Documents needed to work in New Zealand

anonymous
This person has chosen to hide his/her identity.

Nandito po ako ngayon sa NZ as limited visa pero nakahanap na ako ng employer ko at meron na po akong job offer. Uuwi ako para iayos papers ko. Ano ano ang dapat kung gawin pagdating dyan, kasi di po ako aware sa mga documents na kailangan



Topic: I am now here in New Zealand with limited visa, but I have found a employer and have a job offer. I'm going back home to the Philippines to process required documents. What should I do when I get back to the Philippines? Because I am not aware of the required documents

 

Reply as anonymous (Your real name and picture will not be seen)
anonymous
This person has chosen to hide his/her identity.
Hello po pwede po ba ako magtanung sayo. Balak ko po kasi magtourist sa NZ. At maghanap ng work jan pwede po kaya un. Salamat po
Adelaimar C Arias-Jose
is a Legal expert in the Philippines
Naku, anonymous 2. Kahit saan bansa ka pumunta, kung ang visa mo ay turist, ikaw ay bisita lamang. kaya pumapayag ang mga bansa na bumisita ka, para gumastos ka ng tourist dollars doon. Ngayon, kung ang pakay mo ay magtrabaho, ikaw pa ang kikita mula sa kanila -- so, dapat, may working visa ka, kasi, ikaw ay kukuhanan nila ng buwis at social security na panagot din naman kung ikaw ay magkasakit habang naroon ka.

Kahit saang bansa, ang mag-trabaho habang ikaw ay covered lamang ng tourist visa ay isang criminal act na isang ground for deportation. maraming Pilipino, ganito ang trabaho -- hindi ko naman sila masisi dahil sa mahirap talaga ang buhay. Ang problema nga lang ay dahil sa pag TNT ng ibang Pilipino, iyong mga lehitimong nagta-trabaho na mga Pilipino, nadi-discriminate kahit na mahusay sila at sila'y nagko-contribute sa ekonomiya noong mga lugar kung saan sila'y nagta-trabaho.

Please, huwag ka nang maghanap ng trabaho kung tourist ka lang. Parang malaking kabastusan sa hospitality noong bansang nag-welcome sa iyo. At saka, maraming mga sindikato ngayon na alam nilang vulnerable ang mga TNT kung kaya't kung anu-anong gusot ang napapasok dahil sa pagkapit sa patalim. Mahirap na buhay iyan, malungkot at mapanganib.

So, kung gusto mo, maghanap ka ng mga posibilidad, pero, umuwi ka muna at i-proceso mo ng maayos ang mga papeles mo bago ka magtrabaho doon. malay mo, baka immigrant visa kaagad -- eh, di , buong pamilya mo, mabibiyayaan. mataas ang antas ng social care, health care at education sa New Zealand -- kapag nahuli kang illegal alien, baka magsara na completely ang mga pinto ng New Zealand para sa iyo sa future --- sayang naman.
Adelaimar C Arias-Jose
is a Legal expert in the Philippines
Naisip kong mag-reply ulit dito sa post na ito dahil sa may nabalitaan ako. Sa Australia pala, puede kang mag-stay sa ilalim ng isang holiday visa (one year) at habang naroon ka'y maghanap ka ng isang employer na puedeng magsponsor sa iyo.

Isang catch lang, usually, papayagan kang mag-trabaho kahit naka-holiday visa ka, basta't regional work ang gagawin mo -- ibig sabihin, doon sa mga liblib na pook ng Australia o NZ kung saan kulang ang manpower. Puedeng i-extend ang holiday visa ng isang taon, tapos, puede nang mag apply for permanent work visa. Nasagap ko iyan sa isang usapan. Hindi ko lang ma-verify kung accurate. At hindi ko rin ma-verify kung baka ang mga rules na ito ay puede lamang sa mga taong citizen ng mga commonwealth countries (UK, Wales, Ireland, Scotlang, Canada, etc. kasi, nga commonwealth sila). kasi, tayong mga Pinoy, medyo notorious na tayo na mahilig mag-TNT kaya baka ang privilege na iyan ay hindi mag-aaply para sa atin. Isa pa, baka ang mga terms na ito ay para doon sa mga highly technical na trabaho (halimbawa, engineering, accounting, medicine, nursing, etc.) at hindi mag-aaply para sa mga clerks lamang. So, mag-tanong-tanong bago sumabak at nang hindi gusot ang abutin.
Adelaimar C Arias-Jose
is a Legal expert in the Philippines
I found a link for you. Here: http://www.immi.gov.au/Pages/Welcome.aspx

I know this is Australia. But I think that there's a space on the bar at the top of the webpage where you can put in New Zealand and they will give you details as to how to go to New Zealand on a working visa. Good luck!
Adelaimar C Arias-Jose
is a Legal expert in the Philippines
I think na ang mas nasa tamang posisyon na sumagot nito ay ang labor attache ng New Zealand. Pero, off hand, anu-ano ba ang mga regular na hinahanap? Una, kailangan mo ng original or authentic copy noong job offer in writing. kailangan, kung tinanggap mo na, may job contract na kayo. kailangan din yata ng affidavit of undertaking or sponsorship noong employer. Kasi, medyo mahigpit sa New Zealand. Kailangan yatang ang employer ay humingi ng permiso o ma-justify ng employer kung bakit kailangan foreign worker pa ang kunin sa halip na yung actual na resident na ng New Zealand ang kuhanin para sa gawain iyon.

I suppose you will have to prove that you possess certain job eligibilities, training, expertise na wala iyong mga tao diyan sa NZ. Kapag nakuha na iyong permiso or authorization na iyon saka ka na puedeng mag-process ng visa requirements mo sa NZ.

At sa NZ kasi, kapag ikaw ay magwo-work doon, ang visa yata ay legal permanent resident ang status -- para makapag-bayad ka ng buwis doon at ikaw din ay maka-avail ng mga benefits (libre yata ang health care at education doon kasi, welfare state sila). So, iyan ang kailangan mong i-research.

Puede sa internet. Kasi, iyong mga gobyerno ng Australia at New Zealand, they encourage immigration lalo na kung magta-trabaho. Gusto nila iyon kasi, madadagdagan ang kumikilos para gumawa ng yaman. Baka nga puede ka pang mag-dala ng family mo sa NZ. Hindi lang ako sure.

Nag-e-encourage yata sila ng immigration ng buong family kasi, para madagdagan ang population nila (mas marami yata ang cows kaysa sa tao doon). So, hindi ako sigurado. Hindi ako familiar sa laws ng NZ patungkol sa immigration.

I do know that if you succeed in getting a valid work contract there, you only have to register your OEC with the POEA online -- hindi mo na kailangang pumila para lamang mag-process sa POEA. Ang importante ay ang pagpo-proceso sa NZ embassy dito sa 'Pinas.

About the author

Adelaimar C Arias-Jose

I am a graduate of the UP College of Law. Member of the Integrated Bar of the Philippines since 1995. I am currently involved in private practice in criminal, civil and labor law.
Profession: Lawyer
Adelaimar C. Arias-Jose
Office Address: #34 St. Michael Street
Philippines , Manila , Makati
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.

Disclaimer: The materials available in the Buhay OFW web site are for informational purposes and not for the purpose of providing legal advice. You should contact your attorney to obtain advice with respect to any particular issue or problem. Use of and access to this Web site or any of the e-mail links contained within the site do not create an attorney-client relationship between Buhay OFW and the user or browser.

If you are a legal expert who would like to help answer questions, please register here.