Naku, teka, medyo mahihirapan ka. kasi, dito sa Pilipinas, kailangan na ang mag-aampon ay mag-asawa. Iyan ang prioridad. Lalo na kung ang aampunin ay hindi kamag-anak o kadugo.
Mahihirapan ka din kasi, ito ay sasailalim sa tinatawag na inter-country adoption. ito ay isang convention ng UN kung saan ang Pilipinas ay nakapirma. So, kailangang mag-file ng petition or adoption dito sa Pilipinas, tapos, kailangang ang mga social worker sa bansang Japan ay magsasagawa din ng pag-aaral para makita kung ikaw ay may saat na lugar sa iyong bahay para sa bata, kung ikaw ay may sapat na hanapbuhay na pantustos. Kung ikaw din ay may sapat na emotional maturity para maging magulang.
Tapos, ang aamupunin dito sa Pilipinas ay sasailalim din sa pagsusuri kung ang ugali ng bata at ugali mo ay medyo magka-bagay. Titignan kung tunay nga at dalisay ang iyong mga hangarin na mabigyan ng magandang kinabukasan ang bata at hindi para ito ay gawing katulong lamang, o taga-pag-alaga sa iyo sa iyong katandaan.
Titignan din kung ikaw ay may sapat na gulang (kailangang at least 14 years ang tanda mo doon sa bata. kailangan ding malaman kung may mga magulang at kamag-anak ang bata dito at kung sila'y papayag na ampunin mo ang bata.
Ibang usapan siyempre kung ang aamupunin mo ay iyong pamangkin or apo o kamag-anak. Bagama't sasa-ilalim pa rin ito sa tinatawag na inter-country adoption, iba siyempre kung kadugo mo ang bata, kasi, inaakala ng batas ng mas makabubuti sa mga bata kung sila'y mapunta sa pangangalaga ng kadugo kaysa sa pangangalaga ng mga di-kaano-ano.
Ang suma tutal, kailangan mong makipag-ugnayan sa isang abogado dito sa PIlipinas at sa Japan para maisakatuparan ang adoption. Magastos, ma-trabaho, matagal at masalimuot ang proceso.
May mga nababalitaan na ako na may mga babae sa Pilipinas na naanakan ng kinakasama o boyfriend tapos, iniwan. Minsan, ang gusto lamang nila ay maibigay ang bata sa mga may mabubuting kalooban. handa silang iluwal ang bata, pero, ang bata ay ire-rehistro na sa pangalan noong mag-aampon.
Ito ay isang act of fraud na kadalasan ay nangyayari sa Pilipinas, sad to say. Minsan dahil n a sa kahirapan noong gustong mag-pa-ampon ng anak. Minsan naman, talagang naiinip na lamang dahil sa dehado ang lahat sa tagal ng proseso ng adoption. I do not advise you to do this. Sinasabi ko lamang sa iyo na ito ang nababalitaan ko. Medyo delikado ito.
kapag ang mga magulang ng bata ay mag-nasa na bengansahin ka, ikaw ay isusuplong bilang isang child trafficker-- kahit na mahusay mong pinalalaki ang bata, siya ay tatanawin ng batas na kidnapped at siya'y batang na-traffic. So, ikaw ay makukulong -- huwag kang pa-biktima sa mga ganito. kaya ko lang ito nabanggit ay dahil sa may mga magsusulsol sa iyong ito'y gawin. mas madali, oo, pero, mapanganib. Lalo na't sa ibang bansa'y napakadali ng mga DNA test at makikitang hindi mo kadugo ang inampon mong bata. Kung dito sa PIlipinas nangyari iyan, ikaw ay kakasuhan ng child abuse sapagkat kinuha mo ang bata at inilayo sa kanyang mga tunay na magulan. Ingat sa ganito. Huwag pa-biktima. May mga sindikatong ganito sa Pilipinas.
