Mga Katotohanan Ukol sa Breast Cancer / Mga Kamatuuran Bahin sa Kanser sa Totoy
Ang breast cancer ay ang kanser na nabubuo sa mga cells ng breast o dibdib. Matapos ang kanser sa balat, ang breast cancer ang pangalawa sa dahilan ng kanser sa isang kilalang bansa. Sinasabing 1 sa bawat 8 kababaihan ay magkakaroon ng breast cancer sa kanyang buong buhay. Ang nagpapataas sa tsansa na makakuha ng breast cancer ay ang pagiging babae at ang pagkakaroon ng edad. Siya rin ang pangalawa sa kanser na kumikitil ng buhay ng kababaihan sa Amerika. May isang kaso ng breast cancer ang natutukoy sa kada dalawang minuto at isang babae ang namamatay kada 13 minuto buhat ng breast cancer sa Amerika. Ang suporta ng publiko upang mapalalim ang pag-unawa sa breast cancer at ang pagtatabi ng pinansyal na suporta para sa mga pananaliksik ay tumutulong na mapaigi ang pagtukoy at paglunas sa breast cancer. Tumaas ang nabubuhay matapos magka-breast cancer at bumababa rin ang bilang ng namamatay, salamat sa mga kadahilanan tulad ng maaagang pagtukoy ng kanser, bagong mga gamot at mas pagkakakilanlan sa sakit.
Ano Sanhi? / Hinungdan, causes
Hindi pa malinaw kung ano ang mga posibleng sanhi ng breast cancer. Alam lamang ng mga doktor na ang breast cancer ay nangyayari kapag ang ilan sa mga “breast cells” ay nagsisimulang tumubo nang hindi normal. Ang mga cells na ito ay nahahati nang mas mabilis kaysa sa malusog na cells at patuloy na dumarami, na nakakabuo ng kumpol o umbok. Ang mga cells ay kumakalat mula sa dibdib patungo sa mga “lymph nodes” o iba pang parte ng katawan. Karaniwang nagsisimula ang breast cancer sa cells ng dibdib na gumagawa ng gatas at maaari ring magsimula sa “glandular tissue” o sa ibang mga bahagi ng dibdib. Ang mga mananaliksik ay nagawang matukoy ang mga bagay na nagpapataas sa tsansa na makakuha ka ng breast cancer. Subalit hindi pa rin malinaw kung bakit ang ibang mga taong walang “risk factors” ay nagkakaroon ng kanser at ang taong merong “risk factors” ay hindi tuluyang nagkaka-kanser. Ang natitiyak lang nila ay ang breast cancer ay isang komplikadong interaksyon ng mga namamana nating “characteristics” at ang relasyon nito sa ating kapaligiran.
Ano ang mga Sintomas ng Breast cancer o kanser sa suso? Symptoms
Ang breast cancer ay maaaring walang pinapakitang sintomas hanggang ang sakit ay lumaganap nang lubos sa katawan. Kung may sintomas man na mararamdaman, ang pinaka-karaniwan ay ang pagtubo ng hindi naman masakit na kumpol sa dibdib. Ang iba pang sintomas ay ang paglabas ng dugo mula sa “nipple”, pag-iiba ng laki o hugis ng dibdib, pag-iiba ng balat sa dibdib tulad ng pagkakaroon ng parang butas, pumapalikod na nipples, pangmamanas, pangangaliskis ng nipple o balat sa dibdib, pamumula ng balat ng dibdib o parang nagiging kahel. Kung nararamdaman na may kumpol sa dibdib, agad na kumunsulta sa doktor – kahit pa negatibo ang resulta ng pinakabagong mammogram.
Ano Gamot o Lunas sa breast cancer? Tambal, Cure, medication, treatment, remedy
Ang iyong doktor ang siyang magtitiyak kung anong klaseng gamutan sa kanser ang angkop para sa iyo base sa klase ng iyong breast cancer, anong estado at grado na ito, kung sensitibo ba ang cancer cells sa hormones, at ang iyong kabuuang kalusugan. Marami sa mga kababihan ay sumasailalim sa operasyon sa dibdib at tumatanggap rin ng iba pang lunas tulad ng chemotherapy, hormone therapy, o radiation. Ang mga operasyon para sa breast cancer ay kasama na ang pagtanggal sa kumpol (lumpectomy), pagtanggal sa buong dibdib (mastectomy), pagtanggal sa mga “lymph nodes”, pagtanggal sa dalawang dibdib. Ang radiation therapy naman ay ang paggamit ng “high-powered beams” tulad ng X-rays upang mapatay ang cancer cells. Ang chemotherapy naman ay ang paggamit ng mga gamot upang sirain ang cancer cells. Kapag ang iyong kanser ay mataas ang tsansa na kumalat sa ibang parte ng katawan, ang iyong doktor ay maaaring mag-rekomenda ng chemotherapy upang mabawasan ang tsansa na bumalik ang kanser.
Natural Cures, Home Remedies at Prevention o Paano maiwasan/ Unsaon Paglikay sa Breast Cancer
Ang pagsasagawa ng pagbabago sa klase ng iyong pang-araw-araw na pamumuhay ay nakakatulong na mabawasan ang iyong tsansa na magka-breast cancer. Subukang:
· Magtanong sa iyong doktor ukol sa breast cancer screening.
· Maging familiar sa iyong dibdib sa pamamagitan ng “breast self exams”. Sa pamamagitan nito, madali mong mapapansin ang mga kumpol sa dibdib.
· Bawasan ang pag-inom ng alak – o tama-tama lang ang inumin.
· Mag-ehersisyo nang madalas sa isang linggo.
· Panatilihing malusog ang iyong timbang.