Anu-ano mga Sintomas na ikaw ay buntis o nagdadalang tao? Ano ang unang nangyayari sa unang 2 linggo or first 2 weeks
Alam mo ba ang mga unang sintomas ng pagbubuntis? Mula sa pagkahilo hanggang sa pagod, alamin kung ano ang dapat mong asahan.
Buntis ka kaya? Nasa pregnancy test ang patunay. Ngunit bago ka pa man hindi datnan ng regla, maaari kang magduda – o umasa – na ikaw ay nagdadalang-tao. May mga tao na natatakot na mabuntis, lalo na mga disgrasyada o ayaw ipaalam sa magulang dahil sa masyado pa silang bata. Pero wag kalimutan na napakaraming taong gustong magkaanak, ngunit hindi magkaanak dahil sa pagkabaog o ibang dahilan. Kaya't wag magisip magpalaglag o magsisi, dahil napakaswerte mo at maraming gustong maging na sa katayuan mo.
Alamin ang mga unang palatandaan ng pagbubuntis at kung bakit sila umiiral.
Ano mga karaniwang palatandaan at sintomas ng pagbubuntis?
Maaaring kabilang ng mga pinakakaraniwang maagang palatandaan at sintomas ng pagbubuntis ang:
- Hindi pagkakaroon ng regla o buwanang dalaw. Kung ikaw ay nasa tamang gulang na upang magkaanak at lumipas ang isang linggo o higit pa nang hindi dumadating ang inaasahan mong regla o menstruation, maaaring ikaw ay nagdadalang-tao. Gayunpaman, maaaring makalito ang sintomas na ito kung hindi regular ang iyong pagkakaroon ng regla.
- Masakit at namamagang mga suso o dede. Sa maagang bahagi ng pagbubuntis, maaaring maging sensitibo at mamaga ang iyong mga suso dahil sa mga pagbabago sa hormones. Malamang na mabawasan ang pananakit habang nag-a-adjust ang iyong katawan sa mga pagbabago sa hormones makalipas ang ilang linggo.
- Pagkahilo mayroon o walang kasabay na pagsusuka o gustong dumuwal. Ang morning sickness, o minsan tinatawag na naglilihi, na maaaring mangyari anumang oras ng araw o gabi, ay madalas na nagsisimula sa loob ng isang buwan matapos kang mabuntis. Gayunman, mas maaga itong nararamdaman ng ibang babae at ang iba naman ay hindi kailanman ito nararanasan. Bagama’t hindi malinaw kung ano ang dahilan ng pagkahilo sa pagbubuntis, malamang na may kinalaman dito ang mga hormone ng pagbubuntis.
- Madalas na pag-ihi. Maaaring mas madalas mong kailangang umihi kaysa sa karaniwan. Dumadami ang dugo sa iyong katawan kapag ikaw ay buntis, na dahilan upang lumikha ng mas maraming fluid ang iyong mga bato, na siyang napupunta sa iyong pantog.
- Madalas nauuha at umiinom ng tubig (Kanunay nga giuhaw nga mainom nga tubig)
- Pagod. Napakakaraniwan din ng pagkapagod bilang isa sa mga unang sintomas ng pagbubuntis. Minsan nakakaramdam ng pangangalay sa katawan at tamad kumilos. Sa unang bahagi ng pagbubuntis, nagtataasan ang lebel ng hormone na progesterone – na nagpapaantok sa iyo.
Iba pang mga palatandaan at sintomas ng pagbubuntis
Kabilang sa iba pang hindi gaanong halatang palatandaan at sintomas ng pagbubuntis na maaari mong maranasan sa unang trimestre ay:- Pagiging bugnutin o moody o pabago-bago ng mood. Maaari kang maging emosyonal, sensitibo at iyakin o balat sibuyas dahil sa pagbaha ng hormones sa iyong katawan sa maagang bahagi ng iyong pagbubuntis. Karaniwan din ang pabago-bagong mood o maalinsangan.
- Pamamaga. Maaari mo ring maramdamang namamaga ang iyong puson sa unang bahagi ng pagbubuntis dahil sa mga pagbabago sa hormones, na kahalintulad ng iyong nararamdaman sa simula ng bawat regla.- Kaunting pagdurugo o spotting. Minsan, ang kaunting pagdurugo o spotting ang isa sa mga unang palatandaan ng pagbubuntis. Tinatawag na implantation bleeding, nangyayari ito kapag kumakapit na ang na-fertilize na itlog sa lining ng matris – humigit-kumulang 10 hanggang 14 araw matapos ang pagkakabuo ng sanggol. Nagaganap ang implantation bleeding sa panahon ng regla. Gayunpaman, hindi ito nangyayari sa lahat ng babae. Read more: Ano kinaibahan ng regla o mens sa spotting o patak patak na dugo?
- Pananakit ng puson. Nakakaranas ang ilang kababaihan ng kaunting pananakit ng puson o kumikirot sa maagang yugto ng pagbubuntis.
- Sumasakit ang tagiliran o likod. Nakakaranas din minsan ang mga buntis ng nangangalay at pananakit ng tagiliran ng katawan.
- Pagtitibi. Pinababagal ng mga pagbabago sa hormones ang iyong digestive system, na maaaring humantong sa pagtitibi o kahirapang dumumi, tulad ng hindi makatae. Read more: Bakit mga buntis hindi matunawan ng pagkain?- Pag-ayaw sa mga pagkain o paglilihi. Kapag buntis ka, maaari kang maging sensitibo sa ilang mga amoy at maaari ring magbago ang iyong panlasa. Tulad ng iba pang sintomas ng pagbubuntis, ang pagpili ng pagkain ay maaaring ibinubunga ng mga pagbabago sa hormones.
- Baradong ilong. Maaaring mamaga, matuyo, at dumugo ang mucous membranes sa iyong ilong dahil sa mas mataas na mga lebel ng hormones at produksyon ng dugo. Maaari kang magkaroon ng sipon o baradong ilong dahil dito.
Buntis ka ba talaga?
Sa kasamaang palad, marami sa mga palatandaan at sintomas na ito ay hindi natatangi sa pagbubuntis. Ang ilan ay nagsasabing may sakit ka o malapit ka nang magkaregla. Gayundin, maaari kang mabuntis nang hindi nararanasan ang marami sa mga sintomas na ito.
Ganoon pa rin, kung hindi ka dinatnan ng regla at may napansing alinman sa mga palatandaan o sintomas sa itaas, bumili at gumamit ng home pregnancy test o pumunta sa iyong doktor o OB Gyne. Kung positibo ang iyong home pregnancy test, makipag-appointment sa iyong doktor. Mas maagang makumpirma ang iyong pagbubuntis, mas maaga kang makakatanggap ng pangangalaga para sa pagbubuntis.
References:
NHS website. (2019, October 8). Signs and symptoms of pregnancy. Retrieved from https://www.nhs.uk/conditions/pregnancy-and-baby/signs-and-symptoms-pregnancy/
WebMD. (2018, October 29). Pregnancy symptoms 101. Retrieved from https://www.webmd.com/baby/guide/pregnancy-am-i-pregnant#1
Healthline. (2018 September 05). Early pregnancy symptoms. Retrieved from: https://www.healthline.com/health/pregnancy/early-symptoms-timeline
Read more: Paghinto ng regla
Kailan ako fertile?
Naiwan ang condom sa loob ng ari