Nagagamot po ba ang multi drug resistant tuberculosis? Antibiotics, treatment, sneezes, coughs

Oo, pero maari itong matagalan kumpara sa karaniwang tuberculosis. Maaaring kailanganin mong uminom araw-araw ng antibiotics sa loob ng dalawang taon. Ang pag-inom ng ganito katagal ay maaring magdulot ng masamang epekto sa atay.
Ang pinakamainam na paraan upang maagapan ang problemang dulot ng multidrug resistant tuberculosis (MDR-TB) ay ang pag-inom ng antibiotics alinsunod sa utos ng iyong doktor. Kadalasan kakaailanganin ng di bababa sa anim na buwan ng pag-inom ng antibiotics para mapatay ang lahat ng aktibo at tulog (hindi lumalaki o dumadami) na bacteria na nagdudulot ng sakit. Kahit umayos ang pakiramdam mo pagkatapos ng dalawang linggo ng pag-inom, kailangan mo pa ring kumpletuhin ang buong pagpapagamot. Kapag hindi mo ito ginawa, maaring maging aktibo ang mga tulog na bacteria at bumalik ang iyong tuberculosis. Ang pagkakaroon ulit ng tuberculosis ay maaring mas mahirap ng gamutin.