Ano ang mga hamon o pagsubok sa paghahanap ng trabaho sa United Arab Emirates

Kayce Gonzaga
is a Administrative Staff in United Arab Emirates

Ang United Arab Emirates ay isa sa mga bansang madalas puntahan ng ating mga kababayan na gustong maging OFW. Sabi nga ng karamihan, mas madali kasi makapunta dito lalo na kung my kamag-anak ka na tutulong mag-sponsor sayo habang nagsisimula ka pa lang. Kadalasan ay mga magkakapatid at magpipinsan. Ang numero uno at pinakamahirap na suliranin sa lahat ay ang paghahanap ng maayos na trabaho o kumpanya maging ikaw man ay baguhan o dati ng residente na gustong lumipat ng trabaho.


Ano-ano nga ba ang mga struggles or paghihirap na nararanasan ng mga kabayan sa pag-apply ng trabaho sa UAE?


1.) Budget. Isa ito sa pinakamalaking suliranin. Kailangan ay may sapat ka na pera para sa pamasahe, pagkain, pambili ng load sa telepono at pang-print ng iyong CV. Importante ang load sa mobile dahil maraming kumpanya na mas gusto ang tinatawagan para sa schedule ng interview. Para nman sa CV, mga 50 piraso o mas higit pa ang kakailanganin lalo na sa mga Walk-in applicants.


2.) Klima o Panahon. Kung ikaw ay maghananap ng trabaho mula May – October, asahan mo na ang matinding init ng panahon. Ngunit sabi nila, mas marami ang “Vacancy” sa ganitong mga buwan.


3.) Maayos na CV (Curriculum Vitae). Importante na maayos ang pagkakagawa ng CV. Hindi kailangang mahaba o madami, ang mahalaga madaling basahin at nauuna sa pahina ang iyong “Work experience”. Karamihan kasi saating mga kabayan, hindi masyadong organisado ang CV. Isa pa sa napansin ko, hindi kailangang gumamit ng malalalim na ingles, yung madaling intindihin, mas mabuti.


4.) Office location o lugar kung saan gagawin ang interview. Hindi masyadong malaki ang Dubai ngunit malaki ang posibilidad na ikaw ay maligaw dahil ang address ay kadalasan base sa landmark at minsan ay may kahawig na pangalan. Hingiin lamang ang location map at search sa google kung ano ang pinakamadaling daan.


5.) Iba’t - ibang lahi na kasabayan sa pag-apply. Para sa isa o dalawang bakanteng posisyon, kadalasan ay higit sa sampu kayo na sasabak sa interview. Karamihan sa mga makakasabayan mo ay mula sa India. Sila kasi ay halos 40% na populasyon sa UAE. Marami rin mula sa Pakistan, Africa, Syria, Egypt at syempre, sarili nating mga kababayan. Kailangan lang ay mas presentable at mas magaling ang iyong pag-sagot sa mga tanong.


6.) Sahod o Job Offer. Kung ikaw ay napili at nakapasa sa interview, ang Offer letter ay ang susunod na step. Dito ka makakapag-desisyon kung itutuloy mo ba o hindi. Sabi nila, ang sahod ay depende sa kulay ng balat. Ang mga puti ay mas malalaki ang Offer. Ito rin daw ay depende sa lugar. Katulad ng Abu Dhabi at Sharjah, mas mataas daw minsan kumpara sa Dubai. Ganoon din sa ibang emirates dahil gusto nilang punuin ng mga expats ang bawat lugar.


7.) Ibang linya o larangan. Karamihan dito ay iba ang nakukuhang trabaho sa kanilang tinapusang kurso. O kaya naman ay minsan iba sa nakaraang “Work Experience” pero tinatanggap ang ibang trabaho. Masipag at madali naman matuto ang mga pinoy kaya minsan ay hindi ito problema sa mga employer.


8.) Hindi maayos na kumpanya o may problema sa pagbibigay ng Employment Visa. Kung ikaw ay nakapasok na sa isang trabaho at tinanggap ang Job Offer, ang susunod mo na hihintayin ay ang matatakan ng employment visa ang iyong passport. Marami sa kumpanya ang hindi agad nakakapag proseso ng Visa dahil sa budget, mga kaso sa Ministry of labor at kung ano – ano pang dahilan.


9.) Transportasyon. Kung ang iyong interview ay sa malayong lugar, minsan ay magdadalawang isip ka dahil ang ilan sa mga lugar ay malayo ang lalakarin o walang bus at train na pwedeng sakyan. Masyadong mahal ang taxi para sa isang wala pang trabaho.


10.) Koneksyon. Maraming aplikante ang kwalipikado ngunit kung mayroong isang empleyado na gustong ipasok ang kanyang kakilala o kamag-anak, minsan ay ito ang mas pinapaboran ng kumpanya.



Ilan lamang ito sa mga pagsubok na dinaranas ng ating mga kabayan sa paghahanap ng trabaho sa UAE. Ngunit, karamihan sa mga kumpanya o employer ay talagang kumukuha ng pilipinong empleyado o minsan mas pinapaboran pa dahil kilala tayo sa pagiging masipag, matiyaga at matapat.

About the author

Kayce Gonzaga

Profession: Administrative Staff
United Arab Emirates , Dubai , Dubai

 

Reply as anonymous (Your real name and picture will not be seen)
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.

IMPORTANT: This networking and classified ads section is a free service. We do not assume responsibility for the products or services sold or offered. There are risks when dealing with people who might be acting under false pretenses and all of these risks are borne by you. It is the responsibility of individuals who posted the ad to reply to your message, and confirm the legitimacy. We are merely a venue and do not control the products or services offered to other users, nor does buhayofw.com control the users of our website. 

Neither Buhayofw.com nor any providers of information make any warranties, express or implied, as to results to be obtained from use of such information, and make no express or implied warranties of merchantability or fitness for a particular purpose or use. Neither buhayofw.com nor any providers of information shall have any liability for the accuracy of the information contained in the ads found on our web site, or the contents of any advertisements, or for assertions or omissions therein. No party shall be liable to any other party or any third-party for third-party claims or losses of any nature, including, but not limited to, lost profits, punitive or consequential damages. We reserve the right to edit, categorize, revise, or to decline any classified advertisement.