Ang itsura sang timostimos magamay kag masakit nga bukol nga makit-an sa sulod ukon gwa sang kilid sang mata, dampi sa amimilok.
Ang timostimos daw punggod ukon, yapos ang itsura tungod sa sulod sini may nana. Ang baktirya nga Staphylococcus ang pirmi ginahalinan sang timostimos tungod sa impiksyon sa mata. Bisan pabay-an lang ang timostimos buot silingon bisan indi pagbunglon madula lang ini. Ang timostimos wala pili pagabot sa edad, bata ka man ukon mal-am nagatubo ini siya, kag nagapabalik-balik. Ang timostimos indi man dilikado sa mata kag indi ka man sini mabulag.
Tanda kag ginabatyag sa oras nga may timostimos
- Mapula kag magamay nga bukul sa kilid sang amimilok nga may gamay nga bukol ukon punggod
- Nakabatyag sang sakit sa amimilok
- Nagabanog ang amimilok
- Nagaluha nga mata
- Paglitik-litik sang kilid sang amimilok
Duha ka klasi sang timos-timos
Sa Gwa sang Kalimutaw- Nagaumpisa ini sa daw pintok kadako nga nagatubo sa kilid sa amimilok. Magabanog, magparamula kag pwirti kasakit ang mabatyagan. Magdugay ini sang pila ka adlaw bag-o maglupok kag mag-ayo.
Sa Sulod sang Kalimutaw- Sobra ka pula kag nagabanog ang sulod sang mata. Pwidi nga madula lang ini gulpi kung madula na ang impiksiyon ukon kis-a may mabilin pa nga susyo kag kinahanglan mo ini pisgaon para makagwa.
Rason kung ngaa may Timostimos
Isa sa pinakauna gid nga rason kung ngaa ginatubuan sang timostimos,tungod sa pagkataramhak. Isa ka example ang pagkapot kag sagad ka kusut sang mata nga mahigko ang kamot, sa sini nga pamaagi naga saylo ang higko sa sulod sang mata.
Kung nagabanog ang kilid sang mata isa man ini ka sinyalis sang timostimos. Ang isa ka mga rasun kung ngaa nagabanog ang kilid sang mata tungod sa pagtabon sang balhas sa kilid sang mata. Ang make-up, higko ukon scar tissue ang rasun kung ngaa nagasupun.Pwidi man maimpeksyon ang pasgupon sang balhas sa mata.
Bulong sa Timostimos
Ang timos-timos indi na kinahanglan bulngon tungod madula lang ini. Pero kung ang timostimos madugay nga madula, makabatyag ka sang sakit sa mata kag nagabalik balik lang ang timostimos. Kis-a may ipekto man ini sa panan-awan, kung makabatyag sini mas mayo nga magkadto na sa doktur para magpalantaw.
Antibiotik ang bulong nga ihatag ka doctor sa timostimos. Ang klas nga irisita sang duktur sa imo nga antibiotic ang eyedrops, cream ukon ointment nga ginapahid lang sa kilid sang mata. Nagahatag man sang antibiotic ang doktur sang oral ukon ginainum kung madugay na gid ang timostimos kag nagalapta na sa sulod sang kalimutaw. Posible man nga opirahan para pugaon ang nabilin nga nana sa sulod sang kilid nga mata.
Kis-a ang nagabalikbalik nga timostimos rasun sang iban pa nga sakit, maayo nga ipabulong anay ang sakit para indi na magbalikbalik ang timostimos.
Bulong sa Panimalay lang Makita
- Indi sagad tandog ang timostimos kag indi pagpugaun ang nana sa sulod para malikawan ang impiksyon.
- Butangan sang mainit-init nga sibin ng mata nga naga nagapiyong, mga 10-15 minutu ang kadugayun. Makabulig ini para mahaganhagan ang sakit kag madasig ang pag-ayo.
- Magbutang sa mainit nga tubig sa gamay nga botelya kag pagkatapos itum-ok sa may nagabukul nga timostimos para magdasig ang pagbuswang sa nana.
- Dapat malimpyo ang mata, indi maggamit sa mak-up kag kontak lens samtang mat timostimos pa.
