Nung atin kung polycystic ovary syndrome, maapektwan ku ba o ing kakung anak a pagbuktut ko?

Mas mataas ang tyansa na magkaroon ng mga kumplikasyon sa iyong pagbubuntis kapag ikaw ay mayroong PCOS. Mas mataas din ang posibilidad na magkaroon ka ng diabetes habang buntis na tinatawag na gestational diabetes. Ipapayo sa iyo na magkaroon ng pagsusuri sa unang bahagi ng iyong pagbubuntis. At kung natuklasan na mayroon kang diabetes, irerefer ka ng iyong doktor sa isang specialista. Kadalasang nawawala ang gestational diabetes pagkatapos manganak ngunit mas mataas ang tyansa na magkaroon ng type 2 diabetes sa iyong pagtanda.
Kapag mayroon kang PCOS, mayroon ka ding mas mataas na tyansang manganak ng mas maaga at magkaroon ng mataas na presyon habang nagbubuntis. Kukuhanan ka ng blood pressure ng iyong doktor o midwife sa iyong regular check-ups upang matutukan ang pagtaas ng iyong presyon. Maaring magkaroon ng kundisyon na tinatawag na pre-eclampsia kung saan ang iyong blood pressure at masyadong mataas at delikado. Ang mga sintomas ng pre-eclampsia ay sobrang sakit bg ulo, pagmamanas ng paa, kamay at mukha, malabo ang paningin at pananakit ng tiyan.
Kung may nararamdaman ka alin man sa mga nabanggit ay mas makabubuting kumunsolta agad sa iyong doktor o midwife. Kapag may pre-eclampsia, nararapat din na ma-admit sa ospital upang maminitor ang iyong kalagayan at mabigyan ng mga lunas. Titignan ding mabuti kung kinalailangan ng ilabas ang bata sa iyong sinapupunan.