Meron ako peptic ulcer. May kailangan ba iwasan na pagkain? What foods to avoid?

Mayroong mga pagkain at inumin na nagpapalala ng mga sintomas ng peptic ulcer. Maiging iwasan mo muna ang mga pagkaing ito hangga’t hindi pa naghihilom ang iyong mga ulcers.
Ang iyong tiyan ay gumagawa ng acid na nakakatulong sa pagtunaw ng pagkain. Ang sobrang acid ay nakakasira sa “lining” ng ating tiyan at mga bituka, na nakakadulot ng peptic ulcers. Karaniwang nagpapagrabe ng sintomas ng peptic ulcers ang mga pagkain nagpapadami ng paggawa ng acid. Ang mga halimbawa nito ay ang maaanghang na mga pagkain, alkohol, mabubulang mga inumin at pagkaing may citrus.
Kapag ikaw ay na-diagnose o natuklasan ng doktor na may peptic ulcer o karaniwan ka ring nakakaranas ng “heartburn” o kaya ay sumasakit ang iyong tiyan matapos kumain, importanteng meron kang gawing pagbabago sa iyong nakasanayang kinakain o diet. Ito ay nangangahulugan ng paglimita sa mga pagkain at inumin na nagpapagrabe sa mga sintomas.
Maigi rin kung titigilan mong manigarilyo upang hindi na lumala pa ang sintomas. Kung kailangan mo ng tulong sa paghinto sa paninigarilyo, maaari mong kausapin ang iyong doktor.