Ano ang ALMORANAS O ALMURANAS? Pictures at remedy
Ang almuranas, almoranas o tinatawag na hemorrhoids sa ingles ay isang karaniwang karamdaman ng namamagang mga ugat sa puwet at ilalim ng tumbong (labasan ng tae). Maaaring dulot ito ng masyadong pag-iri sa pag-tae o kaya mula sa karagdagang puwersa sa mga ugat habang nagbubuntis, at iba pa. Ang almuranas ay maaaring sumibol sa loob ng tumbong na kung tawagin ay internal hemorrhoid, o kaya naman sa labas ng tumbong na matatagpuan sa ilalim ng balat sa may butas ng puwet o tinatawag na external hemorrhoid. 
Maaari rin maranasan ang internal at external na almuranas ng magkasabay.
Ang Almoranas ay karaniwan nararanasan sa mga may-edad. Kung pababayaan ito at hindi gagamutin, katakot-takot na hirap ang dadanasin ng pasyente. Karaniwang naaapektuhan ng karamdamang ito ang mga taong may edad na 40 hanggang 60. Ngunit hindi ito limitado sa ganitong edad lamang dahil walang pinipiling edad ang sakit na ito.
Mga tao lamang ang nagkakaron ng almoranas. Hindi nagkaka-almuranas ang mga hayop. Laganap ang pagkakaroon ng almoranas sa mga tao, dahil halos 86% ng mga tao ang makakapagsabing nagkaroon sila ng almoranas minsan sa buhay nila. Madalas isipin ng ibang tao na senyales ng almuranas na may problema ka sa pagdumi sa kasama na ang pangangati sa pwet dahil sa pagka-edad. Ang totoo niyan, pwedeng magkaron ng almuranas kahit ano pang edad, pero mas madalas ito sa mga adultong umi-edad. Doon naman sa mga di pa gaanong matanda, mas madalas ang almoranas sa mga buntis.
Ang almuranas ay ang pamamaga o pag-uusli ng laman sa labas ng tumbong. Karaniwan na yung may mga almoranas ay dinudugo o nilalabasan ng maliliit na namuong dugo sa may puwit. Nagkaka-almoranas ang isang tao kapag lumalaki, nanghihina at nawawala sa puwesto ang laman. Ang resulta? Nakausilng laman na nakaumbok sa puwitan. Kadalasang hindi naman mapanganib, ngunit maaaring makasagabal para sa ilan o kaya naman maaaring senyales ito ng ibang karamdaman tulad ng colorectal or anal cancer, kung kaya't mabuting sumangguni sa doktor. Minsan pagkalipas ng ilang linggo, nawawala nalang ito ng kusa kahit hindi gamutin. Sa kabutihang palad, maraming mga paraan upang magamot ang kondisyong ito.
Kahit mukhang nakakahiyang pagusapan ito, walang pinipili ang almoranas. Pwedeng pwedeng magkaraoon ng almoranas ang kahit sino, kahit bata at malusog ka pa. Yung sa iba, masakit ito at nakakairita pero hindi naman talaga ganoon kaseryoso. Nagkakaiba-iba ang almoranas depende sa posisyon nito at kung gaano kalubha ang sakit na idinudulot nito.
Buti nalang, may pitong mabisang remedyo sa almuranas na pwedeng-pwedeng subukan kahit nasa bahay lang at hindi bumili sa botika. May mga paraan din na hindi lang gagamot sa almoranas kundi tutulong pa sayo na mawaksi ang hapdi at makaiwas na maulit ang pagsibol.
Ano iba't ibang uri ng almurnas o almoranas (hemorrhoids)?
1. Internal Hemorrhoid o Almoranas sa loob - Isang uri ng almoranas ay yung nasa loob ng puwit. Hindi ito gaanong masakit. Ang lala o tindi ng almoranas eh depende sa kung gaano na katagal at kadalas na nakausli ang almoranas sa daanan ng dumi. Kung minsan, umuusli din ito hanggang sa labas ng puwit. Mayroong tinatawag na ibang antas o grado 1 hanggang grado 4 na almoranas:
- Ang Grado 1 eh yung maliit na almoranas na hindi nakausli. HIndi masakit at may pamnisan-minsang pagdurugo pagkatapos mong dumumi.
- Sa Grado 2 na almoranas naman, pwedeng umusli ito habang dumudumi pero kusang babalik din naman sa dati.
- Sa Grado 3 na almoranas, kailangang itulak pabalik sa loob ng tumbong ang almoranas.
- Grado 4 na almoranas naman kapag nakausli na ang almoranas sa labas ng tumbong. Lagi na itong nakalabas at kahit paulit-ulit mo pang itulak, uusli at uusli lang ito ulit. Pwedeng may pagdurugo pa o wala na. Ang nakausling almoranas eh talagang masakit lalo na kung naiipit ito ng tumbong o may namuong dugo
Kadalasang hindi nararamdaman ng pasyente o nakikita ang internal hemorrhoids, dahil ito ay nasa loob na parte ng labasan ng dumi. Bihira itong sumasakit dahil sa kakaunti lamang ang mga ugat na tinatamaan nito sa loob. Ang pagdurugo sa tuwing dudumi ang kadalasan na senyales nito. Ang labis na pag-ire sa tuwing maglalabas ng dumi o ang matinding pwersa sa pagbubuntis at panganganak ay ilan sa nagiging dahilan ng paglabas nito at magiging sanhi ng pagsakit ng bahaging iyon o ng pangangati.
2. External hemorrhoids o almoranas na nakikita sa labas - Ang nakalabas na almoranas naman eh yung nabubuo sa ilalim ng balat sa labas ng puwet. Maari itong bumukol. Kung minsan magkakaroon ng pagsusugat sa paligid ng puwit at nagkukulay asul o ube ito. Ang thrombosed na almoranas ay yung uri ng almoranas na may namuong dugo sa loob. Hindi naman yan delikado o kakalat sa buong katawan pero talagang masakit ito at kailangang tuyuin. Madalas na makati ang ganitong klase ng almoranas. Napakasakit nito lalo na kapag dumudumi. Pwede din itong umusli sa labas ng tumbong.
Almoranas sa labas ng puwet na may kasamang pamamaga ng ugat (Thrombosed Hemorrhoids)
Ito ay makikita sa labas o sa paligid ng balat ng puwet. Kapag ito ay nairita, ito ang nagdadala ng pananakit o pangangati ng bahaging kinalalagyan nya at may kasamang pagdurugo. Maari ding may mamuong dugo sa ugat dahil dito at maging sanhi ng pagbabara. Nagdudulot ito ng matinding pananakit at pagdurugo sa tuwing dudumi, May mararamdaman din na bukol sa paligid nito. Kapag sinabayan ng lagnat ang sakit at pamamaga ng almoranas maaring naimpeksyon ang sugat at nagkaroon ng nana.
Mga Dahilan ng Pamamaga ng Ugat dahil sa Almoranas ((Thrombosed Hemorrhoids)
Ito ay nakukuha dahil sa matinding pwersa sa mga ugat ng puwet katulad ng mga sumusunod.
· Sa tuwing matigas ang dumi at pinipilit na pag-ire dahil kulang ang fiber sa pagkain.
· Hindi regular na pagdumi.
· Pagbubuntis ( ang pwersa na dulot ng sanggol sa sinapupunan ay umiipit sa mga ugat lalo na sang pag-ire sa panganganak).
· Pag-upo ng matagal sa inodoro.
Patuloy pa rin na inaalam ng mga doctor ang dahilan kung bakit nagkakaroon ng pagbabara ng ugat sa almoranas. Ang pamumuo ng dugo dahil sa almoranas ay hindi delikado subalit lubhang masakit at minsan ay kailangin na hiwain upang alisin ang nana.
Ano Mga Sintomas thrombosed hemorrhoid
· Kapag dumudumi ay may mapapansin na matingkad na pulang dugo sa inidoro pero walang nararamdaman na sakit.
· Pangangati sa dinadaan ng dumi.
· Pagsakit
· Pamamaga sa paligid ng puwet.
· Bukol malapit sa puwet na masakit tuwing mahahawakan o madidiinan.
Ano mga Pagsusuri na Kailangan para sa thrombosed hemorrhoid
Importante na magpatingin agad sa doktor para malaman ang sanhi ng pagdurugo o pananakit sa tuwing dudumi. Ang dugo sa dumi ay maari din dahil sa ibang mas malalang karamdaman tulad ng kanser sa bituka. Maaring ipagawa ng iyong doktor ang iba’t ibang paraan para malaman ang sanhi nito tulad ng mga sumusunod.
· Digital rectal exam
· Sigmoidoscopy
· Colonoscopy
Ano mga Palatandaan, senyales at Sintomas ng Almoranas? Pagsusuri ng sakit
Ang mga sumusunod ang nagsisilbing senyales ng pagkakaroon ng almuranas:
-Hindi masakit na pagdurugo habang dumudumi
-Pangangati o iritasiyon sa may butas ng puwet
-Pananakit ng puwet
-Pamamaga sa may butas ng puwet
-Bukol malapit sa butas ng puwet na sensitibo o masakit
-Pag-leak ng tae
Ang almuranas na nasa loob ng rectum ay hindi nagdudulot ng mga sinyales o sintomas, hindi ito nakakapa o nakikita at hindi rin nakakasagabal sa ginhawa ng isang tao. Ngunit kapag ang tao ay dumudumi, maaaring masira ang surface ng almuranas na magdudulot ng pagdurugo nito. Kung minsan, naitutulak ang interal hemorrhoid (nasa loob) palabas ng butas ng puwet at ang tawag dito ay protruding o prolapsed hemorrhoid na maaaring magdulot ng sakit o iritasiyon. Ang external na almoranas (nasa labas) ay maaaring mangati at magdugo kapag nairita. Minsan, maaari din mamuo ang dugo sa external hemorrhoid na nagdudulot ng matinding pananakit at pamamaga.
Ano Sanhi o Dahilan ng Almoranas? Bakit nagkakaroon ng almuranas?
Ang mga ugat sa paligid ng butas ng puwet ay nauunat na maaaring magdulot ng pamamaga. Namamaga ang ugat pag nadagdagan ang presiyon sa mga ugat na ito. Ang mga bagay na nagdudulot nito ay ang mga sumusunod:
- Ang pag-iri habang tumatae ay nagdadagdag ng presiyon sa mga ugat
- Pag-upo ng matagal sa inodoro
- Paulit-ulit at matagal na pagtatae o kaya constipation
- Pagbubuntis
- Labis na katabaan o pagiging obese ay maaari din magdagdag ng presiyon sa mga ugat
- Ang pakikipagtalik sa puwet o Anal intercourse
- Kakaunting fiber sa kinakain o diyeta
- Mga ibang sakit o karamdaman kagaya ng sakit sa puso o atay
Bakit mas madalas magkaroon ng almoranas ang mga buntis?
Mga buntis ang karamihan sa mga nagkakaroon ng almoranas dahil lumalaki ang kanilang matris, palagi silang hirap sa pagdumi at nadadagdagan yung hormone progesterone nila (kasama na yung mga barikos o naglalabasang ugat sa hita o kung minsan pa nga eh pati sa ari). Habang lumalaki ang matris mo, napupwersa naman ang ilang malaking ugat sa kanang bahagi ng katawan mo. Mahalaga yon kasi ito yung dinadaluyan ng dugo galing sa binti o biyas. Syempre, babagal ang daloy ng dugo sa ibabang parte ng katawan mo, at kasabay naman non eh napupuwersa ang mga ugat sa ilalim ng matris mo kaya namamaga ito lumalaki.
Kasama din sa naaranasan ng mga buntis eh yung hirap sa pagdumi o kung minsan, tintibi pa nga. Yan din ag dahilan kaya lumalala ang almoranas kasi napupwersa ka sa pag-ire kapag hirap kang dumumi. Kapag lagi kang napupuwersang umire, pwede kang magkaron ng almoranas.
Kapag nagbubuntis, ipinapakalma ng progesterone ang iyong mga ugat kaya mas mabilis naman silang mamaga. Mas pinalala din ng mga hormone na yan ang pagtitibi kasi pinababagal niyan ang mga daanan sa bituka mo.
Mas karaniwan ang almoranas sa ika-pito hanggang ika-siyam na buwan ng pagbubuntis. Yung ibang babae naman, nagkakaron sila niyan sa unang pagkakataon habang buntis. At kung nagkaroon ka na ng almoranas bago ka mabuntis, asahan mo nang magkakaroon ka ngayon buntis ka. Pwede din yang magsimula sa ikalawang bahagi ng pagla-labor habang umiire. Hindi na bago ang pagkakaroon ng “thrombosed na almoranas” o yung almoranas na may nabuong dugo sa ugat na nagreresulta sa malaki at nakausling laman sa tumbong. Sa ganitong uri ng almoranas, mas madalas ang pangingirot kaya mahirap maglakad, maupo o dumumi.
Isa pang idinadaing ng mga bunti ay yung pagdurugo ng almoranas pagkatapos manganak. Pero sa halos karamihan naman ng mga buntis, nawawala din ang almoranas pagkatapos manganak lalo na kung nag-iingat ang buntis na mahirapan sa padumi o pagtitibi.
Paano ko maiiwasan ang almoranas habang nagbubuntis?
Heto ang mga magagawa mo:
Kumain ng mga pagkaing mataas ang fiber (kasama na ang maraming prutas, gulay, beans at iba pa), uminom ng 8-10 baso ng tubig araw-araw at regular na ehersisyo (hanggat pinapayagan ka ng doktor mo) para maiwasan ang pagtitibi. Kapag hirap ka na sa pagdumi, itanong sa doktor mo kung anong pwedeng gamot o supplement ang pwede mong inumin para lumambot ang iyong dumi.
Wag kang magpaliban kapag nakakaramdam ka na na gusto mong dumumi at iwasan mo din na umire masyado.
- Iwasan mong maupo ng matagal sa inidoro para hindi ka masyadong mapuwersa.
- Subukan mo gawin ang Kegel exercise, o paggalaw sa bandang hita, balikat at puson. Makakatulong ito para ihanda ka sa panganganak pero bukod diyan, makakatulong din yan para maiwasan ang almoranas kasi pinagaganda nito ang pagdaloy ng dugo.
- Matulog ng nakatihaya o tagilid at iwasang mahiga gamit ang iyong likod (at hindi mo naman talaga dapat gawin yan sa unang tatlong buwan ng pagbubuntis) kasi mas binabawasan nito ang presyon. Pwede ka ding mahiga pakanang bahagi ilang beses sa isang araw para hindi gaanong mapuwersa ang mga ugat mo sa may puwitan.
- Laging gumalaw-galaw. Wag kang maupo nalang o tumayo sa isang posisyon ng mapakahabang oras. Subukan mong maglakad-lakad kahit ilang minuto o kada oras para dumaloy ng maayos ang dugo sa katwan mo. At kung pinapayagan ka naman ng doktor, siguraduhin mong ligtas ang habit ng pag-eehersisyo mo hanggang sa managanak ka.
- Wag mong pilitin. Wag mong pwersahin ang pag-ire kapag dumudumi.
- Palaging maging malinis. Gumamit ng maligamgam na tubig at toilet paper para linisin ang apektadong parte pero wag mo namang kuskusin ng sobra kasi baka ma-irita lalo ito. Subukan ang mga wipes.
- Maligo ng maligamgam na tubig. Magbabad ng kahit 10 hanggang 15 minuto para lagi kang malinis at baka mawala pa nga ang pananakit at iritableng pakiramdam.
- Subukan ang mga ice-packs o yelo. Giginhawa ang pakiramdam mo.
- Humanap ng unan na hugis donut. Kung hindi ka talaga komportable sa tuwing uupo, makakatulong yan.
- Wag mahiyang ipakipagusap yan sa mga eksperto. Bibigyan ka nila ng cream o gamot para maalis ang pangangati at paghapdi.
Paano maalis ang almoranas ko habang nagbubuntis?
Pwede mong subukan ang ibat ibang paraan.
- Yelo o malamig na tubig. Binabawasan ng cold therapy ang pamamaga. Dampian ng ice pack (na may malambot na pambalot) ang apektadong bahagi malimit sa isang araw. May mga nagsasabi din na nakakatulong para maibsan ang sakit kapag nilalagyan ito ng witch hazel.
- Mainit na therapy. Magbabad ka sa bathtub na may maligamgam na tubig sa loob ng 10-15 minuto araw araw. Kung wala ka namang bathtub, bumili ng sitz bath sa mga botika. (Isa iyang plastic na planggana na talagang para sa pagbababad ng puwitan.)
- Ipag salit-salitan. Unahin muna ang malamig na therapy at isunod ang mainit.
- Siguraduhing laging malinis. Linisin ng marahan at maingat ang apektadong parte kada dudumi. Gumamit ng malambot at walang halong amoy na tissue para maiwasan ang iritasyon sa balat. Mas epektibo daw yan sabi ng karamihan sa mga babaing may almoranas. O kaya naman, may mga wipes na may kahalong witch hazel, na para talaga sa may mga almoranas.
- Gamutin. Ipakipag-usap iyan sa eksperto o doktor. Pwede siyang magrekomenda sayo ng pampa-alis ng hapdi o suppository na ligtas namang gamitin kahit buntis. Madaming makikitang gamot sa almoranas kahit saan pero magtanong muna bago sumubok.
Laging tandaan na pwede mo lang gamitin ang karamihan sa mga yan sa loob lang ng isang linggo. (Kung gagamit ka ng mga gamot ng higit sa sinabi sayo ng doktor o eksperto, baka mairita lalo ang balat mo o numipis pa nga.)
Ano mga Lunas, Remedyo at paraan ng pag-gagamot?
Maraming mapagpipiliang lunas na pwedeng pwede kahit nasa bahay lang o di kaya naman, mga over-the-counter-drugs o yung mga gamot na hindi na kailangan pang ireseta ng doktor. Sa totoo lang, bukod sa pagagaanin niyan ang pakiramdam mo, makakatulong din yan para mawala na ang almoranas ng kusa.
1. Maligamgam na pampaligo - Ang maligamgam na tubig na may halong Epson Salt o asin ang makakapag-paginhawa sa mga sintomas ng almoranas. Madali lang. Sa tub o malaking palanggana, maglagay ng maligamgam na tubig na may asin. Kailangan mo lang na maglagay ng tubig na abot hanggang sa hita. Maupo ka dito at ibabad ang almoranas. Yung iba, dinadagdagan nila ng iba pang pang-gamot bukod sa asin ang tubig na pinagbabadan para mas mabilis na mawala ang nakaka-iritang epekto ng almoranas. Pwedeng pagsamahin ang tubig, Epson Salt at Apple Cider vinegar. Pwede din namang derektang ipahid ang Apple Cider Vinegar sa almoranas. Ganyan ang ginagawa ng iba pero baka mas pahapdiin lang nito lalo ang balat.
2. Langis ng niyog
Ang langis ng niyog ay natural na moisturizer, na makakatulong din sa mga sintomas ng almoranas. Mababawasan ng langis ng niyog ang iritasyon at pamamaga sa balat. Babawasan din niyang ang pangangati.
3. Aloe vera
Sa sarisaring paraan, malaking tulong ang aloe vera na pang-gamot. Ayon sa pag-susuri mabisa ito na pang-gamot sa mga makakati, namamaga at namumulang balat sa katawan at nakapag-papagaling ng sugat. Kayang alisim ng aloe yung mainit, nangangati at namamagang pakiramdam dahil sa almoranas. Napakahalaga naman talaga ng kalinisan kung paanong pinalalala naman ng mga preservatives ang sintomas.
4. Yelo
Ang pagtatapal ng yelo sa almoranas ay makakatulong talaga sa hapdi at pamamaga. Pwede mong itapal ang yelo habang nakaupo o kapag lumabas ang almoranas para maalis ang pananakit. Maalis din nito ang pamamaga pero sandali lang. Siguraduhing ibalot ng maayos ang yelo sa maliit na bimpo para hindi masira ang balat. Ulit-ulitin ito kada oras sa loob ng 15 minuto.
5. Over-the-counter na mga gamot
Kapag parang hindi kayang alisin ng kahit anong remedyo ang sakit na nararanasan mo, mas makakatulong ang mga gamot o cream na mabibili sa mga botika. Nakakatulong ang mga gamot na gaya ng Nonsteroidal anti-inflammatory drugs (NSAIDs), gaya ng acetaminophen o ibuprofen. Subukan din ang mga cream na may halong hydrocortisone para mabawasan ang pananakit.
6. Pagbabago sa nakasanayan at paraan ng pamumuhay
Sinasabi ng mga mga ekspert na mas makakaiwas ka sa almoranas kung dadalasan mo ang pag-inom ng tubig. Kapag nagbago ka ng pagkain at mga maayos na pamumuhay, dalawa lang yan; mababawasan ang tyansa mo na magka-almoranas o kung may almoranas ka na, mabilis itong gagaling. Kasama na diyan ang pag-inom ng maraming tubig. Ayon sa mga eksperto, madalas na yung mga nagdidyeta na hindi umiinom ng sapat na dami ng tubig ang nagkakaroon ng problema sa pagdumi gaya ng almoranas.
Ano pinakamabisang Gamot sa Almoranas? Paano maiwasan at magamot?
Karamihan sa almuranas ay napapagaling ng simpleng pagbabago sa diyeta at bowel habits. Ang pagkain ng maraming mga prutas at gulay na mataas sa fiber ay tutulong sa paglambot ng dumi para maiwasan ang karagdagang iritasyon sa almoranas. Kapag nakakaranas ng pangangati at sakit mula sa almuranas, maaaring magrekomenda ang doktor ng mga over-the-counter na gamot kagaya ng mga ointment o suppositories na may hydrocortisone.
Makakatulong din ang mga sumusunod para agapan ang pananakit at pamamaga na dulot ng almoranas o hemorrhoids, at kadalasan ito lamang ang nakakagamot sa almuranas:
1. Gumamit ng mga over-the-counter na cream o suppository na may gamot na hydrocortisone para sa pangangati at pamamaga o kaya uminom ng pain relievers gaya ng paracetamol para sa pananakit. Mahalagang gamitin o inumin ang mga ito sa tamang paraan at wastong tagal ng paggamit base sa turo ng doktor.
2. Ibabad ang puwet sa mainit na tubig 10 hanggang 15 minuto ng dalawa o tatlong beses sa isang araw.
3. Panatilihing malinis ang puwet. Maligo araw araw at linis ang puwet at ang parte sa paligid ng butas nito gamit ang tubig lamang, dahil maaaring magdulot ng iritasyon ang sabon at palalain ang almoranas.
4. Iwasang mairita ang puwet mula sa paggamit ng tuyong toilet paper. Gumamit ng basang toilet paper para linisin ang puwet pagkatapos dumumi.
5. Maglagay ng cold compress para agapan ang pamamaga
Ano mga Surgical Procedures ang maaaring gawin, kapag hindi madaan sa gamot ang almuranas/ almoranas?
Ang almoranas (Hemorrhoids) o tinatawag ding piles ay ang namamagang ugat sa puwet. Katumbas ito ng varicose veins sa iyong mga binti. Maraming sanhi ng almoranas, ngunit walang nakatitiyak kung ano talaga ang kadahilanan nito. Maaaring ito ay sanhi ng pagpipigil ng dumi o kaya naman ay ang matinding pressure dulot ng pag-ere kapag nanganganak. Ito ay maaring sa loob ng puwet o internal hemorrhoids o di kaya naman ay sa paligid ng puwet o external hemorrhoids. Narito ang mga halimbawa ng mga surgical procedures o mga hakbang sa pagoopera upang malunasan ang sakit na almoranas:
1. Hemorrhoidectomy o External Hemorroid Thrombectomy
Sa ibang tao, hindi lubos ang pagbabago ng dyeta at maling nakasanayan upang magamot ang almoranas. May mga paraan din upang ito ay mapaliit katulad ng paggamit ng laser. Hindi masakit ito at kadalasang walang komplikasyon, subalit ang pag opera pa rin ang pinakamabisang paraan ng pag aalis ng almoranas lalo na kung ito ay malaki, masakit at nagdurugo. Ang tawag sa pagoopera ng almoranas at hemorrhoidectomy kung saan ang doctor ay gumagawa ng maliit ng hiwa sa puwet para matanggal ito. Ito ay kapag may namuo na blood clot sa external hemorrhoid. Kinakailangan ng local anesthesia or kaya ay general anesthesia sa pagsasagawa ng operasyon. Madali lamang ang prosesong ito at makakauwi na rin ang pasyente pagkatapos. Maaring kailanganin ng tahi at makakaramdam ng sakit sa iyong puwet subalit gagaling ka rin matapos ang dalawa hanggang tatlong linggo. Ito ay ang pinaka-epektibo at kompletong paraan upang magamot ang malubha at paulit-ulit na almoranas. Ang mga side effects nito ay maaring komplikasyon gaya ng hirap sa pag-ihi na nauuwi sa Urinary Tract Infection o UTI. Maari ring makaranas ng pananakit subalit ito ay malulunasan ng pag inom ng gamot at pagligo ng mainit na tubig.
2. Hemorroid Stapling
Ang operasyong ito ay tinatawag na stapled hemorrhoidectomy or stapled hemorrhoidopexy. Dito ay pinipigilan and pagdaloy ng dugo sa almoranas at maaari rin lamang itong gawin sa internal hemorrhoids. Mas mabilis maka-recover sa hemorrhoid stapling kumpara sa hemorrhoidectomy, ngunit mas malaki ang posibilidad na bumalik ang almoranas at magkaroon ng rectal prolapse (paglabas ng rectum sa puwet). Mayroon din itong iba’t-ibang komplikasyon gaya ng pagdurugo, hirap sa pag-ihi at maging sepsis na kakabit ng operasyon.
Iba’t Iba pang simpleng Operasyon
Kung madalas na dumudugo at sumasakit ang almoranas, maaring irekomenda ng doktor na dumaan sa maliliit na operasyon ang pasyente. Ito ay isinasagawa sa opisina ng doctor o sa isang outpatient na setting. Hindi rin ito nangangailangan ng anesthesia.
3. Rubber Band Ligation
Ang iyong doktor ay maaaring maglagay ng maliliit na rubber band sa ilalim ng internal hemorrhoid upang matigil ang daloy ng dugo dito. Matutuyo ang almoranas at matatanggal ito ng kusa sa loob ng isang linggo. Maraming pasyente ang nagsasabi na epektibo ito sa kanila.
Ang pagtatali ng almoranas ay maaring hindi komportable at magdudulot ng pagdurugo sa loob ng dalawang araw matapos ang operasyon ngunit walang dapat ikabahala sapagkat hindi naman ito malubha.
4. Injection o Sclerotherapy
Sa operasyon na ito, tuturukan ng chemical solution ang iyong almoranas upang ito ay paliitin. Walang mararamdamang sakit sa pamamaraan na ito subalit hindi ito kasing epektibo ng rubber band ligation.
5. Coagulation gamit ang Bipolar, Infrared o Laser
Gumagamit ng iba’t ibang techniques ang paraang ito gaya ng laser, infrared light at heat upang paliitin ang almoranas. Ito ay may kasamang side effects hindi katulad ng rubber ligation at mas mataas ang posibilidad na magkaroon ka uli kapag ang coagulation procedure ang gagamitin.
Ang pag-oopera ng almoranas ay ang pinakamabisa at ligtas na paraan. Subalit kailangan mo ring baguhin ang iyong pagkain at maling nakasanayan, nang sa gayon at maiiwasan mo itong bumalik.
Tinatayang halos tatlo sa bawat apat na nakatatanda ay mayroong almoranas.Ito ay maaring magdulot ng labis na pananakit at abala sa pangaraw-araw na pamumuhay ngunit ito ay hindi nagdudulot na panganib sa buhay. Ang lahat ng sintomas na mararanasan ay nararapat na isangguni sa doktor upang malaman kung ito ay totoong almoranas. Maraming mga pamamaraan ang mapagpipilian – maaring gamitan ng operasyon o hindi. Kinakailangan ng opinyon ng eksperto bago magpasiya.
(Last reviewed 25 March 2019)
References:
National Institute of Diabetes and Digestive and Kidney Diseases. (2016, October). Symptoms and causes of hemorrhoids. Retrieved from
https://www.niddk.nih.gov/health-information/digestive-diseases/hemorrhoids/symptoms-causes
Mayo Clinic. (2018, November 6). Hemorrhoids. Retrieved from
https://www.mayoclinic.org/diseases-conditions/hemorrhoids/symptoms-causes/syc-20360268
Read more: Ano pinaka mabisang lunas o gamot na makikita sa loob ng bahay laban sa Almuranas?
Para sa mga paulit-ulit na nagdurugo at masakit na almuranas, ito ang mga paraan ng paggamot dito:
Rubber band ligation - Sa paraang ito, tinatalian ng rubber band ang almuranas para putulan ng sirkulasiyon at mahuhulog na lamang ito sa loob ng isang linggo.
Sclerotherapy - Sa paraang ito, iiniksiyonan ang almuranas ng gamot para ito ay lumiit.
Coagulation - Gumagamit ang paraan na ito ng laser o infrared para patigasin nang matanggal ang almoranas.
Surgical procedures - Kapag hindi epektibo ang ibang mga paraan ng paggamot sa almuranas, nirerekomenda ng mga doktor ang mga operasyon para matanggal ang almuranas.
Maaaring mamaga ang almuranas at tumigas at humapdi ang paligid nito, kaya't magiiba ang kulay nito at magiging kulay asul, kapag naging namuo ang dugo sa loob. Kadalasan hindi naman delikado ang pagbuo ng dugo at hindi naman ito kakalat sa ibang parte ng katawan, ngunit nakakasanhi ito ng pananakit kaya kailangan ito patuyuin. Makati rin ito, at maaaring umusli.
