PANAGINIP TUNGKOL SA KAMATAYAN: ANO KAHULUGAN O IBIG SABIHIN NAMATAY AKO SIMBOLO PANAGINIP?

Winston Guo
is a Astrologer, Fortune Teller in the Philippines

Halos lahat tayo ay nakaranas ng managinip ng patungkol sa kamatayan. Maaring tayo mismo ang namatay o isa sa mga mahal natin sa buhay. At marahil kapag nangyayari ito ay napapaiisip tayo kung ano nga ba ang kahulugan ng mga ganitong panaginip. Bakit tayo nanaginip ng ganitong klase? Mayroon nga ba itong kinalaman sa sarili nating kamatayan?

Ayon sa isang eksperto, ang panaginip tungkol sa kamatayan ay walang kinalaman sa literal na kamatayan ng isang tao. Ito lamang ay isang paraan upang mas makilala natin ang ating sarili at mas matulungan sa iba’t ibang pinagdadaanan sa buhay. Ito rin ang paraan upang malagpasan ang mga alalahanin o galit na bumabagabag sa ating mga isipan. Maaring ito ay mga problema na alam natin o mga bagay na pilit nating tinatakasan. Pwedeng rin naman na ang ating panaginip ay simbolo ng pagsisimula ng bagong kabanata sa ating buhay.

Kamatayan ng Sarili
Kung ikaw mismo ang namatay sa iyong panaginip maraming pwedeng maging dahilan nito. Marahil nararamdaman mo na ikaw ang parating nagsasakripisyo sa isang relasyon ng hind man lang nabibigyan ng pahalaga at nais naman na unahin ang sarili.  Maaring isa rin itong paalala na tigilan na ang isang gawain na nakasanayan na pwedeng makasama at magdala ng kapahamakan.

Kamatayan ng Sanggol
Madalas ito sa mga ina na bagong panganak dahil iniisip nila na tanging sa kanila nakaatang ang responsibilidad ng pag-aalaga sa sanggol.

Kamatayan ng Anak
Ito naman ay kadalasan nangyayari sa mga magulang na may edad na. Sila ay nag-alala na darating ang panahon na ang kanila mga anak ay bubuo ng sariling pamilya at sila ay maiiwan.

Kamatayan ng Magulang
Ito naman ay para sa mga anak na ang mga magulang ay matatanda na. Sila ay nag-alala sa pagdating ng panahon na ang kanilang magulang ay papanaw at sila ay iiwan.

Kamatayan ng Kapatid
Ito naman ay nagsisilbing paalala na marahil sa sobrang kaabalahan sa buhay ay nakakalimutan ng magbigay ng panahon sa kapatid at alalahanin ang kanilang kabataan.

Kamatayan ng Asawa
Sino man na mananaginip ng pagkamatay ng kanilang kabiyak sa buhay ay marahil nag-iisip na siya ay hindi sapat para sa kanyang asawa. Dapat pag-isipan mabuti ng tao na nakaranas nito kung ano ang isang bagay na sobrang nagugustuhan niya sa kanyang asawa at kung ito rin ba ang bagay na hinahanap niya sa kanyang sarili.

Panaginip tungkol sa isang yumao na
Maaring pag-isipan ng makakaranas nito kung mayroon ba sa kanyang mga nakakasama ang nagiging masamang impluwensya sa kanya. Pwede rin naman na ang isang pangyayari sa buhay ay dapat ng ayusin at resolbahan.

Pagkamatay ng hindi kakilala
Maaring naman na may mga pagbabago sa buhay mo na hindi mo binibigyan ng pansin.

May nakita kang bangkay
Napakahalagang alalahanin ang mga pangyayari sa iyong panaginip. Kung kakilala mo ba ang namatay? Saan at kailan nakita ang bangkay? At ano ang dahilan ng kanyang pagkamatay? Kapag nalaman ang sagot sa mga ito maaring pag-isipan kung may relasyon ba ang mga ito sa iyong buhay.

Pagpatay sa kapwa
Isa itong paalala marahil na mayroon pangyayari sa buhay mo na pilit mong tinatakasan at patuloy na bumabagabag sa iyong konsensya.   

Ang mga nabanggit ay tanging mga halimbawa lamang. Ang kailangan nating isipin na sa bawat panaginip na ating mararanasan ay pagkakataon din na mas kilalanin ang ating mga sarili. Hindi natin maiiwasan na magkaroon ng mga ganitong klase ng panaginip. Ang tanging dapat nating gawin ay magkaroon ng kapayapan sa ating puso at isipan. Walang sinuman ang makakapaghanda pagdating sa kamatayan at kahit mapanaginipan mo ito ng maraming beses ay hindi mo malalaman ang saktong pagdating nito sa tunay na buhay.

References:

Freud, S. (1994). The Interpretation of Dreams (Modern Library) (Reissue ed.). Modern Library.

American Psychology Association. (n.d.). APA dictionary of psychology. Retrieved from https://dictionary.apa.org/dream-interpretation

 

About the author

Winston Guo

Profession: Astrologer, Fortune Teller
Philippines , NCR , Quezon City

 

Reply as anonymous (Your real name and picture will not be seen)
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.

Disclaimer: The materials on the Buhay OFW Website are for general information purposes only and should not be construed as religious advice, spiritual advice, opinion or any other advice on any specific facts or circumstances. Readers should not act or refrain from acting upon this information without seeking professional advice. Transmission of information on or by use of this Website is not intended to create, and receipt does not constitute, a client relationship between the sender and receiver. Photographs and other graphics used on this website may be for dramatization purposes only, and may include models or stock photos. Likenesses do not necessarily imply current client, membership, partnership or employee status.