Sikaping huwag umupo nang ilang oras nang tuloy-tuloy. Kung hindi maiiwasan, tiyaking mayroong mga patlang sa pagitan. Tumayo at maglakad-lakad kada isang oras sa loob ng di-bababa sa limang minuto. Magiging mas komportable ang pag-upo at mababawasan ang pananakit at presyur sa almuranas kapag gumamit ng malambot na kutson.
Magpasok ng petroleum jelly sa loob ng puwit upang mabawasan ang sakit tuwing dudumi.
Dampian ng witch hazel, isang anti-inflammatory agent na nakakapawi ng pananakit at pamamaga, ang mga almuranas. O di kaya, gumamit ng mga ointment at cream laban sa almuranas.
Iwasan ang tuksong kamutin ang almuranas, dahil palalalain lamang nito ang mga bagay-bagay. Mas lalong maiirita ang mga ugat na namamaga; masisira ang balat sa paligid nito; at titindi mismo ang pangangati. Sa halip, maglagay ng over-the-counter na 1% hydrocortisone cream upang mawala ang pangangati ng balat (hindi sa loob ng puwit, kundi sa labas lamang, ilalagay ang cream) at isang bag ng yelo o malamig na tubig. Maaari ding makabawas sa pangangati ang mga over-the-counter hemorrhoidal cream.
Kung kailangan mo ng pampawi ng sakit, subukan ang Tylenol. Iwasan ang ibuprofen at aspirin na nagtataguyod ng pagdurugo. Maligo nang regular upang mapanatiling malinis ang puwitan, ngunit tiyaking maging maingat. Ang sobrang pagkayod, laluna gamit ang sabon, ay makakapagpalala ng iritasyon at sakit.
Huwag pilitin dumumi. Umupo sa inidoro nang limang minuto, at kapag hindi pa ring nangyayari, subukan na lamang muli sa susunod. Kapag nagpupunas, maging maingat. Kung nakakairita ang toilet paper, subukang basain muna ito nang bahagya, o gumamit ng bulak o baby wipes na walang alkohol. Maaaring mas gustuhin mong hugasan muna ang iyong sarili bago punasan ang puwit upang matuyo.
Kapag gumagawa ng anumang bagay na nangangailangan ng lakas, siguraduhing huminga nang pantay. Karaniwan na ang pagpigil ng hininga kapag naglalabas ng lakas, at ito ay nakakadagdag sa sakit at pagdudugo ng almuranas.
Ano gamot at lunas sa Almuranas?
Paano ko maiiwasan ang Almuranas?
Ano sintomas at sanhi ng Almuranas o Almoranas?
Rubber band ligation, Sclerotherapy, coagulation: Hemorrhoids Almuranas treatments
