Pwede diethyltoluamide (DEET) sa anak ko? Gaano kadalas ilapat-Safe for children?

Oo, maaari kang gumamit ng “mosquito repellant (DEET)” sa iyong anak kung siya ay mahigit na sa dalawang buwan. Ang mga produktong “insect repellant” na naglalaman ng DEET ay ang pinakamainam sa pag-iiwas sa kagat ng lamok. Ang DEET ay makukuha sa maraming klase tulad ng sprays, lotions, at bilang roll-on. Ligtas itong gamitin sa balat ng mga bata na higit na sa dalawang-buwang gulang.
Ang haba ng panahon na protektado ang iyong anak mula sa kagat ng lamok ay nagdedepende sa konsentrasyon ng DEET. Ang mas malakas na konsentrasyon (50 percent DEET) ay nangangahulugan na kakailanganin mong magpahid ng repellant nang mas madalang. Ang konsentrasyon na mahigit sa 50 porsyento ay hindi nagbibigay ng karadagang proteksyon.
Marapat na magpahid ng DEET matapos ang sun block dahil kung hindi ay mababawasan ang pagka-epektibo ng sun block. Siguraduhin na hindi malunok ng iyong anak ang repellant at ilayo niya ito sa kanyang mata o bibig. Mayroon pang mga ibang dapat gawin upang maiwasan ng iyong anak na kagatin ng lamok.
• Pasuotin ang iyong anak ng maluluwag at mahahabang damit lalo na kapag gabi.
• Mag-spray ng insecticide sa kwarto ng iyong anak bago matulog upang mapatay ang mga lamok na maaaring nakapasok sa araw.
• Gumamit ng kulambo na ini-sprayhan ng insecticide.
• Gumamit ng air conditioning sa kwarto ng iyong anak upang bumaba ang temperatura.