusuporta sa manning agency na ikaw ay hindi payagang sumampa sa barko.

Sa tanong mong makatarungan ba na sa iyong medical certificate ay baguhin ng clinic ang kanilang findings at gawing 'unfit for sea service' matapos na noong una ay ilagay na 'fit for sea service'. Ang sagot ay, hindi. Hindi makatarungan.

Makatarungan bang tanggihan ng manning agency na ikaw ay i-deploy bilang seafarer dahil sa ikaw ayy na-diagnose na may hypertension at DM? Ang sagot ay hindi. Ngunit, sa isang banda, ang manning agency ang mananagot sa ilalim ng batas kung ikaw ay maubusan ng gamot habang nasa gitna ng karagatan at ikaw ay atakihin sa sakit sa puso. Ang hypertension ay isa sa mga senyales na ikaw ay mayroon dinaramdam sa iyong circulatory system na siyang magiging dahilan ng atake sa puso kung sakaling ikaw ay masa-ilalim sa matinding stress habang naglalayag. Una, mapanganib ang paglalayag. Pangalawa, mabigat ang trabaho sa barko. Pangatlo, malungkot ang malayo sa pamilya at sa loob ng anim o walong buwan, wala kang matanaw kundi ang walang-hanggang tubig. Ang lahat ng ito ay stressful. So, kahit na may medication ka, may panganib pa rin na tumaas ang iyong presyon habang ikaw ay nasa karagatan. Sa halip na pakinabangan ka sa serbisyo, ikaw ay malamang na maging pabigat pa dahil sa ikaw ay mararatay habang nasa dagat at magiging alaga ng ship's doctor.

Iyon ang risk na ayaw tanggapin ng manning agency. Sila kasi ang kinatawan noong shipping company at sila ang sumusuri kung sino ang pinaka-angkop na magtrabaho sa dagat. Hindi mo inilagay kung ano ang edad mo. I can just imagine that you must be in your middle age (between 40-50). So talagang malaki ang risk na ia-assume ng manning agency at ng shipping company kung papayagan kang sumampa sa barko na ikaw pala ay may sakit. Traidor pa man din ang hypertension.

Sa pagtanggi ng manning agency na ikaw ay i-deploy, ikaw ay ayaw na nilang i-hire, sa madali't sabi. Hindi ba't sa bawat sampa sa barko ay may isang kontrata ka? At hindi lagi sa iisang ship ka sasampa, diba? May pagkakataong sa ibang ship na pagma-may=ari din ng shipping company ikaw made-deploy. Ibig sabihin nito'y sa bawat sampa mo sa barko, panibagong contrata ito. So ang pagtanggi sa iyo ng manning agency mo ay refusal na ikaw ay i-re-hire. Dito'y may karapatan at obligasyon ang manning agency na pangalagaan ang interest ng kanilang principal (ang shipping company). Ang kanilang kailangang kuhaning seafarers ay iyong mga fit lamang para hindi magka-gastos ang shipping company kung ikaw ay biglaang magkasakit habang nasa dagat.

Yung manning agency kasi, marami siyang mga principal (iba't ibang shipping company na nangangailangan ng mga seaman). Siya ay agent noong shipping company kung kaya't dito sa Pilipinas, siya ang nagha-hire ng mga seafarers. Sa bawa't pag-sampa mo, panibagong kontrata iyon. So, kung matapos kang bumaba ng barko at ngayon ikaw ay nag-apply muli upang sumampa at ayaw ka nang tanggapin, hindi mo mapipilit ang manning agency na ikaw ay i-hire. Hindi ka naman kasi empleyado noong manning agency kahit na sampung taon ka na nitong hina-hire at dine-deploy. Kahit na sa bawa't pagsampa mo ay iisa't iisa lamang ang ship at shipping company na iyong pinagta-trabahuhan. Bawa't sakay mo sa barko ay panibagong contract at ikaw ay empleyado lamang ng kumpanya sa loob noong panahon ng kontrata. Matapos mag-expire ang kontrata, ikaw ay hindi na empleyado ng shipping company. Walang employer-employee relationship sa pagitan mo at nung manning agency. Ang employer-employee relationship ay sa pagitan mo at noong shipping company -- at ito'y natatapos tuwing matatapos ang iyong kontrata.