Oo, may mga ebidensya na ang “passive smoking” kung tawagin ay nakakasanhi ng asthma at iba pang problema sa baga ng mga bata.
Ang “passive smoking” ay nagaganap kapag nalanghap mo ang usok ng sinisigarilyo ng ibang tao. Ang passive smoking ay masama para sa lahat at lalo na sa mga bata. Habang lumalaki ang mga bata, ang kanilang baga ay nagde-develop pa at napaka-sensitibo sa air pollution. Ang mga sanggol ay apektado rin ng paninigarilyo kahit nasa sinapupunan pa sila.
May pagsasaliksik nagsasabi na ang exposure sa tobacco smoke ay nagpapataas sa tsansa na magka-asthma ang iyong anak at magdala ng asthma attacks. Sa mga batang hindi pa ina-asthma, mas pinapagrabe ng sigarilyo ang kanilang mga sintomas.
Ang pinaka-maiging gawin – mayroon mang asthma o wala ang bata – ay dapat ilayo ang bata sa mauuusok na lugar. Kung mayroon kang mga anak o nagbubuntis, pag-isipang tumigil na dito. Ang iyong doktor ay mayroong maipapayo sa iyo tungkol sa pagtigil sa bisyo.
Kung hindi ka pa handang tumigil sa paninigarilyo, lumayo na lang muna sa kanila habang naninigarilyo. Manigarilyo sa labas imbes na sa loob ng bahay. Ang usok ng sigarilyo ay matagal na nawawala sa kwarto kahit pa matagal ka nang natapos manigarilyo kaya siguradong malalanghap ito ng iyong mga anak. Kapag naman mahabang oras na kapiling mo ang iyong pamilya tulad ng holiday, subukang gumamit ng nicotine gum o nicotine patches, o ibang mga nicotine replacement products (para mabawasan ang pananabik sa sigarilyo).
Kung meron kang mga tanong ukol sa passive smoking at asthma, makipag-usap sa iyong doctor.