Ano po ba ang heat exhaustion at heat stroke? What is? Unsa ning ginatawag

Ang heat exhaustion at heat stroke ay pawang maaaring buhat ng sobrang init at mainit na panahon. Kabilang sa mga sintomas nito ay ang pananakit ng ulo, panghihina, pamamanhid at pakiramdam ng pagkahilo. Ang dalawang kondisyon na ito ay pawang seryosong mga sakit kapag hindi naagapan. Maaari mong malunasan ang heat stroke at heat exhaustion sa pamamagitan ng pagpapalamig, pagpapahinga, at pag-inom ng maraming tubig.
Ang heat exhaustion at heat stroke ay mga kondisyon na sanhi ng sobrang init at pwedeng maging seryoso kapag hindi nalunasan.
Ang heat exhaustion ay nangyayari kapag ang iyong katawan ay sobra ang pag-init, at ang temperatura sa loob ng iyong katawan ay tumaas nang tumaas at ikaw ay sobrang pinagpapawisan. Ito ay nagdudulot ng pag-iiba sa antas ng asin at tubig sa katawan, na nagdadala ng dehydration. Ang heat exhaustion ay maaaring dala ng napakainit na panahon, lalo na kapag ikaw ay nag-eehersisyo. Ang mga bawal na gamot tulad ng ecstasy ay maaari ring magdulot ng heat exhaustion. Kabilang sa mga sintomas ay ang panghihina, pagkahilo at pagkalito, pananakit ng ulo at pamamanhid.
Kapag may duda kang ikaw o ang iyong anak ay nagka-heat exhaustion, pumunta sa malamig na lugar sa lalong madaling panahon o maupo o mahiga. Uminom ng maraming tubig dahil ito ay mag-iiwas sa iyo na ma-dehydrate. Kapag ang iyong mga sintomas ay nagpatuloy, o kaya’y mas lumubha, maghanap kaagad ng tulong medikal.
Kapag ikaw ay may malubhang heat exhaustion, at hindi agad nalunasan, maaari itong humantong sa heat stroke. Ang heat stroke ay mas seryosong kondisyon na buhat ng pagkabigo ng natural na taga-regulate ng temperatura sa katawan na panatilihin ang wastong temperature sa katawan. Ito ay may pare-parehong sintomas sa heat exhaustion. Maaari kang makaramdam ng pagkalito o pagiging hindi mapakali at mainit at tuyong balat. Ang heat stroke ay maaari ring makasanhi sa iyo na mawalan ng malay at madaling maging seryosong kondisyon.
Ang heat stroke ay nilulunasan sa pamamagitan ng pagpapalamig, pagpapahinga, at pag-abuno sa mga nawalang tubig sa katawan. Maaari mong ibalot ang iyong sarili o ang iyong anak sa basing tuwalya upang malamigan ang katawan. Kapag ang iyong anak o ikaw ay may heat stroke, kinakailangan mong humanap kaagad ng medikal na tulong o tumawag ng ambulansya.