Alam mo bang taon-taon, milyon-milyong mga pasyente ang nagpapa-tingin sa doktor dahil sa UTI? Pwede kang magkaroon ng UTI o urinary tract infection minsan sa buhay mo. Ngunit mahigit 50 porsyento ang tsansa ng mga babae na magakaroon ng UTI kaysa sa lalaki.
Kung hindi ka na nagkakaroon ng buwanang dalaw o kapag nasa menopause ka na, mas tataas ang tsansa mo na magkaroon ng UTI. Sa mga babaeng natigil na ang buwanang-dalaw, malaki ang posibilidad na magka-UTI siya sa loob ng isang taon. Kapag naman nag-menopause ang babae, magbabago ang pH level ng ari at nawawala ang pagiging-balanse ng bacteria at yeast. Ano ang resulta? Madaling mapapasok ng mga bacteria ang urethra.
Maaari ring makuha ang UTI ng mga babaing madalas makipagtalik, kahit pa sabihing maiiwasan ito kung iihi muna bago at pagkatapos ng pakikipagtalik. Malaki rin ang tyansa na magka-UTI ang mga may diyabetis, dahil humihina ang kanilang resistensya o immune system.
Ano ang Urinary Tract Infection (UTI)?
Urinary Tract Infection o sa maikling salita UTI, ay ang impeksiyon sa parte ng urinary system. Ang mga parte na maaring maapektuhan ay ang iyong kidneys (bato) na nangongolekta ng dumi sa dugo para gawing ihi, ang ureter o ang daluyan ng ihi mula sa kidney, pantog (bladder) na taga kolekta ng ihi at urethra kung saan dadaan ang ihi palabas ng katawan. Ang kadalasang naaapektuhan ng impeksiyong ito ay ang mababang parte ng urinary tract– kasama sa parteng ito ang bladder at ang urethra. Mga babae ang mas madalas na makaranas ng ganitong klaseng impeksiyon kesa sa mga kalalakihan. Ang taong apektado ng ganitong impeksiyon ay maaring makaramdam ng hindi komportableng pananakit sa mababang parte ng katawan. Kapag ang impeksiyon ay umabot sa kidneys, ito ay magdudulot ng malalang komplikasyon. Antibiotic ang kadalasang gamot para sa Urinary Tract Infection pero mayroon din mga paraan para maiwasang makakuha ng impeksiyon. Read more: Ano pinakamabisang gamot sa UTI?
Ano Senyales at Sintomas ng UTI (Symptoms) ?
Giginhawa ang pakiramdam mo at maiiwasang lumala ang UTI kapag alam mo ang mga dapat mong gawin. Kaya heto ang sintomas na dapat mong bantayan:
- Kailangan mo ng umihi NGAYON.
Kapag ang iniisip mo nalang lagi eh kailangan mong umihi, eh kakaihi mo lang naman, baka may UTI ka na nga. Iniirita ng mga bacteria ang urethra mo kaya pakiramdam mo, parang lagi mo nalang kailangang umihi ng umihi.
- Hindi ka pa din komportable kahit naka-ihi ka na.
- Kung madalas kang maihi, senyales yan na may impeksiyon ka. Pakiramdam ng may UTI, laging puno ang pantog niya pero konti lang naman ang ilalabas niya. Kung lagi kang labas-pasok sa banyo pero ganoon pa din naman ang pakirmadam mo, senyales na yan.
- Mabula, mamula-mula o minsan ay may dugo pang kasama ang iyong ihi.
Marami tayong malalaman sa ating katawan sa kulay ng ihi natin; kasama na diyan kung mayroon ka ba o walang impeksiyon. Kung parang hindi normal o masyadong madilaw ang ihi mo, baka senyales na nga iyan. Ang mabula, pula, o mangitim-ngitim na kulay ng ihi ay senyales ng UTI. Pero bago ka mataranta, isipin mo muna yung mga kinain mo sa loob ng 24 na oras. May mga pagkain na pag kinain mo, magkukulay pink, orange o pula pa nga ito pero wala ka namang mararamdamang sakit.
- Mapanghi o matapang na amoy ng ihi
Hindi mo naman kailangang singhutin ang inidoro sa tuwing iihi ka, pero yung masaydong matapang at mapanghing ihi ay sintomas ito ng UTI. Pero may mga pagkain na nakakapag-papanghi ng ihi. Halimbawa, kape at asparagus. Kapag palaging mapanghi o matapang ang amoy ng ihi mo, kasabay pa ng di karaniwang kulay ng ihi, panahon na para komunsulta sa doktor.
Pag-papaginhawa sa sintomas
Lalabas ang mga sintomas ng UTI sa loob ng ilang araw lang. Maaari iyang magsimula sa masakit na pag-ihi at yung pakiramdam na lagi mong gustong umihi. Tapos mapapansin mo sa ikatlo o ikaapat na araw, mamulamula na parang may kahalong dugo na ang ihi mo.
Totoo, papahirapan ka ng UTI dahil sa palaging pananakit at iritasyon, pero ang magandang balita eh ang impeksiyon na ito ay madali lang pagalingin.
Madali lang na naglalaho ang mga sinotmas kung gagamutin ito ng ilang araw gamit ang mga antibiotics. At kung isa ka sa mga babaing nagkaroon ng UTI noon, baka kailangan mo lang na pumunta sa doktor, mag pa test ng ihi at magpa-reseta ng gamot.
May mga kaso ng impeksiyon sa Urinary Tract na hindi nagdudulot ng sinyales at sintomas. Pero pag ito ay nagdulot, maaaring maranasan ang mga sintomas na ito:
· Pressure at masamang pakiramdam sa abdomen
· Madalas at malakas na naiihing karamadaman
· Masakit na pag-ihi
· Pag-ihi ng madalas ngunit paunti-unti
· Malabong itsura ng ihi
· Ihi na kulay red o kaya pink, sinyales na may dugo sa ihi
· Ihi na mapanghi o masamang amoy
· Pananakit ng pelvic area sa mga kababaihan
· Pananakit ng rectal area sa mga kalalakihan
· Pagkapagod, panginginig ng katawan at lagnat
Urinary tract infection (UTI) affects any gender and all ages, but it is most commonly experienced by women. Usually, symptoms associated with UTI are burning sensation when urinating, frequent or intense urge to urinate, pain or pressure in your back or lower abdomen, cloudy, dark, bloody, or strange-smelling urine, feeling tired or shaky and fever or chills (a sign the infection may have reached your kidneys).
Ano Sanhi o Dahilan ng pagkakaroon ng UTI ?
Bacteria ang nagdudulot ng impeksiyon sa Urinary Tract. Nangyayari ang impeksiyon kapag ang bacteria ay nakapasok sa urinary tract mula sa urethra. May kakayahan ang urinary system na iwasang makapasok ang mga masasamang bacteria, pero may mga oras din na hindi ito nagagawa. Sa ganitong sitwasyon, ang bacteria ay magpaparami sa loob ng katawan at magdudulot ng impeksiyon. Nakakapasok ang bacteria sa maraming paraan. Ang pagpunas ng puwet mula sa likod papunta sa harap (o papunta sa may ari) pagkatapos dumumi ay isa sa mga dahilan ng pagkakaroon ng ganitong impeksiyon. Ang bacteria mula sa pagdumi ay kakalat sa ganitong paraan lalo sa mga kababaihan at mapupunta sa urethra. Ang pakikipagtalik ay isa rin sa mga dahilan kung saan ang bacteria sa ari ay maitutulak papunta sa urethra. Kapag pinipigilan naman ang pag-ihi, dadami ang bacteria sa bladder at magdudulot ito ng impeksiyon. Paggamit ng diaphragm at spermicides para sa birth control ay isa rin sa mga dahilan ng pagkakaroon ng urinary tract infection.
Nagdudulot din ng impeksiyon sa urinary tract ang sakit sa bato ng kidneys. Pinapahina din ng mga sakit tulad ng diabetes ang immune system ng katawan na maaaring makapitan ng impeksiyon tulad ng UTI.
Urinary tract infection can affect either the bladder or urethra. Infection of the bladder is referred to as cystitis while infection of the urethra is called urethritis. Cystitis is commonly due to Escherichia coli (E. coli), a type of bacteria found in the gastrointestinal tract. Aside from this, sexual intercourse may also lead to this type of UTI. However, it may also affect women due to their anatomy - specifically, the short distance from the urethra to the anus and the urethral opening to the bladder. On the other hand, urethritis may occur when GI bacteria spread from the anus to the urethra. Also, because the female urethra is close to the vagina, sexually transmitted infections, such as herpes, gonorrhea and chlamydia, can cause urethritis.
Read more: Ano sanhi ng pangangati ng ari?
Ito ang listahan ng mga pwede mong gawin ngayon para guminhawa ka:
- Uminom ng maraming tubig. Mas kailangan mo iyan lalo na kung sinimulan mo ng uminom ng antibiotic. Tutulong ang tubig para mas mabilis na makarating ang antibiotic sa apektadong bahagi ng katawan. At syempre, madali ding maglalaho ang bacteria.
- Paginhawahin ang iyong pantog gamit ang mga over-the-counter na gamot gaya ng mefenamic acid. Pamamanhidin niyan ang pantog para mawala ang masakit na pakiramdam. Hindi mo na din mararamdaman na parang lagi mong gutsong umihi. Pero wag ka ng magtaka kung magkukulay-orange ang ihi mo. Palagi kang pwedeng uminom ng mga over-the-counter para sa pananakit.
- Iwasan ang kape, soft drinks, alak, o mga citrus juice. Magtubig ka nalang para hindi mairita ang pantog mo.
Ano Gamot para sa Urinary Tract Infection o UTI?
Antibiotics ang kadalasang gamot para sa Urinary Tract Infection. Ito ang klase ng gamot na pumapatay sa bacteria na nagdudulot ng impeksiyon. Ang mga antibiotic na kadalasang nirereseta ay amoxicillin, ciprofloxacin, sulfamethoxazole-trimethoprim at iba pa. Mahalagang magpatingin muna sa doctor bago uminom ng antibiotic para mabigyan ng tamang klase ng antibiotic, tamang lakas o dose ng gamot at maturuan ng tamang pag-inom para maging epektibo ang gamot sa pag-alis ng impeksiyon. Kadalasang pinapainom ang antibiotic ng tatlo hanggang limang araw, depende sa antas ng impeksiyon. Kung minsan, ang antibiotic ay kailangang ibigay diretso sa ugat; ito ay kapag malala na ang impeksiyon.
Binibigay din ang pain reliever para sa mga taong nakakaramdam ng pananakit dulot ng impeksiyon. Given the fact that UTI is due to a bacterial infection, treatment focuses mainly on eliminating the root cause. Hence, antibiotics are usually prescribed by your physician. However, there are also other home remedies that can effectively relieve the discomfort associated with UTI. These include taking herbal medicines with anti-inflammatory properties to alleviate the pain. Application of heat can also soothe dull ache due to UTI. Lastly, increasing the amount of your daily intake of water also helps in emptying the bacteria inside your bladder and in diluting your urine because concentrated dark urine is more acidic and sometimes, more difficult to pass.
Ano Halamang gamot, Home Remedies o natural na gamot?
Ang mga sumusunod na paraan ay makakatulong sa pag-ginhawa ng pakiramdam habang umiinom ng gamot para sa impeksiyon:
· Ang pag-inom ng maraming tubig ay tumutulong mag-dilute ng ihi at maglabas ng mga bacteria.
· Iwasan ang pag-inom ng kape, softdrinks, alak dahil nagdudulot ang mga ito ng iritasyon sa bladder at pinapalala ang sintomas ng impeksiyon.
· Makakatulong ang paggamit ng heating pad sa pagbawas ng masamang pakiramdam sa abdomen
· Baking soda - Para maiwasan ang progreso ng impeksiyon, subukang magdagdag ng isang kutsaritang baking soda sa isang basong tubig upang makatulong sa pagtanggal ng impeksiyon. Binabawasan ng baking soda ang acidity ng ihi, na nagpapabilis sa iyong paggaling.
· Vitamin C - May mga doktor na nagrereseta ng 5000mg Vitamin C kada araw o higit pa, para sa mga nakakaranas ng paulit-ulit na impeksiyon sa urinary tract. Tumutulong ang Vitamin C na patibayin ang bladder sa pamamagitan ng pag acidify ng ihi, para hindi makapasok at sumakop ang masasamang mikrobyo.
· Pineapple - Bromelain ay isang enzyme mula sa piña. Ang pagkain ng piña ay maaaring makatulong na labanan ang impeksiyon.
Kailangan ng medical intervention ang UTI ng tumatagal ng mahigit sa dalawang araw. Kapag ang UTI ay hindi nagamot, maaring maapektuhan nito ang kidneys na magdudulot ng mas delikadong komplikasyon.
Pwede bang gamutin ang UTI ng walang Antibiotic?
Ang UTI eh talaga naman nakakapag-alala. Naapektuhan nito ang urethra, pantog at bato. Nangyayari iyan kapag nakapasok ang bacteria sa urinary tract at dumami ito. Magdudulot ito ng masakit at madalas na pakiramdam ng pag-ihi, pananakit ng puson at mamula-mulang kulay ng ihi. Dahil sa impeksiyon na ito, 8 milyong pasyente ang bumibisita sa doktor taon-taon. Ang UTI ang pangalawa sa pinaka-karaniwang uri ng impeksiyon. Mas madalas ito sa mga babae pero nangyayari din sa mga lalaki. Mas maikli ang urethra ng mga babae kaya mas madaling makapasok ang bacteria. Tinataya na sa mahigit 50% ng mga babae ay may isang magkakaroon ng UTI sa buhay niya. Sa mga lalaki naman, sanhi ng UTI ang paglaki ng prostate na humaharang sa daluyan ng ihi. Dahil dito, mas maraming panahon ang mga bacteria na pasukin ang urinary tract ng lalaki.
Sa mahigit 90 % ng mga may UTI, ang E. coli (Escherichia coli), isang bacteria na kadalasang nakikita sa bituka. Kapag nasa loob ito ng bituka, hindi naman ito mapanganib. Pero kung minsan, kapag napunta ito sa urethra, magdudulot iyan ng impeksiyon. Pwede ding magka-UTI ang isang babae matapos makipagtalik kasi ang mga bacteria mula sa puwitan eh pwedeng mapunta sa urethra. Maiiwasan naman yan kung maglilinis muna ang babae ng mabuti bago makipagtalik at kung iihi siya pagkatapos. Yung pag-gamit din ng mga spermicides, diaphragms, at condoms ay nagpapalaki ng tsansa na magka UTI. Syempre, mas mataas ang posibilidad ng UTI dun sa mga mahina ang resistensya.
Bakit hindi tumatalab minsan ang mga antibiotics?
Karaniwan sa mga UTI eh hindi naman ganon kaseryoso. Pero kung papabayaan, kakalat ang impeksiyon sa bato at daluyan ng dugo at delikado iyan. Ang impeksiyon sa bato ay pwedeng mauwi sa pagkasira o pagkagasgas ng bato.
Kung iinom ng antibiotic, kadalasan ng unti-unting mawawala ang mga sintomas sa loob ng dalawa o tatlong araw, kahit na inirerekomenda ng mas maraming doktor na inumin ang antibiotic sa loob ng 7 araw. Totoo, ang ganitong uri ng pag-gagamot sa UTI ang pinaka-kilala, pero napansin ng mga mananaliksik na may mga bacteria na hindi kayang patayin ng mga antibiotic. Kaya parang hindi na ganon ka epektibo ang mga antibiotic sa pag-gamot sa UTI. May mga UTI na hindi parin nagagamot ng antibiotic ng lubusan. Kapag hindi napatay ng antibiotic ang bacteria na dahilan ng impeksiyon lalong magpaprami ang mga bacteria.
Nawawalan na ng bisa ang antibitic kapag nasosobrahan o mali ang pag gamit sa mga ito. Pwedeng mangyari iyan kapag iyon at iyon ding antibiotic ang inirereseta sayo para sa paulit-ulit na UTI. Dahil dito, naghahanap ang mga eksperto ng paraan para magamot ang UTI ng hindi gumagamit ng antibiotic.
Nawawalan na ba ng bisa ang Antibiotic?
Hanggang sa ngayon, may magandang resulta ang mga naunang pagsusuri. Ipinakikita ng ilang mga pagsusuri na ang UTI ay kayang magamot kahit na walang antibiotic. Kailangan lang na matumbok ang mismong lugar kung saan nakadikit ang bacteria: FimH
Normal lang na kapag umihi ka, lumalabas ang mga bacteria mula sa urinary tract mo. Pero ayon sa mga maniniliksik, pwedeng padikitin ng husto ng FimH ang E.coli sa mga selula sa urinary tract. At dahil sa sobrang higpit ng pagkakadikit, mahihirapan ang katawan na ilabas lahat ng bacteria sa urinary tract. Kung makakahanap ang mga mananaliksik ng paraan para targetin ang protina na ito gamit ang ibang paraan, magiging bahagi nalang ng nakaraan ang pag gamit ng antibiotic para gamutin ang UTI.
Sa ngayon, sinusubukan at pinag-aaralan ng mga eksperto ang mga gamot na nagpapa-lakas ng immune system natutulong para yung mga selula sa urinary tract eh maging matatag kontra impeksiyon.
Ang impeksiyon sa pantog ang karaniwang uri ng UTI. Ang ilang pasiyente ay nakakaramdam ng ilang sintomas o kung minsan pa nga eh wala; pero, ang karaniwang sintomas eh yung dysuria o balisawsaw, nananakit na puson, at ihi na may mapanghi o kakaibang kulay.
Yung ilang impeksiyon sa panto o bladder ay hindi nagagamot at lumalala kapag yung mga pathogens ay umaakyat sa ureter ng bato. Ang mga sintomas ng impeksiyon na iyan ay makikita mo sa mga naunang parapo, pero may mga sintomas din gaya ng pananakit ng likod (pananakit ng magkabilang tagiliran sa likod), lagnat, panginginig, pagkaduwal o pagkahilo.
Hindi naman isang medical emergency ang impeksiyon sa bladder o pantog na dapat mong masyadong ikataranta pero heto ang listahan ng mga taong may mataas na tyansa na makaranas ng mga komplikasyon ng UTI gaya ng pagkalat ng impeksiyon sa bato o iba pang organ:
- Mga buntis
- May diabetes
- Mga may problema sa bato gaya ng bato sa bato o naharangang bato
- May-edad
- Mga mahina ang resistensiya
- Mga lalaking lumaki ang prostate
- Mga taong nabababad ang ihi sa katawan o yung mga gumagamit ng catheter
Ano ang pagka-kaiba ng UTI at STD?
Yung mga sintomas na ipinakita sa mga naunang parapo eh pwede ding maging sintomas ng ibang impeksiyon gaya ng sexually transmitted diseases o STD. Kasama sa sakit na ito ang gonorrhea (na minsan ay syphilis sa gonorrhea), chlamydia, at trichomoniasis. Maraming lab test an handang tulungan ang pasiyente na magamot o malaman kung UTI ba o STD. Ang karaniwang sintomas ng STD ay kapag nag nana o naglalabas ng mga fluid ang ari ng babae o lalaki, pero hindi ito karaniwan sa UTI.
Ano ang Honeymoon Cystitis?
Ang honeymoon cystitis ang tawag sa UTI na nakuha matapos mapkipagtalik. May ilang babae na madalas na nagkaka-UTi matapos makipagtalik. Kapag nakikipagtalik, naitutulak ang bacteria sa urethra na nagreresulta sa impeksiyon. Ang mga babaing may diaphragm para sa birth control ay may mataas na tyansa sa pagkakaroon ng UTI.
Ano ang stealth UTI?
Bihira ang mga UTI na walang nararamdaman na sintomas; sa tulong ng mga urine test eh malalaman mo kung mat bacteria ba na nagdudulot ng impeksiyon at ang tawag diyan ay asymptomatic bacteriuria. Karaniwan na, hindi ginagamot ang mga ganito pero sa ibang mga pasyente eh mas okay na gamutin ito gamit ang antibiotic ( halimbawa, mga babaeng bunti, ilang mga bata, at mga pasyenteng nagpa-kidney transplant).
Ano ang mga posibleng komplikasyon ng UTI?
May dalawang pangunahing komplikasyon ang UTI. Ang una, kakalat ang impeksiyon sa buong bato o pati narin sa isa pang bato. Kapag nagtuloy ang impeksiyon, hindi gagana ng maayos ang bato o mas malala pa, hindi na talaga gagana ang bato. Ang pangalawa naman eh yung mga bacteria na nagdudulot ng impeksiyon ay pwedeng pumasok sa daluyan ng dugo sa panapanahon. Pwede nitong ma-infect ang ibang parte ng katawan, magka sepsis o ikamatay ng pasiyente pero napakadalang naman ng ganitong kaso.
Sino ang mas malaki ang tsansa na magka-UTI?
Pinakita kanina ang mga dahilan ng pagkakaroon ng UTI, pero bukod sa mga babaing nakikipagtalik ng madalas o mga matatandang mahina ang kalusugan, heto pa ang ilang sanhi:
- Kakulangan sa tubig (pinapabagal ang paglilinis ng pathogen sa katawan)
- Palaging paliligo (mas malubhang impeksiyon dahil sa pagkababad sa makemikal na sabon)
- Pag-iintay na maihi (mas lalala ang pagatake ng mga bacteria)
- Bato sa Bato (pagbagal o bahagyang paghinto ng daloy ng ihi)
Pwede din bang magka UTi ang lalaki? Ano ang mga senyales?
Hindi madalas ang UTI sa mga lalake; kung magkaroon man, baka dahil yan sa ibang dahilan. (Halimbawa, paglaki ng prostate o bato sa bato o ang pag gamit ng catheter.)
Mabubuntis ba ang babaing may UTI?
Baka sinisikap niyo ng asawa mo na maglihi ka, at talagang pinaplano niyo ito lalo na kapag nasa “fertile window.” (Bukod pa yung ibang panahon sa loob ng buwan.) At paano kung palagi kayong nagtatalik? Oo, UTI! Pwede ka bang magbuntis pag may UTI o pipigilan ng impeksiyon ang paglilihi?
Ayon sa research, hindi nangangahulugan na kapag may UTI ka ay apektado na ang kakayahan mo na manganak, at kahit may UTI ka pa eh pwede kang manganak. Ang totoo niyan, sinabi ng APA na pwede pa ngang magresulta sa UTI ang pagbubuntis kasi nagbabago ang uterus mo at pinabibigat nito ang pantog mo na humahadlang naman sa ihi. Hindi niyan maaapektuhan ang paglilihi pero kung papabayaan eh maaapektuhan ang ibang mahahalagang bagay.
Kahit na pwede ka namang magbuntis kahit may UTI, kung hindi mo gagamutin ang UTI mo, pwede kang magkaron ng iba pang sakit sa bato. At delikado yan para sayo at sa batang nasa sinapupunan mo. Kapag natuklasan mo na may UTI ka nga, pumunta na agad sa doktor gaya ng OB-GYN para sa antibiotic. Nagagamot ng mabilis ng mga herbal na gamot at acupuncture ang UTI. Kapag nilagnat ka o di umepekto ang natural na pang-gamot sa loob ng 4 na araw, bumisita ka na sa OB-GYN.
Mga lunas na pwedeng gawin sa bahay
Ito ang ilan sa mga panglunas na pwede mong gawin para mabawasan ang sintomas na nararanasan mo at para na rin maiwasan ang UTI:
1. Palaging uminom ng tubig
Ito yung isa sa pinaka mahalagang dapat mong gawin kapag nalaman mo na may UTI ka. Ayon sa National Institute of Diabetes and Digestive and Kidney Diseases (NIDDK), kapag regular kang umiinom ng tubig, mas madaling makaka-recover ang katawan mo kasi inilalabas nito lahat ng bacteria na nagpapahirap sayo.
Sikapin mo na uminom ng 2-3 litro ng tubig araw-araw na katumbas naman ng kalahati ng timbang mo, ang sabi ni Holly Lucille, ND, RN, naturopathic doctor at may akda ng Creating and Maintaining Balance: A Woman's Guide to Safe, Natural Hormone Health. Pero kung may iba ka nang sakit sa bato, mas dapat kang mag-ingat at laging komunsulta sa doktor.
2. Pataasin ang iyong Vitamin C
Kumain ng mga pagkain gaya ng orange, brocolli, kale, bell pepper, strawberry at bayabas. Ayon sa Johns Hopkins Medicine, napakahalaga ng Vitamin C dahil mas ginagawa nitong acidic ang ihi ng isang tao na pumipigil naman sa pagpasok ng bacteria sa daluyan ng ihi. Ipinapayo din ng Urologist ang paginom ng mga Vitamin C na supplement.
3. Tamasin ang init
Ang pag-gamit ng mga heat pan sa apektadong bahago ng katawan dahil sa UTI ay makakatulong. Pinagiginhawa nito ang sakit o hapdi. Pero mag-ingat din na direktang ilapat ang pampainit sa katawan para maiwasan na masunog ang balat.
4. Alamin ang mga nakakapagpasumpong sayo na mga pagkain
Ang ilan sa mga diuretics gaya ng kape, mga soft drinks, atripisyal na pampalasa, tsaa, tsokolate, maaanghang na pagkain at kamatis eh pwedeng makapag-pairita sa iyong pantog, kaya mas maglalabas ng ihi ang katawan mo. Syempre, kasama diyan ang alak. Hindi iyan nakakatulong sa utak mo para kontrolin ang pantog at madi-dehydrate ka. Ang resulta? Mahihiapan kang gumaling. Mag pokus sa mga pagkain na mausustansya gaya ng high-fiber na mga carbohydrates, blueberry at yogurt na maganda sa panunaw.
Nakakatulong ang yogurt para maalis ang hapdi dahil sa UTI.
5. Palaging umihi para malinis ang pantog
Alam na alam mo na kung bakit yan mahalaga. Sa tuwing iihi ka, inilalabas mo yung mga mikrobyo na nagdudulot ng impeksiyon. Kaya wag magpigil ng ihi.
6. Subukan ang Herbal Medicine
Ang ubas o grape daw ay epektibo kasi may berberine ito na pumapatay sa mga bacteria at nagpapalakas sa immune system na labanan ang sakit. Maiiwasan din na dumikit yung mga bacteria sa pantog mo. Baka narinig mo na din yung Uvu ursi. Nilalabanan niyan ang impeksiyon sa tulong ng sangkap nito na tinatawag na arbutin.
7. Baguhin ang pamumuhay
Kapag magbabago ka ng lifestyle, maiiwasan mo din ang iba pang klase ng impeksiyon. Siguraduhing ang ginagamit mo eh yung maluwag at koton na pang-ilalim para di makapasok ang mga bacteria. Mahalaga din na palaging punasan ang ari para maiwasan ang pangangati.
References:
U.S. Department of Health and Human Services. (2018, February 13). Urinary tract infection (UTI). Retrieved from https://www.hhs.gov/opa/reproductive-health/fact-sheets/urinary-tract-infections/index.html
Centers for Disease Control and Prevention. (2015, April 17). Urinary tract infection. Retrieved from https://www.cdc.gov/antibiotic-use/community/for-patients/common-illnesses/uti.html
Office of Women’s Health. (2019, January 31). Urinary tract infections. Retrieved from https://www.womenshealth.gov/a-z-topics/urinary-tract-infections