OFW na-terminate, pwede ba magfile ng kaso sa agency sa pinas? Sue the agency if I was terminated in Riyadh?

Naku, usually kasi, ang pakikipag-away sa kapwa manggagawa sa premises ng pinagtatrabahuhan ay isang just cause din para ikaw ay matanggap sa trabaho dito sa Pinas. so, sa tanong mo na maaari ka bang magfile ng kaso laban sa agency dito sa Pinas, ang sagot ko ay, oo.

Pero kung ang tanong mo ay may laban ka ba, ang sagot ko ay malamang sa wala dahil sa ang pakikipag-away at pagsasakitan sa pagitan ng mga magka-manggagawa sa loob ng pinagta-trabahuhan ay considered na gross misconduct. Ito'y kawalan ng galang sa katahimikan ng inyong employer. At dahil dito'y may karapatan ang inyong employer na kayo'y tanggalin sa trabaho.

So kung dito ka mag-pa-file ng kasong illegal dismissal, masasabi kong ito'y hindi magpa-prosper dahil sa ang fighting with a co-worker is a just cause for dismissal in the Philippines. At sa iyong kaso, ang batas ng Pilipinas ang paiiralin.

Sorry.

Liban na nga lang, halimbawa, kung ikaw ang inaway. Kaso, dahil sa sinabi mong nakipag-away ka, ibig sabihin ay equal ang inyong culpability. Kung halimbawa'y nanahimik ka at ikaw ay bigla na lamang sinuntok o inundayan ng saksak at ikaw ay dumepensa lamang sa iyong sarili, ibang usapan iyon. Ikaw ay hindi nakipag-away -- ikaw ay inaway at ang iyong buhay ay nailagay sa panganib kung kaya't kinailangan mong depensahan ang iyong sarili. Iba ang kasong ganito. Sa ganitong facts, ikaw ay may laban.

Gayon pa man, hindi ko masasabi kung ikaw ay mananalo -- ebidensiya sa ebidensiya ang labanan kasi, eh.