Nangigipit sa sustento sa anak ang nanay

Hi, sa pagkaintindi ko sa tanong mo naghiwalay sila ng desisyon lang nila. Walang isa sa kanila ang ang naghain ng legal separation or annulment ba sa korte? Obligasyon naman talaga ang pagbibigay ng mga magulang ng support sa kanilang mga anak batay sa Family code. Ang support ay batay rin sa kakayahan ng magulang na magbigay ng support para sa edukasyo,tirahan, pagkain, medikal na pangangailangan at iba pa. Maari namang mag usap sila kong magkano lang ang ibigay lalo na sa sinabi mo na may trabaho sila pareho. Ang importante ay nagbibigay ng financial support ang kapatid mo kahit hindi yong 70% na hinihingi at huwag niyang itigil ito. Pero kong talagang hindi magkaintindihan ang dalawa sa kong magkano mas mabuti na ang korte nalang ang magdesisyon nito. Magfile nalang ng petition for support ang asawa niya para korte na ang magdesisyon kong magkano talaga ang dapat na ibigay ng kapatid mo. Ang support ah hindi permanente maaring lumaki o lumiit depende sa gasto na kailangan ng bata at kakayahan di ng ama na magbigay.

Gusto ko lang linawin na dahil hindi pa sila legal na naghiwalay ang kapatid mo at asawa niya ayon sa ating batas obligado sila na magbigay ng support sa isa't-isa kahit puro sila may trabaho kung sakaling nangangailangan ang isa sa kanila. Ang importante ngayon ay panatilihin ang supporta sa anak niya na sapat sa kanyang pangangailangan. Dapat itago niya ang lahat ng ebidensya na nagbibigay sya ng support dahil magagamit niya ito baka dumating ang panahon maghahain ng kaso ang asawa dahil hindi nagbibigay ng support kapatid mo.