Ano po ang pinagkaiba ng hepatitis A sa hepatitis B, C, D, at E? What's the difference?

Hepatitis ang general term para sa pamamaga (swelling) ng atay. Merong limang klase ng hepatitis virus – A, B, C, D at E. Ang hepatitis B, C at D ay maaaring lumubha at maging chronic infections na umaabot ng mahigit anim na buwan at nagreresulta sa pangmatagalang problema sa atay. Ang hepatitis A, B, C, D, at E ay mga virus na parehong umaatake at sumisira sa atay. Ang hepatitis A at E ay karaniwang nakikita sa dumi ng infected na tao. Kadalasang nakukuha ang hepatitis A at E kapag nagkaroon ng close personal contact sa taong infected nito o kaya ay ang pagkain o pag-inom ng contaminated na pagkain o tubig. Ilang klase ng shellfish (e.g. lukan, talaba at kabibi), at mga pagkaing nahugasan ng contaminated na tubig ay pwedeng magdala ng virus. Ang hepatitis B, C at D ay nakukuha kapag nakapasok sa iyong bloodstream ang dugo ng isang taong may sakit nito. Maaari ring makuha ang hepatitis B sa pamamagitan ng contact sa semen o ibang lusaw sa katawan ng infected na tao. Ang hepatitis D ay isang hindi ganap na virus, ibig sabihin, kailangan mo munang magkaroon ng hepatitis B bago ka magkaroon ng hepatitis D. Halos isa lang sa dalawampung tao ang may hepatitis B na may hepatitis D. Ang hepatitis B, C, at D ay nagdudulot ng pangmatagalang problema sa atay, samantalang maikling panahon lang nagtatagal ang hepatitis A at E na gumagaling din kahit hindi gamutin. Mayroong mga vaccines na nakakatulong maprotektahan ka sa hepatitis A at B, pero sa ngayon ay wala pang vaccine para sa hepatitis C, D, o E. Dahil maaring magdulot ng pangmatagalang pagkasira sa atay ang hepatitis B, C at D, mahalagang kumunsulta sa isang infection specialist o hepatologist (espesyalista sa mga sakit sa atay) upang mabigyan ka ng tamang gamot.

pwede po bang lumala ang hepatitis b..?