Arthritis o sakit sa buto at kasukasuan, Rayuma: Ano Sanhi, Lunas, pinaka mabisang Gamot? Paano maiwasan

Dr. Ed Santos
is a Medical expert in Saudi Arabia

Ano ang Arthritis?



Ang arthritis ay ang pamamaga ng kasukasuan. Ang pananakit at paninigas ng mga kasukasuhan o buto ang pangunahing sintomas ng karamdamang ito, kung saan lumalala itong pananakit habang tumatanda ang isang tao. May dalawang klase ng arthritis na karaniwang nararanasan ng mga tao: ang osteoarthritis at rheumatoid arthritis. Ang “wear and tear” ng mga kasukasuhan ang nagdudulot sa osteoarthritis at ang rheumatoid arthritis naman ay dulot ng autoimmune disorder. Ang iba pang klase ng arthritis ay maaaring dulot ng uric crystals, impeksiyon, at iba pang mga karamdaman kagaya ng lupus at psoriasis.


Ang pangunahing layunin ng gamot sa arthritis ay para mabawasan ang sintomas, sakit at mapabuti ang pamumuhay ng taong apektado nito. Read more: Pananakit ng kasukasuan


Mga Sintomas ng Arthritis at Rayuma: Senyales, Symptoms


Ang nararanasan sa mga kasukasuhan ang mga karaniwang sinyales at sintomas ng arthritis. Maaaring maranasan ang mga sumusunod na sintomas depende sa klase ng arthritis:


· Pananakit sa kasukasuan

· Paninigas

· Pamamaga

· Pamumula

· Pagbaba sa abilidad ng paggalaw


Ang sintomas ng osteoarthritis ay ang pananakit ng mga kasukasuhan at ang unti-unting paninigas ng mga ito. Ang sintomas naman ng rheumatoid arthritis ay ang masakit na pamamaga, implamasyon at paninigas ng mga daliri, braso, binti at wrist. Kadalasang nararanasan ito sa mga kasukasuhan sa magkabilang bahagi ng katawan, pag-gising sa umaga.


Ano Sanhi ng Arthritis? Causes


Magkaiba ang paraan ng osteoarthritis at rheumatoid arthritis sa pagsira ng mga kasukasuan. Pinakakaraniwan sa klase ng arthritis ang osteoarthritis. Sanhi nito ang “wear and tear” o ang normal na pagkasira sa cartilage ng kasukasuhan na nagsisilbing coating sa dulo ng mga buto. Kapag nasira ang cartilage na ito, kumikiskis ang buto sa buto kung saan magdudulot ito ng pananakit at napipigilang paggalaw. Maaaring mangyari ang “wear and tear” pagkalipas ng maraming taon o kaya mapabilis ito dulot ng impeksiyon o pinsala sa kasukasuhan.


Ang nangyayari naman sa rheumatoid arthritis ay inaatake ng immune system ng katawan ang lining ng joint capsule. Kapag nangyari ito, magkakaroon ng implamasyon o pamamaga sa lining na ito. Sa paglala nito masisira ang cartilage at buto sa kasukasusan. Read more: Pananakit ng leeg o back pain


Ano mga pinakamabisang Lunas at Gamot?


· Analgesics. Tumutulong ang mga analgesic na bawasan ang pananakit na nararamdaman mula sa arthritis. Kabilang dito ang paracetamol, tramadol, hydrocodone at iba pa.

· Non-steroidal Anti-inflammatory drugs (NSAIDs). Binabawasan ng NSAIDs kagaya ng ibuprofen at naproxen ang pananakit at implamasyon mula sa arthritis. Ngunit ang mga iniinom na NSAIDs ay maaaring magdulot ng iritasyon sa tiyan at may panganib o risks sa atake sa puso o kaya stroke. Kaya may mga cream at gel na NSAIDs na maaaring ipahid sa mga kasukasuaan.

· Counterirritants. May mga cream at ointment na may sangkap na menthol o capsaicin. Ang pagpahid nito sa mga sumasakit na kasukasuan ay maaaring makapigil ng pain signals mula dito.

· Disease-modifying antirheumatic drugs (DMARDs). Ito ang kadalasang gamot sa rheumatoid arthritis kung saan pinapabagal o pinipigilan nito ang pag-atake ng immune system sa mga kasukasuan. Halimbawa nito ang methotrexate at hydroxychloroquine.

· Biologics. Kadalasang ginagamit ito kasama ng mga DMARDs. Ito ay mga genetically engineered drugs na tumatarget sa protein molecules na kasali sa immune response ng katawan. Halimbawa nito ang etanercept at infliximab.

· Corticosteroids. Ang mga gamot na kabilang dito kagaya ng prednisone at cortisone ay nakapagpapababa ng implamasyon at immune system. Maaari itong inumin o i-inject direkta sa mga kasukasuhan.

Therapy


Pinapabuti ng pag-eehersisyo ang paggalaw ng kasukasuhan at pinapalakas nito ang mga kalamnan na nakapaligid dito. Kung minsan, kakailanganin ang paggamit ng brace at splint.

Surgery


Kapag hindi umubra ang ibang paraan ng lunas sa arthritis, maaaring irekomenda ng doktor ang mga operasyong joint replacement o kaya joint fusion.


Home Remedies at natural cures

· Ang pagbawas ng timbang ng katawan ay makatutulong sa pagbaba ng stress sa mga weight-bearing joints.


· Ang regular na pag-eehersisyo ay tumutulong panatilihing flexible ang mga kasukasuaan.


· Ang paggamit ng heating pad o ice pack ay tumutulong mabawasan ang pananakit mula sa arthritis.


· Ang paggamit ng assistive devices kagaya ng tungkod, walker at iba pa, ay makatutulong protektahan ang kasukasuan at mapabuti ang pagganap sa mga pangaraw-araw na gawain.

Read more: Mabisang Halamang gamot laban sa Arthritis o Gout


About the author

Dr. Ed Santos

My uncles and aunts were pediatricians and family physicians, so I had an inkling that I would do primary care. So at a young age, I dreamt of becoming a physician.
Profession: Family Medicine
Saudi Arabia , Jeddah

 

Reply as anonymous (Your real name and picture will not be seen)
anonymous
This person has chosen to hide his/her identity. Medical History
Pwede po bang lumala ang rheumatoid arthritis dahil sa ehersisyo?
Dr. Ed Santos
is a Medical expert in Saudi Arabia
Hindi ito lalala kung magiingat sa pagehersisyo. Makakatulong ang ehersisyo sa sakit na nararamdaman at sa pagbawas ng stress sa iyong mga joints at sa pananatili ng mga galaw na kayang gawin ng iyong katawan. Ang importante ay ang balanse sa pahinga sa gitna ng mga ehersisyo.
Ang mga namamagang joints ay nangangailangan ng pahinga, pero kung hindi mo gagalawin ang mga ito, maaaring maging stiff at manghihina ang mga muscles. Ang pagkakaroon ng active lifestyle tulad ng pagkakaroon ng regular exercise ay makakatulong sa pagkakaroon ng malusog na pangangatawan sa pamamagitan ng pagbawas ng iyong timbang nacmakakatulong din sa pagbawas ng stress sa iyong joints. Ang exercise ay hindi magiging dahilan sa paglala ng iyong arthritis kung ang iyong ehersisyo ay mga tamang uri ng ehersisyo para sa iyong condition.
Ang iyong physiotherapist ay makakatulong sa paggawa ng isang programa para sa iyong ehersisyo. Ang magandang physical activity program ay may tatlong uri ng ehersisyo.
• Strengthening exercise para sa mga muscles na nakapalibot sa iyong mga joints na makakatulong sa pagsuporta ng mga ito.
• Range of movement exercise para mapanatili ang iyong flexibility at ang iyong galaw. Ang uri ng ehersisyo na ito ay nag i-stretch at bend ng mga joints at nakakatulong sa pagbawas ng sakit. Ang paggawa ng ganitong ehersisyo sa tuwing umaga at bago matulog ay makakatulong maipsan ang pangangalay.
• Aerobic exercise na nagpapabilis ng tibok ng puso at nakakapagpahingal. Ang ganitong ehersisyo ay nagpapalakas ng iyong mga muscles, nakakatulong sa pananatili ng malusog na timbang at sa pagpapalakas ng iyong katawan. Ang paglalakad, swimming, biking or pagsayaw ay mga halimbawa ng aerobic exercise.
Narito ang ilang mga tips sa iyong pagehersisyo.
• Gawing gradual ang pagehersisyo. Gumawa ng magagaang exercise ng mas madalas kaysa sa mabibigat na mga ehersisyo.
• Magehersisyo kapag may konting sakit lamang at kung may pananakit, itigil muna ang ehersisyo at magpahinga.
• Huwag maglaro ng mga contact sports gaya ng basketball, maaaring masira ang iyong joints.
• Kapag nakasumpong ang sakit, gumawa lamang ng range of movement at strenghtening exercises.
• Humanap g mga ehersisyo na iyong maeenjoy. Ang swimming at ibang ehersisyo sa tubig ay maganda para sa iyo kung mayroon kang arthritis dahil sa suporta ng tubig sa iyong joints.
anonymous
This person has chosen to hide his/her identity. Medical History
Ano pong uri ng ehersisyo ang para sa osteoarthritis?
Dr. Ed Santos
is a Medical expert in Saudi Arabia
Mahalagang may regular exercise kung mayroon kang osteoarthritis. Ang ehersisyo ay makakatulong sa pananakit at pangangalay at sa pananatli ng matibay at flexible na muscles. Sundan ang isang exercise program na makakapagpatibay pa ng iyong mga muscles at range of movement, at aerobice exercise para sa iyong kalusugan.
Hindi masisira ng regular exercise ang iyong joints. Kung hindi ka mageehersisyo, ang iyong muscles ay manghihina at ang iyong joints ay mawawalan ng flexibility at makakaramdam ka ng sakit.
Maaaring magehersisyo sa iba't ibang intensities. Ang moderate intensity ay makakapagpabilis ng iyong paghinga at tibok ng puso at iinit ag iyong pakiramdam. Sa ganitong pagkakataon, nasusubok ang iyong puso at baga upang mas maging malusog. Ang mga vigorous activities naman ay lalong makapagpapabilis ng iyong hininga at bibilis lalo ang tibok ng iyong puso. Mahihirapan kang magsalita sa ganitong klase ng ehersisyo.
Subukan gumawa ng mga physical na activities araw-araw. Ang nirerecommend ng mga health practitioners ay 150 minutes o dalawa at kalahating oras ng moderate exercise sa loob ng isang linggo. Magagawa mo ito ng sa pagkakaroon ng 30 minutes ng exercise araw-araw sa loob ng limang araw. Maaari din namang magkaroon ng 75 minutes ng mabibigat o extensive na exercise isang beses sa isang linggo.
Mahalagang gumawa ng mga gawain na magpapalakas ng iyong mga muscles. Subukan magkaroon ng kaunting panahon lamang na wala kang ginagawa. Ang pagswimming ay maganda para sa mga may osteoarthritis. Maaari nitong maipsan ang pananakit ng iyong mga joints at matanggal ang paninigas ng mga ito. Ang tubig ay suporta sa iyong joints at muscles habang ngeehersisyo. Makipagugnayan sa iyong physiotherapist para sa mga karagdagan na impormasyon tungkol sa ehersisyo. Maaari ka niyang matulungan sa paggawa ng exercise program na angkop sa iyo.
anonymous
This person has chosen to hide his/her identity.
May osteoarthritis po kamay ko. Makakatulong ba ang pagsuot ng splints?
Dr. Ed Santos
is a Medical expert in Saudi Arabia
Ang pagsuot ng splints sa iyong kamay, hinlalaki o wrist ay makakatulong sa pagkakaroon ng ginhawa sa sakit, pagiwas sa paninigas at pagbibigay ng suporta sa iyong mga joints. Ang mga resting splints ay maaaring gamitin sa gabi at ang mga working splints ay dapat na gamitin kapag ikaw ay may ginagawa.
Kung gumagamit ka ng hand or wrist splint, makakatulong ito sa pagbawas ng pananakit at ng pangangalay sa iyong joints. Mayroon 2 uri ng splints.
Mararamdaman mong nakakatulong ang resting splints sa pagsuot nito sa gabi hanggang kinabukasan. Sinusuportahan nito ang iyong mga kamay, wrists at forearms. Ang mga resting splints ay madalas na customize upang maging angkop ito sa iyo. Ang iyong physiotherapist o occupational therapist ay maaaring magbigay ng impormasyon kung paaano makakakuha nito. Ang mga working splints naman ay makakatulong sa kapag ginagamit mo ang iyong mga kamay, tulad ng pagmamaneho at pagtratrabaho sa garden. Gawa ang mga ito sa elastik na materyal na nagbibigay ng flexible support. May mga iba't ibang uri ng working splints gaya ng mga splints para sa pagsuporta ng iyong thumb o wrist. Ang mga compression gloves na tinatawag din minsan na isotoner gloves ay maaaring makatulong sa pagtanggal ng pamamaga at pananakit. Mas madali itong isuot kung ikukumpara sa mga splints. Huwag magsuot ng splints sa buong araw. Huwag isuot ito ng overnight kung hindi ito payo ng iyong physiotherapist.
anonymous
This person has chosen to hide his/her identity.
May epekto po ba ang diet o mga kinakain sa osteoarthritis?
Dr. Ed Santos
is a Medical expert in Saudi Arabia
Mahalagang kumain ng masusustansyang pagkain at magbawas ng timbang kung ikaw ay overweight kapag ikaw ay may osteoarthritis. Kahit na may mga nagsasabing may mga pagkain na nakakaapekto sa osteoarthritis, may konting ebidensiya lamang ang agham tungkol dito.
May mga pagkain (tulad ng cider vinegar at honey) na nagbibigay ng supplements (tulad ng glucosamine at chondroitin) ang sinasabi na nakakatulong sa paglunas ng osteoarthritis. Ngunit, may konting ebidensiya lamang upang suportahan ito. May mga nagsasabi din na may mga vitamins at minerals na nakakaapekto sa osteoarthritis. Halimbawa, kung kulang ang iyong vitamin D, mas mabilis ang paglala ng iyong osteoarthritis pero salungat ang resulta sa mga pag-aaral.
Ang mahalaga rito ay ang pagkakaroon ng tamang timbang para sa iyong katawan o sa iyong height. Kung ikaw ay overwieight, mahihirapan ang iyong joints tulad ng iyong tuhod, bewang at ibabang bahagi ng iyong likod. Maaapektuhan nito ang iyong kakayahang gumalaw. Kung mababawasan ang iyong timbang at ikaw ay nageehersisyo, may mga scientific evidence na nagsasabing mababawasan don ang pananakit at paninigas ng iyong joints.
May mga iyong treatment sa osteoarthritis na makakaapekto sa kinakailangan na vitamins at minerals ng iyong katawan. Halimbawa, kung nagkakaroon ka ng steroid injections, kinakailangang sapat ang iyong calcium sa iyong diet. Dahil ito sa pagtaas ng tyansa ng pagkakaroon ng osteoporosis kapag ikaw ay gumagamit ng steroids. Ang pagkakaroon ng sapat na calcium sa iyong diet ay makakatulong sa pagkakaroon ng malusog na buto at maiiwasan ang pagkakaroon ng osteoporosis. Mahalagang kumain ng masusustansyang pagkain at magkaroon ng balanced diet dahil mabibigay nito ang kinakailangan na vitamins ng iyong katawan. Uminom ng mga supplements kung ito ang payo ng iyong doktor.
anonymous
This person has chosen to hide his/her identity.
Meron po akong rheumatoid arthritis. Anong pwede kong gawin para mas maging madali ang buhay sa bahay?
Dr. Ed Santos
is a Medical expert in Saudi Arabia
Kung kakayanin mo magkaroon ng pagbabago sa iyong bahay at kotse, makakatulong ito sa pagbibigay ng protreksyon sa iyong joints at sa pagbawas ng sakit at paninigas. Ang pagtuklas ng bagong paraan para magalaw o mabuhat ang mga bagay na may kasamang pahinga, makakatulong ito upang mabawasan ang stress sa iyong kasu-kasuhan o joints.

Maraming paraan ang maaaring gawin sa bahay upang mapadali ang mga gawain sa bahay araw-araw at mabawasan ang stress sa iyong joints. Kung magkakaroon ng kaunting pagbabago, makakatulong ito upang maprotektahan ang iyong joints at maiwasan ang mga problema na lumala sa paglipas ng panahon. Nakasaad sa ibaba ang ilang sa mga tips na makakatulong:

• Gumamit ng mga gadgets na limitado lamang ang galaw na kinakailangan mula sa iyo. Ang mga halibawa nito ay ang automatic can opener at mga kagamitan sa kusina na padded ang hawakan.
• Ayusin ang mga gamit sa kusina at kwarto sa paraan na mas malapit at madaling makukuha ang mga kagamitan na mas kailangan.
• Kapag nagbubuhat ng mga bagay, subukan bawasan ang timbang at siguraduhing balanse ang load sa mga joints. Halimbawa, magbuhat gamit ang dalawang kamay kaysa sa isang kamay lamang. Kung hindi mababawasan ang timbang, maaaring i-slide nalang ito.
• Gumawa ng plano para sa iyong mga gawain sa isang araw. Huwag gumawa ng malalaking gawain ng sabay-sabay. Maaring hatiin ang mga ito sa para magkaroon ng maliliit na gawain. Mararamdaman mo na mas madaling gawin ang mga malalaking gawain sa hapon kapag ikaw ay hindi na masyadong pagod.
• Magkaroon ng adjustments sa iyong sasakyan. Makakatulong ang padded na steering wheel, extra side mirrors o ang steering wheel knob. Kung malala ang iyong rheumatoid arthritis, mas makabubuting piliin ang automatic na sasakyan kaysa sa manual.

Kung nagkakaroon ng mga financial concerns, maaaring kumonsulta sa inyong barangay o health center para sa mga tulong financial ng ating gobreyno ukol sa mga medical na pangangailangan ng mga tao.
anonymous
This person has chosen to hide his/her identity.
Paano po ako maaapektuhan ng rheumatoid arthritis?
Dr. Ed Santos
is a Medical expert in Saudi Arabia
Mahirap malaman at masabi dahil iba-iba ang epekto ng rheumatoid arthritis sa bawat tao. Maaaring makaramdam ng kaunting sakit lamang at magkaroon pa rin ng normal na buhay. Maaari ding maapektuhan ng sobra at magkaroon ng disability. Ang pagkakaroon ng lunas ng mas maaga ay maaaring makabawas sa damage sa iyong joints.

May mga taong kaunti lamang ang pamamaga at kaya pang gampanan ang mga gawain sa normal na buhay. May mga iba naman na nakakaranas ng matinding pananakit at sa paglipas ng panahon, lalong nasisira ang kanilang mga joints at nagiging unstable ang mga ito sa kanilang condition na nagdudulot ng long-term pain at disability. Sa pamamagitan ng pagkakaroon ng maagang treatment, maaaring mabawasan ang pakasira ng mga joints.
Sa hindi kadalasang pagkakataon, naaapektuhan ng rheumatoid arthritis ang ibang bahagi ng iyong katawan pati ang iyong joints. Maaaring maapektuhan ang iyong mga mata. Magiging dry ang mga ito at may mainit na pakiramdam. Maaari ding maapektuhan ang iyong balat o skin, mga daluyan ng dugo, ang iyong puso at ang iyong lungs.
Mahalaga na sundin ang iyong treatment plan, kumain ng masusustansyang pagkain, magkaroon ng sapat na pahinga at tulog at uminom ng sapat na tubig para sa iyong katawan. Maaari ding magbawas ng timbang sa pamamagitan ng ehersisyo at pagiwas sa matatabang pagkain at iwasan ang paninigarilyo. Ang iyong doktor ay makapagbibigay pa ng ibang medical advice.
Germie Co
is in the Philippines
Ano bang condition kapag nmamaga po ang kanang binti at hirap makalakad kc masakit prang may naipit po na ugat? Una po kc ay nkagat lng ng ipis sa may binti at namaga hanggang hita then nilgyn ng bactroban cream at nlinisan na dn ng agua. After ilan days nwala na pmmaga ng hita kc nilgnat pa nga po ako. Then lumabas ako kc wla na pain ok na nkklakad na then nung gbi naligo ng malamig na water then knabukasan sumakit na nga po right leg at ngumpisa mamaga. Ano po sanhi? Na infect ba dhl sa insect bite or dhil napasma ang leg ko sa lamig? Hinahot compress lng po ngyn pra ma ease pain. 3 days na po gnito. Hope to hear answers po. Thank u very much po.


Germie
Lea Diaz
is in the Philippines
Ano po ba ang sintomas sa madalas na pananakit ng mga dulo sa daliri sa kamay..
Jhoanne Suarez
is in the Philippines
Ano po ung mga pagkaen na pwede at nde pwedeng kainin ng may rayuma?
anonymous
This person has chosen to hide his/her identity.
Ano po bang mabisang paraan malunasan ang osteoarthritis?gaya po ng pamamaga po ng hinlalaki ng aking paa at pananakit po ng aking tuhod.

god bless and hoping matulungan ninyo po ako.
Melanie Candava
is in the Philippines
hello po, ako po ay may tatay na may rayuma. Tanong ko lang po kung advisable po ba ang pag inom ng decilone forte kapag may rayuma? ano po ba ang maaaring maging side effects pag uminom ng gamot na ito? kasi po tanging decilone lang po ang nakakapag ease ng sakit niya tuwing umiinom sya nito. nakakatakot lang po kasi po kasi tumataba po siya at sa pagkakaalam ko po nakakapagpahina po ito ng kidney? tama po ba dok? ano po kaya pwede maging alternatives sa gamot na ito? salamat po.
Anonymous Lapas
is a non-Filipino member from the Philippines
Bakit po sa edad kong 19 may arthritis na po ako ? Lagi pong nasakit at namamaga ang kamay ko ?
Jhomz Alonzo
is in United Arab Emirates
This week lang po nag start biglang sumasakit ang buto ko sa biglaang paggalaw sa ibat ibang parts..ano pong magandang gawin? Braso, leeg, legs??
Jhomz Alonzo
is in United Arab Emirates
Ano pong condition po ng sa pagsakit ng buto sa biglaang paggalaw 1 week napo akong ganito, braso,leeg, binti , balakang?
Carlo Dane Billones
is a non-Filipino member from United States
ano poh bang mabisang gamot sa namamaga arthritis na mabibili sa pharmay
King Manigbas
is in the Philippines
Doc ED.isang linggo ko na po nararamdamn un sakit sa tuhod ko minsan nawawala minsan babalik khit nakupo lang masakit na parang nangangalay po sya kasabay un tadyang ko na sumasakit..pero hindi nmn po namamaga un tuhod.rayuma din po ba un..?
King Manigbas
is in the Philippines
Doc ED.isang linggo ko na po nararamdamn un sakit sa tuhod ko minsan nawawala minsan babalik khit nakupo lang masakit na parang nangangalay po sya kasabay un tadyang ko na sumasakit..pero hindi nmn po namamaga un tuhod.rayuma din po ba un..?
anonymous
This person has chosen to hide his/her identity. Medical History
Doc sumasakit po ung hita saka tuhod ko pag gabi lalo pag nakahiga parang nangangalay na may kasamang paninigas. Ano po kaya ang dahilan bat po lagi sumasakit ito?
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.