Ang acute sinusitis ay nagsasanhi sa daanan ng hangin sa loob ng ilong at ulo o “sinuses” na mamaga at sumakit. At ito ay nagdudulot ng hindi magandang labasan ng sipon at pagka-imbak nito sa loob ng ilong. Sa acute sinusitis, ang paghinga sa ilong ay nagiging pahirapan. Ang lugar na nakapalibot sa mata at ang mukha ay nagiging masakit hawakan at nagdadala rin ng sakit ng ulo. Ang sinusitis ay maaaring dala ng infection, allergy at iritasyon ng mga sinus. Ang sinusitis ay isa sa pinakakaraniwang karamdaman na nararanasan ng tao sa kanyang buong buhay.
Ano ba ang sinuses?
Ang sinuses ay isang lugar sa loob ng ulo at mukha na napupuno ng hangin. Sila ay konektado sa paghinga at nagsisilbing mga daluyan ng hangin. Ang tao ay may apat na klase ng daluyan ng hangin at sila ay ang “frontal sinus” na matatagpuan sa loob ng nuo, ang “maxillary sinus” na matatagpuan sa likod ng pisngi, ang “ethmoid sinus” na nasa gitna ng mga mata, at ang “spenoid sinus” na nasa likod ng “ethmoid sinus”. Sa kabuuan, ang apat na ito ay tinatawag na “paranasal sinuses”. Ang mga trabaho ng sinuses ay ang pagpapainit sa hangin na pumapasok sa mga ilong, nagpapanatili rin itong maganda ang temperature sa loob ng mata, nagpapaklaro at nagpapalakas ng boses, at nagpoprotekta sa mukha laban sa “facial trauma” at nagpapagaan sa ating mga bungo upang hindi masyadong mabigat ang ating ulo.
Sanhi , Causes
Ang infection sa sinuses ay nangyayari kapag mayroong masamang organismo ang nakapasok sa sinus tulad ng virus, bacteria, at fungi – at namamalagi dito. Dahil sa pamamahay nila sa sinuses ay nagbabara ang dapat sanay labasan ng hangin sa ulo. Ang iba pang sanhi ng sinusitis ay ang simpleng sipon, allergies, at irritants tulad ng nasal sprays, bawal na gamot tulad ng cocaine, at paninigarilyo. Kapag rin maraming naiimbak na sipon sa sinuses ay mas nabubuhay ang mga bacteria dito. Mayroon ring mga karamdaman na nagtataas ng iyong tsansang magkasinusitis tulad ng nasal polyps at tumors, mga problema sa hugis ng ilong, infection sa ngipin, at iba pang mga sakit.
Sintomas, Symptoms, Signs
Ang sintomas ng acute sinusitis ay ang paglabas ng malagkit at kulay dilaw na discharge mula sa ilong at sa likod ng lalamunan, pagbabara ng ilong na nagdudulot ng hirap sa paghinga, sakit, pamamaga at pressure sa palibot ng mga mata, pisngi, at nuo, kabawasan sa panlasa at pang-amoy, ubo na mas gumagrabe sa gabi. Ang iba pang mga sintomas ay masakit na tenga, ulo, ngipin, mabahong hininga, madaling pagkapagod, at lagnat.
Lunas, Cure, Treatment
Karamihan sa mga sinusitis ay hindi nangangailanga ng gamot dahil dala lamang sila ng simpleng sipon. Mas maigi pa rin na alagaan parati ang pangangatawan upang hindi magka-sinusitis. Subalit, upang maagapan ang mga sintomas, narito ang mga binibigay ng mga doktor. Nariyan ang “saline nasal spray” na ini-ispray sa loob ng ilong ng ilang beses sa isang araw upang ma-“rinse” ang loob ng ilong. Ang isa pang gamot ay ang “nasal corticosteroids”. Ito ay mga nasal sprays rin na nagbabawas sa pamamaga ng mga sinuses. Ang mga halimbawa nito ay ang fluticasone, Nasonex, beclomethasone, etc. Mayroon ring mga “decongestants” na nagpapabawas sa bara sa ilong. Para naman mawala ang sakit na dala ng sinusits ay maaaring uminom ng mga pain relievers tulad ng aspirin, paracetamol, at ibuprofen. Ang antibiotics ay ginagamit lamang sa mga sinusitis na ang sanhi ay bacteria.
Home Remedies at Prevention
Ang mga tulong sa sarili na nakakabawas sa sintomas ng sinusitis ay ang pagkakaroon ng sapat na pahinga, pag-inom ng maraming tubig at juice na nakakalabnaw sa sipon at madali itong nalalabas sa mga sinus. Ngunit iwasan ang mga inumin na may caffeine at alcohol dahil nakaka-dehydrate sila. Maaari ring gawing moist ang loob ng sinuses sa pamamagitan ng paglalagay ng towel sa ulo habang lumalanghap ng water vapor mula sa bowl ng mainit na tubig. Ito ay nakakabawas rin sa sakit ng pamamaga. Maaari ring maglagay ng “warm compress” sa mukha at kung matutulog ay itaas ang parte ng ulo upang madrain ang mga sipon at mabawasan ang nararamdamang bara sa sinuses.
