Talaga bang magkakasakit ka kapag naglakad ka ng umuulan?
Sa loob ng maraming taon, ang paniniwalang yan ang sobrang nakaapekto sa mga matatanda at magulang kaya naman sobrang higpit nila kapag naglalaro ang mga bata sa labas. May iba pa nga na di man lang naranasang maligo at mag-enjoy sa ilalim ng ulan dahil sa paniniwalang magkakasipon o trangkaso ka. Pwedeng naiisip lang din yan ng mga tao, kasi kadalasan ng tuwing tag-ulan sila nagkakasakit.
Pero ang totoo, hindi ang ulan ang dahilan ng pagkakasakit mo. Nagkakasakit tayo dahil sa virus na nasasagap natin at nakakadagdag lang ang lamig ng panahon sa masamang pakiramdam. Isa ding dahilan, kapag naulanan ka at malamig ang panahon, bababa an temperatura ng katawan mo at hihina ang immune system o yung pandepensa ng katawan natin sa sakit. Mikrobyo ang talagang dahilan ng saki at hindi ang ulan. Kapag tag-ulan, mas aktibo ang mga rhinoviruses o yung mikrobyo na nagpapasipon o trangkaso sa isang tao. Pero kapag tagulan, may mga panganib pa din kung maliligo ka sa ulan. Gaya ng nabanggit, bababa ang temperatura mo at magiging mas lapitin ang katawan mo ng mikrobyo kung mahahantad ka sa mga bagay na may virus, maisusubo mo ito, maipapahid sa mukha, mata o ilong o makikipagusap ka sa may sipon o trangkaso. Dyan naman talaga nakukuha ang sakit. Hindi ang pagkabasa mo sa ulan kundi ang malamig na panahon ang magdudulot sayo ng sakit. Sa ibang mga lugar, umuulan ng malalakas dahil sa sobra sobrang polusyon sa kalangitan na nagpapabigat sa mga ulap. Kapag naligo ka sa ganitong sitwasyon, pwedeng pwede kang atakihin ng hika o iba pang problema sa paghinga. May epekto din ang ang tagal ng pagkababad mo sa ulan hindi dahil sa mismong ulan kundi dahil sa posibilidad na bumaba ang temperatura mo. Kung minsan, dahil sa di pag iingat, baka madulas ka o madapa na pwedeng magdulot ng sugat sa katawan mo. Kapag umuulan, mas madaling maiimpeksyon ang sugat mo dahil hantad ito sa mga virus sa paligid. Kaya ano yung ga pwede mong gawin para makaiwas sa sakit kapag tag-ulan?
-Walang masamang maligo o mabasa ng ulan pero tiyaking malakas ang resistensya mo at wala kang sipon o lagnat. Kapag nabasa ka, bababa ang temperatura mo at mas magpapalala yan sa nararamdaman mo. Kung ang trabaho mo naman o kahit ano pang pinagkaka abalahan eh lagi kang nasa labas, baka hindi mo nga maiwasan ang ulan. Magdala ng payong o kahit anong damit na magpapainit sa katawan mo. Syempre , hindi ligtas kung lalabas ka o maliligo sa ulan kapag may bagyo. Mas aktibo ang mga virus sa panahon na yan. Kung hindi talaga maiwasan, uminom agad ng mainit na tubig pagka-uwi mo at maghugas ng kamay. Sa totoo lang, kapag ang lahat ng tao ay nasa loob ng bahay at may mainit na temperatura, mas malamang na kumalat ang mikrobyo. Mas malapit kasi kayo sa isat-isa at walang hangin na pumapasok sa loob.
Maiiwasan mo ang sakit kung mag-iingat ka at papalakasin mo ang resistensya mo. Wag isisi ang masamang pakiramdam sa ulan. Nakatulong sana sayo ang mga impormasyon na yan.
