Pwede ba gumamit yoghurt o iba gamot para malunasan vaginal thrush? Remedy, treatment, cure

May mga pananaliksik na nagsasabing ang paggamit ng yoghurt, herbal na gamot (tulad ng bawang o tea tree oil) o ang “douching” (ang paghuhugas ng iyong ari ng tubig o ng espesyal na likidong panghugas) ay hindi epektibo sa paglunas ng thrush.
Ang vaginal thrush ay buhat ng pagkadisturbo ng malusog na bacteria at yeast na naninirahan sa ari ng babae. May mga kababaihang naniniwala na ang paggamit ng yoghurt na naglalaman ng bacteria (tinatawag na “live” yoghurt) ay nakakatulong upang mapanumbalik ang natural na balanse ng bacteria at yeast sa ari ng babae. Subalit may mga pananaliksik na nagsasabi na ang paggamit ng yoghurt ay hindi epektibo sa paggamot ng thrush, subalit maaari itong makatulong sa pagpapagaan ng pakiramdam at sintomas.
Ang paggamit ng yoghurt ay hindi naman nakakapinsala. Maaari mong subukang maglagay ng walang halong “live” yoghurt upang mabawasan ang sintomas, subalit upang malunasan ang vaginal thrush, kakailanganin mo ang antifungal na mga gamot. Ang mga gamot para sa thrush ay matatagpuan sa iyong parmasya kahit walang dalang reseta.
Ang gamot na herbal, tulad ng bawang at tea tree oil, at “douching” ay hindi rin epektibo sa paggamot ng thrush. Sa katunayan nga ay maaari pa silang magdala ng problema. Ang tea tree oil at bawang ay parehong nakakapagdulot ng pagka-irita ng balat at ang “douching” ay nagpapataas sa tsansang magka-impeksiyon. Para sa mga kadahilang ito, hindi mo sila dapat gamitin sa paggamot ng vaginal thrush.