Paano po kung verbal na ipinamana ng aming lolo ang kanyang mga alahas sa kanyang apo sa tuhod, at ngayon po ay naghahabol ang kaniyang kapatid at hipag sa amin?

Hindi po kasi accepted ang verbal lang to prove na kayo talaga ang pinamanahan po nito. Dapat sana may Last will na ginawa so in this kayong lahat na mga heirs ay may corresponding share po sa naiwang mga alahas. Kailangan mag usap nalang po kayong lahat kung paano gagawin ibenta ba ang mga alahas at magkano ang magiging share po ninyo nito. They might consider your share na lakihan dahil kayo ang nag alaga but nakadepende na po sa kanila yan.

Magandang umaga po. Maraming salamat po sa inyong pagtugon. May isa pa po akong katanungan. May 2 linggo na po ang nakaraan, nang ang kapatid ng aking namayapang lolo ay bumisita dito sa aming tahanan. Siya po ay aming pinatuloy nang maayos (wala po kaming problema noon sa kapatid ni lolo, katunayan po ay madalas kaming dumalaw sa kanila noong nabubuhay pa ang aming tatay). Paglabas na paglabas ng aking ina sa banyo, galit na galit niya pong sinalubong ang aking ina. Ilang beses po niyang sinabi sa aking ina na "hinaharass ng aking kapatid (nanay po ng apo ni lolo na pinapamanahan niya ng mga alahas). Hinaharass daw po ng kapatid ko at nang pamangkin kong 10 years old pa lamang si lolo para sa ipamana sa kanya ang mga alahas. Walang pong katotohanan ang mga bintang niya. Siya po raw dapat ang makinabang sa mga naiwan ng kapatid niya. At wala kaming karapatan. Nagbanta pa po ito na babalik sa ika 1 taon pa mismo ng kamatayan ng aming lolo at magsasama siya ng abogado at sinabi pa nito sa aming ina na mayroon siyang "witness". Wala po kaming idea, kung anong witness at para saaan ang witness. Nakakalungkot po ang mga nangyayari. At kami po ay nababahala sa pagbalik po ng kapatid ni lolo, dahil sa pangyayari na iyon po. Aming pong naiisip na sa barangay po kami mag-usap usap oras na bumalik po ang kapatid ni lolo. Ano po ang inyong maipapayo? Alam po namin na "false accusation" yun mga naging paratang ng kapatid ni lolo sa aking kapatid at anak nito. Napakasakit po para sa amin dahil wala po kaming naging problema sa kapatid ni lolo or anuman na ginawang masama. Maayos ang aming pakikisama sa kanya simula't simula at naging tulay para silang dalawa ay magkaayos muli. Ako po ay humihingi ng payo, dahil malapit na ang ika-1 taon ng kamatayan ni lolo, kung kailan babalik ang kapatid nito sa aming tahanan. Ayaw na po namin maulit ang nangyari nang una itong bumisita sa amin. Maraming maraming salamat po! Mabuhay po kayo!