Kung merong surot sa inyo, maraming paraan na magagawa para malipol sila at maiwasan na dumami silang muli.
Ang mga surot ay maliit, manipis, at kulay kayumanggi na kung tingnan ay parang patani. Tuwing araw ay nagtatago sila sa mga bitak at mga tiklop ng mga mattress, higaan, dingding at sahig at naglalabasan tuwing darating gabi. Ang mga kagat ng surot ay karaniwang hindi masakit at hindi nagdadala ng sakit. Kung minsan, ang mga taong nakagat ay nagkakaroon ng maliliit na pamamaga at pamamaltos. Ang mga surot ay sinasabing nangangagat sa mga lugar na hindi natatabunan ng mga damit para sa higaan tulad ng iyong mukha, leeg, kamay at mga braso. Mapapansin mong merong mga maliliit na dugo sa iyong higaan. Kung merong napakaraming surot, maaari mong mapansin na merong matamis na bangong lumalabas mula sa “scent glands” ng mga surot.
Kung meron kang surot, importanteng hindi mo pinalilipat-lipat ang mga kagamitan sa isang lugar patungo sa isa pa dahil nagdudulot ito na sila ay kumalat. Sumangguni sa isang “pest control” na kompanya na maaaring sumuri sa iyong lugar. Kung kinakailangan, gumagamit sila ng “insecticide sprays” upang malunasan ang problema. Takpan rin ang mga bitak sa iyong dingding at sahig upang maiwasang bumalik ang mga surot.