Paano po sila nakapagbenta ng lupa ng wala kaming pirma?

Sa ating batas equal sharing po ang lahat ng magkakapatid sa mana na makukuha nila mula sa kanilang mga magulang. Kung patay na po ang ibang anak ito ay mapupunta sa mga anak ng namatay. So kung hatian ay through extra-judicial settlement meaning hindi na dumaan pa sa korte kailangan na ang lahat ng heirs ay pipirma nito. However, may mga pagkakataon na ang ibang anak ay nakatanggap na rin ng kanilang share bago pa namatay ang kanilang mga magulang through donation so wala na siyang maexpect na share sa natira so yan siguro hindi na lang pinapirma ng mga anak na maghati-hati nito. Pero kung wala pong natanggap entitled po kayo sa share. Maari po ninyong ipa annul ang nasabing sale ng mga kapatid ng inyong mga magulang na hindi kayo naisali kaya lang through court hearing na po ito at kung ang title nito ay nailipat na sa nakabili maaring hindi na po ninyo ito mabawi pa. Lalo na if the buyer is in good faith. Mas nakabubuti po na kumonsulta po kayo sa isang abogado dalhin po ninyo ang inyong mga ebidensya na magpapatunay sa property na pag aari ng inyong mga lolo at lola at mga, birth certificate ng inyong magulang na magpapatunay na sila po ang anak. May libre pong konsulta sa opisina ng PAO or sa opisina ng IBP na malapit sa inyong lugar.