Unsaon pagkahibalo nga mabdos ko? Unsay mga senyales o sintomas kung mabdos ka? Nangala disgrasyada

Mga Sintomas sa pagmabdos: Unsay unang mahitabo
Kahibalo ba ka sa unang mga sintomas sa pagmabdos? Gikan sa pagkalipong hangtod sa pakakapoy, hibaloa kung unsay imong kinahanglang paabuton.

Mabdos kaha ka? Naa sa pregnancy test ang ebidensya. Pero usa pa ka dili dug-on, mahimong magduda ka – o magpaabot – nga mabdos ka. Naay mga tawo nga hadlok mamabdos, labaw na ang mga disgrasyada o ang dili gusto magpahibalo sa ilang mga ginikanan kay bata pa kaayo sila. Apan ayaw kalimti nga daghan kaayog mga tawng gusto manganak, pero dili kaanak kay baog sila o dunay uban pang mga rason. Busa, ayaw paghunahuna nga magpakuha o magmahay, kay swerte kaayo ka kay daghan ug ganahan sa imong sitwasyon ron.

Hibaloa kung unsay unang mga sensyales sa pagmabdos ug nganong motunga ni.

Mga komon nga senyales ug sintomas sa pagmabdos
Pipila sa mga komon nga unang senyales ug sintomas sa pagmabdos mao ni:
- Dili ka dug-on. Kung sakto na ka sa edad para manganak, unya lapas na usa ka semana sa imong gipaabot nga dugo, nga wala pa ka dug-a, posible nga mabdos ka. Pero makalibog pud ni nga sintomas kung dili regular ang panahon sa pag-abot sa imong dugo sa usa ka bulan.

- Sakit ug naghubag nga mga totoy. Sa sayong bahin sa pagmabdos, mahimong sensitibo ug maghubag ang imong mga totoy tungod sa mga pagbag-o sa hormones. Mahimong makuhaan ang kasakit samtang nag-adjust ang imong lawas sa mga pagbag-o sa imong hormones paghuman sa usa ka semana.

- Pagkalipong nga naay pagsuka o wala. Ang morning sickness, nga mahimong mahitabo bisan unsang oras sa adlaw o gabii, kasagarang motunga sa sulod sa unang bulan sa pagmabdos. Pero ang ubang mga babaye mas sayo naka-eksperyensiya niini, ug ang uban pud, wala gyud nakasulay niini. Bisan pag dili kaayo klaro kung unsay rason sa pagkalipong sa pagmabdos, mahimong tungod ni sa hormones sa pagmabdos.

- Mas kanunay nga pagpangihi. Mahimong mas kanunay ang imong pagpangihi kaysa sa normal. Managhan ang imong dugo sa lawas kung mabdos ka, mao na nga managhan ang fluid sa imong mga bato, nga mopadulong sa imong pantog.

- Kakapoy. Komon ang kakapoy sa unang mga sintomas sa pagmabdos. Sa unang bahin sa pagmabdos, tag-as kaayo ang lebel sa hormone nga progesterone – nga makapaduka sa imo.

Uban pang mga senyales ug sintomas sa pagmabdos
Apil sa uban pang dili kaayo klaro nga mga senyales ug sintomas sa pagmabdos nga mahimo nimong mabati sa unang trimester mao ang:

- Pagkahimong moody o pabag-o-bag-o sa mood. Mahimo kang emosyonal ug palahilak tungod sa pagbaha sa hormones sa imong lawas sa unang bahin sa imong pagmabdos. Komon pud ang pabag-o-bag-o sa mood.

- Paghubag. Mahimo pud nimong mabati ang paghubag sa imong pus-on sa unang bahin sa imong pagmabdos tungod sa pagbag-o sa hormones, nga pareho sa imong mabati sa sugod kada dug-on ka.

- Gamayng pagdugo o spotting. Usahay, ang gamayng pagdugo o spotting ang usa sa unang senyales sa pagmabdos. Gitawag ni nga implantation bleeding, ug mahitabo ni kung mokapyot na ang na-fertilize nga itlog sa lining sa matres – mga 10 hangtod 14 ka adlaw human maporma ang bata. Mahitabo ang implantation bleeding panahon sa imong binulan nga pagdugo. Apan dili ni mahitabo sa tanang babaye.

- Pagsakit sa pus-on. Nakabati ang ubang mga babaye ug gamayng pagsakit sa ilang pus-on sa unang bahin sa ilang pagmabdos. (o likod nagsakit gimandoan)

- Kalisud sa paglibang. Ang mga pagbag-o sa hormones makapadugay sa imong digestive system, nga mahimong rason sa imong pagtubol o kalisud sa paglibang.

- Pagkapilian sa pagkaon o pagpangala. Kung mabdos ka, mahimo kang sensitibo sa ubang mga baho ug mahimong mabag-o ang imong pangsabor. Pareho sa ubang sintomas sa pagmabdos, ang pagkapilian sa pagkaon mahimong resulta sa pagbag-o sa hormones.

- Barado ang ilong. Mahimong maghubag, magmala, ug magdugo ang mucous membranes sa imong ilong tungod sa taas nga lebel sa hormones ug produksiyon sa dugo. Mahimo kang sip-onon o mahimong magbara imong ilong tungod niini.


Mabdos ba gyud ka?
Ikasubo, kasagarang mga senyales ug sintomas dili lang sa mga nagmabdos. Ang uban mahimong tungod kay naa kay sakit o hapit na kang dug-on. Pero mahimo pud kang magmabdos nga dili makabati sa kadaghanan niining mga sintomas.

Bisan pa niana, kung dili na ka dug-on, ug nakabati kag bisan diin sa mga senyales o sintomas sa ibabaw, palita ug gamita ang home pregnancy test o bisita sa imong doktor. Kung positibo ang imong home pregnancy test, mapa-iskedyul sa imong doktor. Mas sayo nga mahibaloan ang imong pagmabdos, mas sayo ang pag-atiman niini.