Paanu mahibal-an nga nagabusong ako? Ano mabatyagan kung gabusong? Nagapanamkon Pinamataan

Mga ginabatyag kung gabusong- Ano ang una nga matabo

Bal-an mo bala kung ikaw nagabusong? Umpisa sa nagalingin ang ulo asta sa nagaabatyag sang kakapoy.



Nagabusong bala ako? Ang pregnancy test ang magpamatuod. Kung indi mag-abot ang imo regla, diri kana magpadumdom o magsulod sa imo pinsar ukon hunahuna nga nagabusong ka. Kalabanan sang mga babayi nahadlok sila magbusong labi na gid kung pinamataan lang ukon wala amay ang iya nga ginabusong. Ukon nahadlok mabal-an sang ginikanan tungod sa subra pa kabata. Pero indi ninyo pagkalimti nga damo man nga babayi ang gusto nga magbusong pero indi makabata tungod sa pagkabaug ukon may problema sa matris. Indi mo gid ipahulog ang imo ginabusong kay basi mag-hinulsol sa ulihi, bulahan ka kag damo ang gusto sa imo nga ginatindugan.

Mga tanda kag ginabatyag kung nagabusong
Pwede nga isa sa mga ginabatyag ang:

- Indi maabtan sang regla. Kung sa ensakto ka nga pang idaron kag isa na ka semana o sobra pa kag indi mag-abot ang rigla, may tsansa nga nagabusong.

- Tam-an ka sakit ang didi kag nagabanog. Sa temprano nga pagbusong pwidi nga magbanog ang didi tungod sa pabag-o sang hormones. Magligad ang mga sinemana mahagan hagan ang ginabatyag nga sakit tungod mag adjust ang imo nga lawas.

- Paglingin sang ulo nga kis-a nagasuka pa. Ang ginatawag nga morning sickness, mabatyagan  ini pagkaligad sang isa ka bulan bag-o ka magbusong. Mabatyagan mo ini sa aga ukon kis-a sa gab-i. May mga iban nga nagabusong mabatyagan ini wala pa isa ka bulan ang ginabusong kag may mga babayi man nga indi ini mabatyagan. Wala sang klaro nga rason kung ngaa nagalingin ang ulo kun ikaw nagabusong, pwidi nga ang rason tungod sa pag-bag-o sang imo lawas.

- Permi naga pangihi. Isa sa ginabatyag ang pirmi naga pangihi. Nagadamo ang imo dugo sa lawas nga ginahalinan sa pagdamo sang fluid sa imo nga bato, kag nagakadto sa imo nga pantog.

- Kapoy. Ang pagkakapoy ang isa sa mga pirmi ginabatyagan sang nagabusong. Sa una magtaas ang libel sang hormone nga progesterone nga makabatyag sang tuyo.



Iban nga tanda kag ginabatyag kung nagabusong

Mga tanda kag ginabatyag kung nagabusong nga pwidi mo mabatyagan sa una nga trimister:

- Mainiton ang ulo ukon hukas hukas sang ulo. Permi ka lang nagahibi bisan wala sang rason tungod nagabaha ang hormones sa imo nga sa lawas sa timprano nga pitsa sang pagbusong. Nagabag-o bag-o primi sang batasan ukon sang ginabatyag imosyunal.

- Nagabanog. Sa una nga pitsa sang pagbusong mabatyagan mo nga nagabanog ang pus-on tungod sa pagbag-o sang hormones. Ang nabatyagan nga kasakit parihos sa ginabatyag sa una nga adlaw sang rigla.

- Gamay nga dugo ukon spotting. Kis-a ang gamay nga pagdugo ukon spotting isa sa patimaan sang pagbusong. Ginatawag ini nga implantation bleeding, nagakatabo ini kung ang fertile nga itlog magtapik sa lining sang matris. Mga pulo asta sa katorse nga adlaw bag-o mahuman ang bata sa sulod sang tiyan. Nagakatabo ang implantation bleeding sa tion sang rigla piro indi tanan nagakatabo ini sa babayi.

- Pagsakit sang pus-on. Nagabatyag sang sakit sang pus-on sa timprano nga pagbusong.

- Pagtubol. Tungod sa pagbag-o sang hormones ginapahinay  ang digestive system nga rason para mabudlayan sa pagpamus-on ukon natubol.

- Pislian sa pagkaon ukon nagapanamkon. Kung nagabusong pwidi nga magpislian ka sa pagkaon kag magbag-o ang panamil. Ang pislian sa pagkaon isa nga rason sa pagbag-o sang hormones pareho sang iban nga ginabatyag.

- Pagsip-on. Pwidi nga magmala, magbanog kag magdugo ang mucous membrane sa ilong tungod mataas nga lebel sang hormones kag produksyon sang dugo. Pwidi ka masip-on ukon maping-utan.

Nagabusong ka gid bala?

Indi mo gid matago nga nagabusong ka kung ini nga mga tanda ukon sinyales imo ginabatyagan. May mga mal-am kis-a nga hambalon ka lang lapit na mag-abut ang imo rigla ukon hambalan ka lang nga may sakit ka. Pirmi gid panumdumon nga indi tanan nga nagabusong nagakabatyag sang madamo nga mga sinyales.

Kung indi pa mag-abot ang imo rigla kag isa sa mga siyales imo na mabatyagan, magbakal kag gamiton ang pregnancy test ukon magkadto gid dayun sa duktor. Maatinder mo gid ang imo nga lawas kung aga pa mabal-an mo nga nagabusong ka.