Ang pagpapalabas ng gatas ay nangangahulugan ng paggamit ng iyong mga kamay o ng breast pump upang mapiga palabas ang gatas mula sa iyong suso.
Maaaring gugustuhin mong pigain palabas ang gatas sa iyong dibdib dahil sa ilang mga kadahilanan. Halimbawa, maaari mong pigain ang gatas mula sa iyong dibdib dahil ikaw ay pupunta sa trabaho o magiging malayo ka sa iyong anak ng ilang mga panahon. O kaya’y gugustuhin mong magpiga na lamang ng gatas mula sa iyong suso dahil hindi maiging dumedede ang iyong anak mula sa iyong dibdib.
Maaari mong pigain ang iyong dibdib para sa gatas sa pamamagitan ng iyong kamay, o “hand pump” o “electric pump”. Sundin ang mga sumusunod na gabay upang matulungan kang palabasin ang iyong gatas sa pamamagitan ng paggamit ng mga kamay.
• Ihulmang parang tasa ang dibdib at damhin mula sa dulo ng iyong suso patungo sa parte ng iyong dibdib na kung humasin ay kakaiba ang tekstura. Ito ay ang mga lugar kung saan matatagpuan ang “milk ducts” o mga lagusan ng gatas.
• Marahan na pigain ang naturang lugar gamit ang iyong hinlalaki at hintuturo. Ang iyong hinlalaki at hintuturo ay dapat nakaharap sa isa’t-isa at mga 4 na sentimetro ang layo mula sa suso. Wala kang mararamdamang sakit mula dito.
• Bitawan ang presyur at ulit-ulitin ang pagpipiga hanggang magsimulang dumaloy ang gatas. Palipat-lipatin ang iyong kamay paikot sa dibdib upang ikaw ay makakuha ng gatas sa lahat ng mga labasan ng gatas.
• Kung and daloy ng gatas ay humihina, pigain ang isa pang dibdib. Magpalipat-lipat ng dibib hanggang sa tumigil ang pagdaloy ng gatas o humina ang daloy nito. Ito ay sumu-suma ng lima hanggang anim na pigain sa kada isang dibdib.
• Kung ang gatas ay hindi dumadaloy, subukang ilagay ang iyong mga daliri malapit sa suso o malayo dito. O subukang gumawa ng marahan na masahe sa dibdib.
Ang pag-aaral kung paano pumiga ng gatas sa dibdib ay isa talagang mahirap na gawain at pangkaraniwan na sa mga unang pagkakataon, tagaktak lang muna ng gatas ang iyong makukuha. Kailangan mong humanap ng paraan na nababagay sa iyo. Siguraduhing ikaw ay kalmado at nasa komportableng lugar na walang distraksyon bago ka magpiga ng gatas. Ang ibang mga ina ay sinasabing nakakatulong na kumonek muna sa kanilang mga sanggol, halimbawa sa pamamagitan ng pagtingin sa larawan ng kanilang sanggol at pagdala ng piraso ng damit ng sanggol kasama nila. Ito ay nagdudulot ng paglabas ng oxytocin na tumutulong sa pagpapadaloy ng gatas.
1 person likes this