Hello Novie,
Kumusta na ang iyong hemorrhoids? Nagpatingin ka na ba sa doctor? Lalo na't sagabal ang almuranas sa ibat ibang gawa gaya na lamang ng pagdumi o minsan kahit sa ordinaryong pag-upo lamang. Sa katanungan kung anong lunas sa almuranas, masasagot ko yan sa pamamagitan ng pagtuklas ng mga iba't-ibang grado ng almuranas. Nga pala may 2 klase ng hemorrhoid, ito ay ang internal at external hemorrhoid. Ina-assume ko na ikaw ay namromroblema sa hemorrhoid sa labas o external hmd. Ito ay yaong may simptomas na nararamdamam kapag ikaw ay dumudumi, kumakain ng maanghang at mga gawaing nangangailangan ng pagpupwersa o straining.
1) Grade 1 external Hmd:- halos walang makita o makapa kapag na-RE or rectal exams. Pero may pamamaga at pangangati sa anal canal. Ang lunas ay sadyang preventive lamang o yaong pagiwas sa spicy foods, pagkain ng high fiber foods gaya ng oatmeal, brownrice at gulay. Uminom ng NSAID o mga anti-inflammatory drugs. Magpahid din ng ointment o petroleum jelly sa anal sphincter o puwitan para mabawasan ang friction.
2) Grade 2 external Hmd: may kaunting nakausli na makakapa sa pamamagitan ng RE. Ang lunas ay pareho sa grade 1 hmd. Idagdag din ang hot sitz bath o pag-upo sa mainit na tubig sa isang tub o kahit sa bote na may mainit na tubig.
3) Grade 3- halos pareho sa grade 2 subalit mas mahaba ang tissue na nakausli. Minsan may pagdurugo at matinding pamamaga. Ang gamutan ay lahat gaya ng Grade 2, subalit pwede ring ang hemorroidectomy o ang surgical na pagtatanggal ng hemorroid. Depende sa resulta ng rectal exam.
4)Grade 4- Matinding pamamaga, pagkabulok ng tissue. Kinakailangan ng hemoroidectomy sa pinakamadaling panahon. Hindi ito kayang ibalik sa pamamagitan ng pagtulak ng nakausling balat sa loob ng anal sphincter. Di gaya ng grade 1 hanggang grade 3 na naibabalik pa sa loob, ang grde 4 ay mahirap ibalik at kadalasang mahaba at malaki ang hemorroid. Surgery o tinatawag na hemoroidectomy lamang ang gamutan dito.
Tandaan, umiwas sa pagkain ng karne, spicy foods, at mga matitigas na prutas gaya ng bayabas kapag may almuranas. Sana nakatulong ako sayo.