Nakakapagpalubha ba ang pagbuntis ng asthma? Pwede inumin gamot sa hika? Baby's health, chronic inflammatory disease

anonymous
This person has chosen to hide his/her identity.

Ang pagbubuntis ko ba ay makakapagpalubha ng sintomas ng aking asthma? Kakailanganin ko pa rin bang inumin ang aking mga gamot para sa asthma?


Topic: Will pregnancy affect my asthma. Can I still take medicine for asthma if I'm pregnant?


 

Reply as anonymous (Your real name and picture will not be seen)
Dr. Ed Santos
is a Medical expert in Saudi Arabia
Habang nagbubuntis, ang iyong asthma ay maaaring gumaling, o grumabe o manatiling katulad pa rin sa dati. Kung ang iyong asthma naman ay kontrolado, maaaring konti lamang o wala itong epekto sa iyong pagbubuntis.
Dapat mong ipagpatuloy na inumin ang iyong gamot para sa asthma habang nagbubuntis. Sabihin sa iyong doctor na ikaw ay buntis, para masiguradong hindi nakakaapekto ang gamot na iniinum sa iyong pagbubuntis. Para sa maraming mga babae na kontrolado ang asthma, walang epekto ang kondisyon sa kanilang pagbubuntis, at normal silang nanganganak.
Subalit para sa mga may grabeng asthma na nagbubuntis, madalas na nararamdaman nilang lumulubha ang kanilang sintomas habang nagbubuntis. Kung ikaw ay may grabeng asthma, marapat na bisitahin ang iyong doktor sa regular na beses upang siguraduhing ang iyong sintomas ay hindi lalala. Kung ikaw ay may problema, ang iyong doktor ay maaari kang isangguni sa doktor sa baga.
Ang malubhang sintomas ng asthma habang nagbubuntis ay konektado sa mga komplikasyon tulad ng maliit na timbang ng sanggol, premature birth at pre-eclampsia. Gayundin, kapag ikaw ay naninigarilyo, dapat mo itong tigilan upang umepekto ang iyong mga gamot para sa asthma at ito rin ay nagdadala ng komplikasyon sa iyong kalusugan at sa sanggol. Kapag ikaw ay naninigarilyo habang nagbubuntis, ang iyong sanggol ay mataas ang tsansang magka-asthma rin.
Habang nagbubuntis, importanteng inumin ang mga gamot para sa asthma dahil kapag itinigil ito ay tumataas tsansang magka-problema sa iyong kalusugan pati na sa bata.
Ang iyong doktor ay mas tutukan rin ang iyong mga gamot upang ito ay ma-adjust base sa iyong pangangailangan. Makakatulong na kumonsulta muna sa iyong doctor kung may planong magbuntis. Kung ikaw ay naninigarilyo, siya ay maaaring may mga payo ukol sa paghinto nito.
Ang mga karaniwang gamot sa asthma tulad ng mga bronchodilators (halimbawa ang salbutamol, terbutaline, theophylline) at mga sinisinhok na corticosteroids ay kilalang ligtas gamitin bago, habang, at pagkatapos manganak (pati na ring habang nagpapasuso). Kung ikaw ay nagbubuntis at ina-asthma, importanteng magbakuna laban sa influenza virus lalo na sa flu season dahil mas mataas ang tsansa ng mga buntis na magka-infection. Kung ikaw ay may iba pang mga tanong tungkol sa asthma at pagbubuntis, makipag-usap sa iyong doctor.

About the author

Dr. Ed Santos

My uncles and aunts were pediatricians and family physicians, so I had an inkling that I would do primary care. So at a young age, I dreamt of becoming a physician.
Profession: Family Medicine
Saudi Arabia , Jeddah
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.