Francis,
Anb bankruptcy, hindi ibig sabihin ay wala kang kahit na anumang ari-arian o pera. Ibig sabihin lang ay kulang ito upang tugunan ang basic necessities for living (tulad ng pagkain, pang renta sa bahay, pamasahe papunta sa opisina, etc.) at bayaran din ang mga utang.
So, kung magde-deklara ka ng bankruptcy, susuriin ng husgado ang mga nalalabing mga ari-arian mo para makita kung ito ba'y puedeng kuhanin ng mga pinagkaka-utangan mo para ibenta at gawing pambayad ng utang mo, o kaya'y ito'y exempt (ang kalabaw na gamit pang-saka ay exempt, ang bahay na tinitirhan ng mag-anak ay exempt din). So, may mga ari-arian namang exempt.
At kung ano lamang ang hindi exempt na properties, iyon lamang ang puedeng ibenta at ang pinag-bentahan ay puedeng paghati-hatian ng lahat ng mga creditors.
Hindi ako aware na mayroong batas tayo sa Pinas patungkol sa debt ng isang Pilipino mula sa mga financing companies abroad. Ang alam ko, kasi, usually, ang mga finance companies sa abroad, they will only go after your assets which can be found in the country where you incurred the debt. Halimbawa, kung sa US ka nag-ta-trabaho at ikaw ay nagka-utang sa credit card na hindi mo mabayaran, iyong mga assets mo lang na matatagpuan sa US ang kanilang hahabulin. Unless, of course, ililista mo sa schedules mo sa Bankruptcy Court sa US pati iyong mga properties na nasa Pilipinas na nasa pangalan mo. (Bakit mo naman gagawin iyon?)
Ibang usapan siguro kung halimbawa ang credit card mo ay international at ito'y may affiliate o counterpart sa Pilipinas (wari, dito issued pero, international card siya) kasi, depende sa mga terms and conditions na pinirmahan mo noong inisyu sa iyo ang credit card.
Ang masasabi ko, kapag sa ibang bansa, usually kasi, mabilis ang Bankruptcy proceedings. Sa Pinas, sa tanang buhay ko, wala pa akong taong nababalitaan na nagfile ng bankruptcy. Sa totoo lang. Ang maigi kasi, dahil sa hindi ko naman alam ang lahat ng facts at wala naman akong nakikitang mga dokumento, pumunta ka sa isang abogado kung saan ka man naroroon at ikaw ay magtanong. Ano ba naman ang mawawala? Sa mga bansa tulad ng US, UK, AU, Canada, etc. may mga Legal Aid Society na nagbibigay ng free legal assistance.
Sana'y makahanap ka ng solusyon sa iyong suliranin.
