Paghilik o Snoring: Ano sanhi, mabisang halamang gamot at lunas sa maingay na tulog na humihilik parang baboy?

Medical Team
is a Medical expert in United States

Ano ang gamot sa hilik? Bakit nga ba humihilik ang isang tao? Paano tigilan o gamutin ang malakas na paghihilik?
Ang paghihilik ay isang kondisyon na maaaring makaapekto sa kahit sino, ngunit mas karaniwan ito sa mga kalalakihan at mga taong overweight. Nangyayari ang paghilik kapag naglalabas o gumagawa ang isang tao ng magaspang na tunog o ingay habang natutulog (a loud, harsh breathing sound that occurs during sleep). Hindi naman ito seryoso o delikado sa kalusugan ngunit nakakaistorbo ang ingay para sa ibang kapwa tao. Kung minsan, maaari ding indikasiyon ito ng iba pang problema sa kalusugan. Nabubuo ang tunog sa paghilik kapag nababara o kaya ay nahaharangan ang paghinga habang natutulog. Dumadaan ang hangin sa mga relaxed tissues kung saan nagva-vibrate ang mga ito habang humihinga. Ang pag-vibrate na ito ang gumagawa ng tunog sa paghilik.



Sintomas at diagnosis ng Paghilik
Depende sa sanhi ng iyong paghilik, maaaring ang alin sa mga sumusunod ang sintomas:
· Ingay habang natutulog
· Sobrang pagka-antok sa umaga
· Hirap sa konsentrasyon
· Pagkakaroon ng sore throat
· Hindi mapakali sa pagtulog
· Choking o hieap makahinga sa gabi
· Mataas na presiyon ng dugo
· Pananakit ng dibdib sa gabi

Kadalasan humihilik ang isang tao pagkalipas ng 90 minutong pagkakatulog ng mahimbing. Ito ay isang kondisyon na maaaring makaapekto sa kahit na sino, ngunit mas karaniwan ito sa mga kalalakihan at mga taong matataba. Kung minsan, maaari ding indikasiyon ito ng iba pang problema sa kalusugan. Nabubuo ang tunog sa paghilik kapag nababara o kaya ay nahaharangan ang paghinga habang natutulog. Dumadaan ang hangin sa mga relaxed tissues kung saan nagva-vibrate ang mga ito habang humihinga. Ang pag-vibrate na ito ang gumagawa ng tunog sa paghilik.

Paguusapan natin sa artikulong ito ang mga Sanhi, Lunas at simpleng tips para maiwasan ang paghilik.

Ang mga sumusunod ay maaaring sanhi ng paghilik:

· Barado o nahaharangan ang daanan ng ilong - Para sa ilang mga tao, humihilik lang sila kapag may allergy o impeksiyon sa sinus. Ang mga nasal polyps at deformities ay maaari ding magdulot ng pagbabara o pagharang sa daanan ng hangin.

· Mababang muscle tone ng lalamunan at dila - Ang masyadong relax na muscles ay maaaring mag-collapse at mapunta sa likod na bahagi ng airway. Ang malalim na tulog, pag-inom ng alcohol at sleeping pills, at ang normal na aging process ay nagdudulot nito sa mga muscles.

· Malaki na throat tissue - Ang mga overweight ay maaari din magkaroon ng karagdagang tissues na magdudulot ng paninikip. Ang sobrang taba sa leeg ay nagdudulot din ng pagbara ng daluyan ng hangin habang natutulog na nagiging dahilan ng paghilik.

· Mababa at makapal na soft palate- Ito ay nagdudulot ng paninikip ng airway. Kapag nagvibrate ang mga ito at nagkabangga-bangga, binabara nito ang airway at magdudulot ng paghilik.

Iilan din sa mga sanhi ng paghilik ay ang mga sumusunod:
· Maingay na kapaligiran habang natutulog
· Pamamaga ng lalamunan
· Hindi mapakali sa pagtulog
· Hirap makahinga
· Mataas na presyon ng dugo at
· Pananakit ng dibdib


Narito ang iilang lunas at tips na maaring tuluyang mawala o mabawasan ang Paghilik
Ang pagbabago ng mga nakasanayan ang unang hakbang sa paggamot ng paghilik. Kadalasang epektibo ang mga sumusunod na tips upang maagapan ang kondisyon na ito:
· Magbawas ng timbang kung sa tingin mo ay lagpas kana sa normal na timbang.
· Matulog sa parehong oras gabi gabi at magkaroon ng sapat na tulog.
· Matulog ng patagilid at hindi nakahilata.
· Iwasang uminom ng alcohol at sedatives bago matulog.
· Iwasang manigarilyo.
· Itaas ang pang-ulo na parte ng higaan ng 4-6 inches sa pamamagitan ng paglagay ng brick o kaya ay kahoy sa baba ng kama. Hindi uubra ang pag-angat ng ulo at upper body gamit ang unan lamang.
· Gamutin ang dahilan ng pagbabara ng ilong kagaya ng sipon o allergy. Kapag barado ang ilong, maaaring uminom ng nasal decongestant.
· Maaari din gumamit ng nasal strips para lumuwag ang nostrils at mag-improve ang daluyan ng hangin sa ilong.

- Gumamit ng peppermint oil kapag namamaga ang lalamunan o ilong, dahil ito ay nakakagaan ng pakiramdam. Maglagay ng konting oil sa ibabang bahagi ng ilong.

- Ang paginum ng isang kutsarang honey o paghalo sa tubig o gatas ay nakakatulong din upang gumaan ang pakiramdam. Ang honey ay may taglay na anti inflammatory properties na nakakatulong upang matunaw ang mga nakabara sa lalamunan.

- May mga ibang paraan upang magamot ang paghilik kagaya ng surgery, paggamit ng mouthpiece o kaya ang paggamit ng pressurized na mask na tinatawag na Continuous Positive Airway Pressure (CPAP).

May iba’t ibang uri ang paghilik, mayroong mahina at pahinto hinto na dulot ng pagkapagod. May hilik naman na tatlong beses sa isang linggo at medyo hirap huminga, maaari dahilan ng mga problema at maling posisyon. At ang panghuli ay gabi gabing humihilik at sa sobrang lakas ay naririnig pati sa labas ng kwarto, maaaring ito ay dulot ng problema sa kalusugan, kaya mas mainam na magpakonsulta sa doktor.

Iilan sa mga nagiging dulot ng humihilik, ay sakit sa ulo na kadalasan nararamdaman pagkagising sa umaga, pagiging makalimutin, mainitin ang ulo, malungkutin, at kawalan ng gana sa kama.

 

Kailangang magpatingin sa doktor kapag ang paghilik ay masyadong malakas at nakakaistorbo sa partner o kaya kapag nagigising ang humihilik na nabubulunan o naghahabol ng hininga. Maaari itong maging indikasyon ng mas delikadong karamdaman kagaya ng obstructive sleep apnea.

 

About the author

Medical Team

Our medical team verify the medical accuracy of the articles you read on our site. U.S. trained General Practice Family Doctor. Has additional qualifications in ultrasound, emergency medicine, and traumatology.
Profession: Family Medicine
Private practice
United States , California , San Francisco
 

 

The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.

 

Reply as anonymous (Your real name and picture will not be seen)
anonymous
This person has chosen to hide his/her identity. Medical History
Maaari bang ang sleep apnea ay nananalatay sa magkakapamilya? Kini bang sleep apnea makuha sa mga magkaka-pamilya?
Medical Team
is a Medical expert in United States
Sa kasalukuyan ay hindi pa ito matiyak at kakailanganin pa ng maraming pagsasaliksik. Ang sleep apnea ay maaaring dulot ng maraming sanhi, at posibleng ilan sa mga ito ay nananalaytay sa magkaka-dugo. Ang pagkakaroon ng kapamilya na may sleep apnea ay nagpapataas sa iyong tsansang magkaroon nito.
Ang mga kadahilanan tulad ng laki ng tonsil, malaking “uvula”, ay maaaring mayroon sa magkakapamilya at kahit alin sa mga ito ay nagpapataas sa iyong tsansa na magkaroon ng sleep apnea.
Ang pagiging sobrang taba rin at mabigat na timbang ay nagpapataas sa tsansa ng sleep apnea. Datapuwat ang sobrang katabaan ay konektado sa iyong pagkain at kung gaano ka kadalas nag-eehersisyo, posible rin na ang ilang mga tao ay namana ang “genes” ng katabaan na nagpapataas sa tsansa nilang maging mataba. Kaya naman may ibang pamilya na mas madalas na “nagsno-snore” kaysa sa iba.
anonymous
This person has chosen to hide his/her identity.
Makakatulog po ba ako gamit ang continuous positive airway pressure (CPAP)?
Medical Team
is a Medical expert in United States
Maaaring magbilang ng ilan pang mga gabi bago maka-adjust sa pagtulog na may CPAP, subalit, kapag ikaw ay nasanay na dito, mapapansin mong mas malaki ang mabuting dulot nito sa kalidad ng iyong pamumuhay.
Ang CPAP pumps ay maliliit at tahimik, kaya naman hindi sila ganoon kadisturbo sa iyong pagtulog. Ang pagsusuot ng mask ay hindi kaaya-aya sa simula subalit masasanay ka rin ng dahan-dahan dito. Ikaw rin ay makakatulog na ng mas mabuti at hindi na mapupuyat paggising sa umaga.
Maraming mga tao ang karaniwang ginagamit ang kanilang CPAP nang pangmatagalan. Subalit, kapag napapansin mong ikaw ay nagkaka-problema, dapat mong i-kontak ang sleep clinic kung saan mo nabili ang iyong makina. Maaari kang sumubok ng ibang mga mask, ibang makina, o “humidifier equipment” kung ang iyong bunganga ay tumutuyo. Maraming mga tao ang napapansing kailangan muna nila ng “troubleshooting” sa pagsisimula sa paggamit. Ngunit maraming tao ang nasasanay rin sa paggamit ng CPAP at maganda ang dulot nito sa kanila.
anonymous
This person has chosen to hide his/her identity.
Pwede ba magmaneho pag merong sleep apnea? Nahibal-an humihilik?
Medical Team
is a Medical expert in United States
Magde-depende ito kung gaano kalala ang iyong kondisyon at kung ikaw ba ay sumasailalim sa gamutan upang mapabuti ang iyong sintomas. Bilang isang pangkabuuan na patnubay, hindi kailanman dapat magmaneho kapag ikaw ay inaantok. Ang mga taong hindi masyadong gising at inaantok habang nagmamaneho ay mas mataas ang tsansang magdulot ng trapiko at aksidente sa daan. Kaya naman, kapag madali kang inaantok sa umaga at madaling mapuyat, hindi ka na dapat magmaneho.
Lahat ng drivers ay mayroong responsibilidad na maging akma sa pagmamaneho – kasali na dito ang pagiging gising na sapat upang maging ligtas ang pagmamaneho. Kaya naman, sa pinakamadaling panahon na naturang meron kang sleep apnea, dapat mong ipag-bigyang alam sa driver and vehicle licensing agency o LTO ang iyong kondisyon. Makikipag-komunikasyon sa iyong doktor o sleep specialist at papayuhan ka sa iyong pagmamaneho. Ang iyong sintomas at progreso sa gamutan ay kanila ring susubaybayan. Kapag ang iyong mga sintomas ay hindi bumubuti, o kaya’y hindi mo ginagamit ang iyong therapy, mayroong tsansa na bawiin ang iyong lisensya, ngunit hindi naman ito madalas mangyari.
Kapag ikaw ay isang “commercial driver” (halimbawa, driver ng bus), kakailanganin mong sumailalim sa masusing pagsusuri sa iyong kondisyon at plano sa gamutan. Ito ay maaaring mangahulugang kailangan mong mag-renew ng lisensya kada taon.
anonymous
This person has chosen to hide his/her identity.
Narinig ko na ang pagpapatunog ng didgeridoo ay nakakatulong daw po sa sleep apnea, totoo ba ito? Nadunggan nako nga ang pagtukar ug didgeridoo kay makatambal sa sleep apnea, tinuod ba ni?
Medical Team
is a Medical expert in United States
May mga ebidensyang nagsasabi na ang pag-aaral matuto at tumugtog ng “didgeridoo” ay nagpapabuti sa pakiramdam mula sa sleep apnea subalit ang saliksik na ito ay limitado lamang at kaunti lamang ang naisagawa. Ang pinakamalaking pananaliksik ay naganap noong 2006, ngunit wala nang iba pang naisagawang pag-aaral upang masuportahan ang naunang pag-aaral.
May ibang tao na napapansing ang pag-aaral tumugtog ng “didgeridoo” sa loob ng ilang mga buwan ay tumutulong sa mga may sleep apnea na makatulog sa gabi at nababawasan ang pagka-antok nila sa araw. Ito marahil ay ang pagpapatunog ng “didgeridoo” ay tumutulong na lumakas ang kalamnan ng daanan ng hangin sa pamamagitan ng pamamaraang ginagamit dito at yun ay ang pag-ihip nito nang malakas. Kapag ang kalamnan ng iyong daanan ng hangin ay mas nagiging malakas, mas maliit ang tsansang sila ay bumigay habang ikaw ay natutulog.
Subalit, ang pagtugtog ng “didgeridoo” ay hindi alternatibong gamot para sa malubhang sleep apnea. Marami pang pagsasaliksik ukol sa alternatibong pamamaraan ang nangangailangan ng pag-aaral bago matanggap na lunas. Sa kabilang banda, tulungan na lamang ang iyong sarili na gumawa ng pagbabago sa uri ng pamumuhay tulad ng pagbabawas ng sobrang timbang o pagtigil sa paninigarilyo. Ang iyong doktor o sleep specialist ay maaaring mag-rekomenda na patuloy kang gumamit ng continuous positive airway pressure o “oral appliance” upang mabawasan ang iyong sintomas.
Mark  Cruz
is in the Philippines
Tanong lang po nagigising po ako ng bigla na hindi mkahinga at parang kinakabahan at masakit ang dibdib sleep apnea po ba eto? Oh GERD?
JOEL GACOTE
is a SECRETARY in the Philippines
Isa po akong DJ sa isang Radio Station (101.5 Infinite FM) dito sa Carmen, Davao del Norte at ang aking program ay Kalusugan sa Tahanan kung saan pinag-uusapan namin ang karaniwang mga suliranin sa kalusugan sa loob ng tahanan. Malaking tulong po sa akin ang mga artikulo tungkol sa kalusugan. Maraming salamat at nawa ay marami pang artikulo ang aking mababasa dito bilang gabay sa aking programa. (DJ CUCAII)