Ang Unang Linggo: Gaano kadalas dapat pasusuhin ang sanggol?
Ang dalasang pagpapasuso ay nagreresulta sa magandang suplay ng gatas at nagbabawas ng pamamaga. I-target na magpasuso ng 10 – 12 na beses sa isang araw (24 oras). HINDI ka pwedeng magpasuso ng sobrang malagian, pero pwedeng kulang ang iyong pagpapasuso. Magpasuso sa unang senyales ng pagkagutom (paglilikot, pagbubunot at paglalagay ng kamay sa bunganga)- huwag maghintay hanggang sa umiyak na ang anak. Bigyan ng sapat na panahon ang iyong sanggol sa suso kapag dumedede ng maayos, tapos magpalit naman ng suso. May ilang mga sanggol na sobrang maantukin sa umpisa – gisingin ang sanggol para magpasuso kung 2 oras (tuwing araw) o 4 na oras (kung gabi) na ang lumilipas nang hindi nagpapasuso.
Pagbabago sa dibdib
Ang iyong gatas ay magsisimulang “pumasok” (dadami at magbabago mula sa colostrum papunta sa breastmilk) sa pagitan ng Day 2 hanggang 5. Para mabawasan ang masyadong pamamaga, ugaliing madalas na magpasuso, huwag mag-laktaw ng kainan (kahit sa gabi), siguraduhing nakadikit ng maayos, at hayaang matapos ng sanggol ang unang suso bago ilipat sa kabilang suso. Para mabawasan ang hindi komportableng pagtanggal sa suso, gumamit ng malamig na compress o cabbage leaf compress sa gitnang kainan. Kung ang bata ay nahihirapang makasuso dahil sa pamamaga, gumamitng reverse pressure softening o express milk hanggang sa malambot na ang suso at subukan ulit.
Tawagan ang iyong doktor, midwife, o lactation consultant kung:
Ang anak ay hindi nagkakaroon ng basa o maduming diapers
Ang sanggol ay may madilim na kulay ng ihi matapos ng ika 3 araw (dapat ay malabnaw na dilaw hanggang klaro)
Ang sanggol ay may maitim na tae matapos ang ika 4 na araw (dapat ay mustard yello at walang meconium)
Ang sanggol ay may mas kaunting basa o maduming diapers o dumedede ng mas kaunti kesa sa nailista
Ang nanay ay may sintomas ng mastitis (namamagang suso na may kasamang lagnat, pagginaw at mala-trangkasong pananakit)