Ang unang hakbang sa pag-unawa ng mensahe na laman ng panaginip ay ang pagtanong sa ating sarili kung makabuluhan ba o kaya’y wala namang ibig-sabihin ang napanaginipan. Ang mga panaginip na may ibig ipahiwatig ay karaniwang nagaganap sa mga oras na pinakamahimbing na parte ng ating pagtulog, pagkaraan ng 2-3 na oras ng ating pagtulog. Subalit, marami ring makabuluhang panaginip ang maaaring maganap sa anumang oras.
Image courtesy: John Anster Fitzgerald creator QS:P170,Q732540, Dreams - Fitzgerald, marked as public domain, more details on Wikimedia Commons
Sa loob ng isa hanggang tatlong oras o higit pa gabi-gabi, ang bawat isa sa atin ay nananaginip. Kung minsan, agad nating naiintindihan ang ibig sabihin nito. Kung minsan naman ay napakalabo ng mensahe nitong dala.
Subalit, hindi palaging ganoon kasimple intindihin ang mga panaginip. Kaya naman mas nagiging kamangha-mangha ang pag-aaral ng pagpapaliwanag ng panaginip o dream interpretation. Ganunpaman, may iba’t-ibang kultura at tao sa mundo ang nag-uulat ng magkakapare-parehong panaginip kaya naman marami ang nagkaka-interes na pag-aralan ang mga pahiwatig nito.
Hindi maaaring bigyan ng iisang kahulugan lamang ang bawat simbolo na makikita sa panaginip, ngunit may mga simbolong na may angkop na kahulugan ayon sa mga dalubhasa, dahil karaniwan silang lumalabas sa panaginip ng iba’t-ibang tao sa mundo. Narito ang madalas na imahe na karaniwang makikita sa panaginip at ang kanilang pahiwatig o maaring maisaliwalat:
1. Para kang hinahabol
Ito ay isa sa mga pinaka-karaniwang napapaulat na panaginip. Dahil wari’y totoo ang nararamdaman nating takot habang hinahabol, kaya naman mas madali nating natatandaan ito. Madalas nagmumula ang ganitong panaginip dahil may tinatakasan tayong bagay. Kung nananaginip ka ng ganito, maaaring meron kang mahalagang bagay na kailangang tapusin ngunit nakalimutan mong gawin. Read more...
2. Tubig
Ang tubig ay madalas kumakatawan sa ating emosyon at malalim na kamalayan. Ang kalidad ng tubig (malinaw kontra sa malubog; mahinahon laban sa mapusok) ay may ibig ipahiwatig kung nadadala ba natin ng wasto ang ating emosyon. Read more...
3. Pera
Sa panaginip, karaniwang sumisimbolo ang pera sa kapangyarihan, kayamanan, kaginhawaan, kahalagahan ng sarili, tagumpay, o kumpyansa sa sarili. Ngunit kahit ano pa man ang... Read more...
Namumulot ng pera - Ang panaginip na namumulot ng pera ay nagpapahiwatig ng isang mahusay na pangitain. Madalas ito ay sumisimbolo ng kapangyarihan, kayamanan, kaginhawaan, kahalagahan ng sarili, tagumpay, at kumpiyansa sa sarili. Magbasa pa...
4. Ibang tao o Estranghero
Kapag nakakakita ka ng ibang tao sa iyong panaginip, karaniwan ito ay sumasalamin sa isang parte ng iyong sarili. Sila ay maaaring may kaugnayan sa mga katangian na hindi mo pa nahahasa. Kung minsan, ang taong nakikita mo sa iyong panaginip ay may direktang kaugnayan sa nangyayari sa totoong buhay. Ang pagkakaroon ng kasintahan sa panaginip ay sumasalamin sa aspeto ng sarili na gusto nating mas mapaunlad pa ng husto. Read more...
5. Eskwelahan o Silid-aralan
Napaka-karaniwang sitwasyon sa mga panaginip ang makita mo ang iyong sarili sa loob ng silid-aralan habang sinasagutan mo ang pagsusulit na hindi mo napag-handaan. Ito ay malaking halimbawa ng “dream pun” – ang paggamit ng isipan ng salita o konsepto at pagbibigay dito ng ibang kahulugan. Ang aralin o pagsusuri na hinaharap natin sa klasrum ay kadalasan isang bagay na kailangan nating matutunan habang nagbabalik-tanaw sa ating nakaraan. Read more...
6. Pagka-paralisa o hindi makagalaw
Hindi batid ng halos lahat ng tao, ang katawan ay aktwal na nakakaranas ng isang klase ng paralisis na pumipigil sa atin na magawa ang isang bagay sa ating panaginip, sa gayon, ang madalas na pananaginip ng paralisis ay kumakatawan sa pag-aabot ng “Rapid Eye Movement” at ganap na pagkagising na mga parte ng pagtulog. Ang ganitong panaginip ay nangangahulugan ng kakulangan natin ng kontrol sa maayos na pagpapatakbo ng ating aktibong buhay. Read more...
7. Kamatayan
Bagamat ang kamatayan ay madalas napagkakamalang negatibo, ito ay mas malimit na direktang may kaugnayan sa malaking pagbabagong magaganap sa ating buhay – ang katapusan ng isang bagay, upang mabigyang-daan ang isang pagbabago. Read more...
8. Panganib
Kapag ikaw ay nanaginip ng nasa isang delikado o peligrong sitwasyon, maaaring nagpapahiwatig ito ng babala tungkol sa mga hakbang at plano sa buhay sa kasalukuyan.
Read more...
9. Demonyo
Ang demonyo o diyablo ay isang negatibong ispirito. Ito na siguro ang elemento o panaginip na ayaw nating maranasan. Ngunit ang isang panaginip ay hindi natin kayang iwasan. Read more...
10. Paglipad o Lumilipad
Ang paglipad sa isang panaginip, at kung gaano ito kahusay o kapangit isinagawa, ay may kaugnayan sa kontrol at tiwala natin sa sarili na makamit ang mithiin natin sa buhay. Ang mataas na paglipad ay isa sa pinaka-nakakatuwang panaginip, subalit ang paglipad naman nang mababa o pagkasabit sa mga balakid tulad ng linya ng kuryente, ay talaga namang nakakalungkot. Read more...
11. Pagkahulog o Nahuhulog
Hindi lahat ng panaginip ng pagkahulog ay nakakatakot at negatibo. May nag-ulat ng pagranas ng mabagal na pagkahulog at dahil dito ay nakaramdam siya ng kapayapaan sa sarili. Madalas, ang mabilis na pagkahulog mula sa mataas na lugar ay nagpapahiwatig na hindi natin kontrolado ang ating buhay. Read more...
12. Nakahubad
Ang emosyonal o saikolohikal na kahinaan ay karaniwang ipinahahayag sa ating panaginip bilang pagiging hubad. Ang parte ng katawan na nakalabas ay may koneksyon sa emosyon na tinatago-tago natin at gusto nating ilahad sa iba. Read more...
13. Halik - Ang halik ay simbolo ng pasyon, pagnanais, pagmamahal o pakikipagkaibigan. Para lubos nating maunawaan ang ibig sabihin ng halik sa iyong panaginip dapat malaman natin kung sino ang nakahalikan, saang parte ng katawan ang hinalikan, at kung anong klaseng halik ito. Read more...
14. Sanggol o Baby
Ang pananaginip ng sanggol ay nagpapahiwatig na may bago. Maaari itong bagong ideya, bagong proyekto at trabaho, o potensyal na pag-unlad sa isang aspeto ng sarili.
15. Pagkain
Ang pagkain ay sumasagisag sa enerhiya, kaalaman, emosyon at spirituwalidad. Ito ay maaari ring sumasalamin sa pagiging gutom natin sa mga bagong impormasyon at karunungan.
16. Bahay
Ang mga bahay kadalasan ay kumakatawan sa ating isipan. Ang iba’t-ibang kwarto sa bahay ay maaaring may kaugnayan sa iba’t-ibang aspeto ng sarili at iba’t-ibang antas ng kamalayan. Ang silong ng bahay ay karaniwang kumakatawan sa napabayaan, o hindi namamalayang parte ng buhay, habang ang silid-tulugan naman ay kumakatawan sa pinakatinatago-tago nating saloobin at damdamin.
17. Pakikipagtalik o Sex
Ang usapin tungkol sa pakikipagtalik ay sadyang tanggap na ng ating lipunan. Napakahalagang usapin din ito tungkol sa mga mag-asawa o magkarelasyon. Kaya’t hindi na bago kung ang isang tao ay mananaginip tungkol sa pakipagniig. Ang pakikipagtalik sa panaginip ay isang simpleng paglalahad ng sekswal na saloobin. Subalit ang mga panaginip tungkol sa sex ay maaari ring simbolo ng malalim na koneksyon sa iyong sarili at sa ibang tao. Read more...
18. Buntis o nagdadalang tao - Sinisimbolo ng panaginip tungkol sa pagbubuntis ang isang bagong simula sa buhay o mayroon aspeto sa iyong personal na buhay na umuusbong o lumalago. Maari din na ang pagbubuntis sa iyong panaginip ay isang panibagong ideya, direksyon, proyekto o layunin. Read more...
19. Dating kasintahan, dating minamahal o Ex
Naghahayag daw o lantarang nagsasabi ang panaginip ng kasalukuyang nilalaman ng iyong puso na hindi mo mabigkas. Kapag ang napapanaginipan mo ay ang iyong dating kasintahan o ex, ibig sabihin ay marami kang kinikimkim sa iyong puso na dapat mong pagnilayin. Magbasa pa
20. Kinagat ng aso
Kung ikaw ay nanaginip na yayakapin mo sana ang aso, pero bagkus ay kinagat ka. Pagkatapos ay bigla ka na lang nagising na pawisan, na nakakaramdam ng takot habang ang hapdi ng kagat ng aso ay ramdam na ramdam mo sa katawan mo. Ang malaking katanungan na sasagi sa kaibuturan ng yong isip ay: 'Ito ba ay isang panaginip lamang o may mas malalim na kahulugan sa kagat ng aso?' Magbasa pa
21. Apoy
Ang apoy ay simbolo ng pagkalinis, pagkadalisay at pagbabagong lakas. Makapangyarihan ang apoy pwede kang patatagin o pwede ka rin nitong sirain. Ang apoy ay simbolo din ng digmaan, pagsalakay at pangkalakasang lalaki. Kaya naman upang maunawaan ang ibig sabihin ng apoy sa iyong panaginip kailangang tandaan ang mga detalye nito. Magbasa pa
22. Umiiyak
Ang luha ay simbolo ng pagkahabag, panlunas ng emosyon at panghugas sa aspetong ispiritwal. Dahil sa iba't ibang kadahilanan kung bakit tayo umiiyak tunay nga namang mahirap maunawaan kung ano ang interpretasyon ng ating panaginip. Magbasa pa...
23. Mga Sasakyan
Mapa-kotse, eroplano, tren o barko, ang mga sasakyan sa ating panaginip ay sumasalamin sa anong direksyon patungo ang ating buhay, at kung may kontrol ba tayo sa kung saan tayo patungo. Ibig ipahiwatig ng sasakyan sa ating panaginip na may kakayanan tayong umunlad dahil kontrolado natin ang ating buhay. Ito rin ay may pahiwatig sa mga problema kailangang harapin at lampasan.
24. Nawawala o naliligaw o na-late - Ikaw ba ay nawawala, may hinahanap o hindi alam kung saan pupunta? Magbasa pa...
25. Gagamba o Spider
Ang gagamba ay simbolo ng iyong pagkababae o mga babaeng dominante na may malaking impluwensya sa iyong buhay. Upang lubos na maunawaan ang kahulugan ng iyong panaginip kailangang alalahanin ang bawat detalye nito. Read more...
26. Nagloloko ang asawa o syota - Wala ng ikakasira ng araw na nagising ka at nagkaroon ng masamang panaginip. Lalo na kung ang panaginip mo ay tungkol sa mga malalapit na kaibigan o di kaya ay pamilya. Mas nakakainis kung ang napanaginipan mo ay kung paano nagtaksil ang asawa mo sa iyo. Hindi mo pa rin maiwasan na mainis kahit na alam mo kung gaano ito katapat sa’yo. Read more...
Sa kabila ng pagkakapare-pareho ng maraming simbolo ng panaginip, importanteng bigyang-pansin na ang taong nananaginip ang siya lamang tunay na makakaintindi sa kanyang panaginip at paanong ang mga simbolong ito at ang kanilang pahiwatig ay maiuugnay sa tunay na buhay.
Ang mga panaginip na naaapektuhan ng ating kapaligiran ay walang kahulugan at hindi importante sa atin. Halimbawa, ang isang panaginip na umiikot lamang sa isang pisikal na kondisyon tulad ng tunog o paggalaw ay hindi ganoon kalalim ang kahulugan. Madalas, ang mga nananaginip ay karaniwang binibigyang-kahulugan ang kanilang nararamdaman sa totoong buhay at nasasalin ang mga ito sa kanilang panaginip.
Halimbawa, ang taong dahan-dahang nahuhulog sa kanyang higaan habang siya ay natutulog ay maaaring nananaginip na siya ay nahuhulog mula sa isang napakataas na gusali. Ang kanyang isipan ay binibigyang-kahulugan ang pisikal na kaganapan na pagkahulog mula sa kanyang higaan, at ginagawa itong pagkahulog mula sa gusali sa panaginip. Sa isang banda, ang mga tunog sa paligid ay maaari ring pumasok sa ating panaginip. Ang tao ay maaaring makarinig ng tunog ng kalembang ng “bells” sa kanyang panaginip dahil nag-ri-ring ang kanyang telepono habang siya ay natutulog.
Ang mga pangyayari sa totoong buhay tulad ng pagkawala ng isang mahal sa buhay o takot ay maaari ring magdulot ng malaking epekto sa ating panaginip. Ito ang eksplanasyon kung bakit nagkakaroon ng bangungot ang mga tao matapos silang manood ng nakakatakot na pelikula. Ang emosyon at takot na naranasan mula sa panonood ng horror film, ay maaaring maipahayag ng direkta sa ating panaginip.
References:
Price, M. (2009, April). You are what you dream. Retrieved from https://www.apa.org/monitor/2009/04/dream
Bernstein, D. (2018, July 30). Myth: Traumatic memories are often repressed and later recovered. Retrieved from https://www.psychologicalscience.org/uncategorized/myth-traumatic-memories-are-often-repressed-and-later-recovered.html
American Sleep Association. (n.d.). Dreams - What they mean and psychology behind them. Retrieved from https://www.sleepassociation.org/about-sleep/dreams/
